पीककर्जप्रश्नी बॅंकांवर कठोर कारवाई करा : देवेंद्र फडणीस

मुख्यमंत्री देवेंद्र फडणीस
मुख्यमंत्री देवेंद्र फडणीस

जळगाव  ः खरिपात शेतकऱ्यांना पीककर्ज देताना बॅंका टाळाटाळ करत आहेत. राज्य शासनाने वेळोवेळी निर्देश देऊनही बॅंकांनी कर्जवाटपात आखडता हात घेतला. शेतकऱ्यांना जे कर्ज दिले जाते, त्यावरील व्याजाची हमी शासनाने घेतली आहे. परंतु ज्या बॅंका कर्जमाफीच्या लाभार्थींना कर्ज देण्यास टाळाटाळ करीत आहेत, त्यांच्यावर जिल्हा प्रशासनाने कडक कारवाई करावी. तसेच उद्दिष्टापेक्षा कमी कर्ज देणाऱ्या बॅंकांविषयी मुख्यमंत्री देवेंद्र फडणवीस यांनी कठोर कारवाईचे संकेत दिले.  उत्तर महाराष्ट्र विद्यापीठ नामविस्तार सोहळा, राजे संभाजी नाट्यगृहाचे लोकार्पण सोहळ्यासाठी मुख्यमंत्री सोमवारी (ता. ८) येथे आले होते. या वेळी घेतलेल्या आढावा बैठकीत ते बोलत होते. या वेळी व्यासपीठावर महसूलमंत्री तथा जळगावचे पालकमंत्री चंद्रकांत पाटील, जलसंपदामंत्री गिरीश महाजन, सहकार राज्यमंत्री गुलाबराव पाटील, मुख्यमंत्री यांचे अपर मुख्यसचिव प्रवीण परदेशी, नाशिक विभागीय आयुक्त राजाराम माने, जिल्हाधिकारी किशोर राजेनिंबाळकर आदी उपस्थित होते. बैठकीत विविध विभागांचे अधिकारी, आमदार, लोकप्रतिनिधी उपस्थित होते.  एक मिशन म्हणून शेतकऱ्यांसाठी काम करावे. सातबारा हा वस्तुस्थितीदर्शकच असावा. कृषी व महसूल विभागाने एकत्रितपणे कार्यवाही करावी. मुख्यमंत्री पेयजल याजनेसंबंधी ४८ योजना सुरू असून, त्या मार्चअखेर पूर्ण कराव्यात. धरणगाव व भुसावळ येथील पाणी योजना अमृत योजनेत घेतल्या आहेत. त्यांचे काम पूर्ण करण्यासाठी एक वेळ निश्‍चित करा. तसेच महाराष्ट्र जीवन प्राधिकरण संबंधीच्या भुसावळ, बोदवड, मुक्ताईनगर, एरंडोल येथील पाणी योजना सप्टेंबर, २०१९ अखेर पूर्ण व्हायला हव्यात. राष्ट्रीय ग्रामीण पेयजल योजनेत समाविष्ट असलेल्या गावांची संख्या अधिक असेल, तर या गावांमधील योजना सौरऊर्जेवर कार्यान्वित कराव्यात, असेही मुख्यमंत्री म्हणाले.  अधिकाऱ्यांनी बांधावर जावे शेतात नेमकी काय स्थिती आहे, हे समोर येण्यासाठी व त्या दृष्टीने शासनाला उपाययोजना करण्यासाठी महसूल व कृषी विभागाचे पीकपेरा, पीकस्थितीचे अहवाल पथदर्शक असतात. परंतु हे अहवाल वस्तुस्थितीला गृहीत धरूनच असावेत. कारण वस्तुस्थिती समोर आली नाही, तर शासनाला योग्य, आवश्‍यक उपाययोजना करताना, निर्णय घेताना अडचणी येऊ शकतात. यामुळे महसूल व कृषी विभागाच्या अधिकाऱ्यांनी बांधावर जाऊन माहिती घ्यावी. शेतकऱ्यांशी संवाद साधूनच वस्तुस्थिती सातबारावर यावी, असे आदेश मुख्यमंत्री फडणवीस दिले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com