agriculture news in Marathi, Devendra Fadnvis, 3100 rupees will demand for sugar, Maharashtra | Agrowon

साखरेला ३१०० रुपये एफआरपीची मागणी करु : मुख्यमंत्री फडणवीस
टीम अॅग्रोवन
शुक्रवार, 26 ऑक्टोबर 2018

कोल्हापूर  : उसाच्या एफआरपीचा एकूण एक पैसा शेतकऱ्यांच्या खात्यावर जमा करेपर्यंत शासन गप्प बसणार नाही. याबरोबरच साखरेचा किमान भाव २९०० रुपये बांधून दिला असून, तो किमान ३१०० रुपये करावा, यासाठी केंद्र शासनाकडे शिफारस करू, अशी ग्वाही मुख्यमंत्री देवेंद्र फडणवीस यांनी वारणा कोडोली (जि. कोल्हापूर) येथे दिली. 

कोल्हापूर  : उसाच्या एफआरपीचा एकूण एक पैसा शेतकऱ्यांच्या खात्यावर जमा करेपर्यंत शासन गप्प बसणार नाही. याबरोबरच साखरेचा किमान भाव २९०० रुपये बांधून दिला असून, तो किमान ३१०० रुपये करावा, यासाठी केंद्र शासनाकडे शिफारस करू, अशी ग्वाही मुख्यमंत्री देवेंद्र फडणवीस यांनी वारणा कोडोली (जि. कोल्हापूर) येथे दिली. 

रयत क्रांती संघटनेच्या वतीने झालेल्या शेतकरी कष्टकरी परिषदेत ते बोलत होते. पालकमंत्री चंद्रकांत पाटील, सहकारमंत्री सुभाष देशमुख, कृषी राज्यमंत्री सदाभाऊ खोत, आमदार सुरेश हाळवणकर, आमदार अमल महाडिक, आमदार डॉ. सुजित मिणचेकर, आमदार शिवाजीराव नाईक आदींच्या प्रमुख उपस्थितीत ही परिषद झाली.

मुख्यमंत्री फडणवीस म्हणाले की, गेल्या चार वर्षात एफआरपीसाठी एकदाही आंदोलन करायला लागले नाही. अन्य राज्याच्या तुलनेत महाराष्ट्रात एफआरपीचे पैसे देण्यावर शासनाने भर दिला. राज्याने २१ हजार कोटी एफआरपीचे पैसे दिले, केवळ १२० कोटी बाकी असून तेही प्राधान्य क्रमाने देण्यास शासन बांधील आहे. स्वामिनाथन यांनी हा अहवाल सन २००५ मध्ये सादर केला, पण सन २०१४ पर्यंत हा अहवाल धुळखात पडला होता. मात्र पंतप्रधान मोदी यांनी स्वामिनाथन आयोगाच्या शिफारशी स्वीकारून शेतकऱ्यांना दिलासा दिला आहे.

‘‘दुष्काळग्रस्तांना पिण्याचे पाणी, जनावरांना चारा प्राधान्याने उपलब्ध करुरून देण्याबरोबरच बॅंकांच्या कर्ज वसुलीला स्थगिती वीजबिलात सवलत, विद्यार्थ्यांच्या शैक्षणिक शुल्काला स्थगिती यासह रोजगार हमीच्या कामाला प्राधान्य अशा दुष्काळाच्या सर्व सुविधा आणि सवलती दिल्या जातील. केंद्राचे पथक येऊन गेल्यानंतर शेतकऱ्यांना थेट मदत व विम्याचे संरक्षण दिले जाईल,’’ असेही मुख्यमंत्री म्हणाले. 

श्री. खोत यांनी स्वाभिमानी शेतकरी संघटनेचे खासदार राजू शेट्टी यांचे नाव न घेता चौफेर हल्ला चढविला. निवडणुका जवळ आल्याने आता आंदोलनाची वेळ आली आहे. यंदा नक्कीच दर चांगला मिळणार आहे. शेतकऱ्यांना आंदोलन करावे लागणार नाही. आम्ही रयत क्रांती संघटनेच्या वतीने यंदाच्या उसाला एफआरपी अधिक २०० रुपये इतका दर मागत आहाेत.

 यंत्रमाग महामंडळाचे अध्यक्ष हिंदुराव शेळके, माजी आमदार दिनकर तात्या पाटील, माजी आमदार भगवानराव साळुंखे, माजी आमदार पृथ्वीराज देशमुख, अजितसिंह काटकर, सागर खोत यांच्यासह विशेष पोलिस महानिरीक्षक विश्वास नांगरे पाटील, जिल्हाधिकारी अविनाश सुभेदार, पोलिस अधीक्षक डॉ. अभिनव देशमुख, मुख्य कार्यकारी अधिकारी डॉ. अमन मित्तल आदी यावेळी उपस्थित होते.

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...