agriculture news in marathi, Devendra Fadnvis says, will help to empowerment of co-operative bank, Maharashtra | Agrowon

सहकार बळकटीकरणासाठी राज्य बँकेला शासनाचे पाठबळ : मुख्यमंत्री फडणवीस
टीम अॅग्रोवन
शुक्रवार, 12 ऑक्टोबर 2018

मुंबई : राज्यातील सहकार बळकटीकरणाच्या राज्य सहकारी बँकेच्या प्रयत्नांना शासनाचे पाठबळ राहील. अडचणीतील जिल्हा बँकांच्या मदतीसाठीचा आराखडा प्रभावीपणे राबविण्यात यावा, असे आवाहन मुख्यमंत्री देवेंद्र फडणवीस यांनी केले. महाराष्ट्र राज्य सहकारी बँकेच्या १०७ व्या वर्धापनदिनानिमित्त कार्यक्रमात ते बोलत होते. 

मुंबई : राज्यातील सहकार बळकटीकरणाच्या राज्य सहकारी बँकेच्या प्रयत्नांना शासनाचे पाठबळ राहील. अडचणीतील जिल्हा बँकांच्या मदतीसाठीचा आराखडा प्रभावीपणे राबविण्यात यावा, असे आवाहन मुख्यमंत्री देवेंद्र फडणवीस यांनी केले. महाराष्ट्र राज्य सहकारी बँकेच्या १०७ व्या वर्धापनदिनानिमित्त कार्यक्रमात ते बोलत होते. 

बँकेच्या मुख्यालयात प्रतिष्ठापित श्री. विठ्ठल मूर्तीचे लोकार्पण मुख्यमंत्री श्री. फडणवीस यांच्या हस्ते झाले. या वेळी सहकार मंत्री सुभाष देशमुख, आमदार  भारत भालके, सहकार आयुक्त सतीश सोनी, बँकेच्या प्रशासक मंडळाचे अध्यक्ष विद्याधर अनासकर, मंडळाचे सदस्य अविनाश महागावकर, संजय भेंडे, व्यवस्थापकीय संचालक आर. एल. बायस, विशेष कार्य अधिकारी अजित देशमुख  आदी उपस्थित होते.

मुख्यमंत्री श्री. फडणवीस म्हणाले, सहकाराच्या मंदिरात विठ्ठलाच्या मूर्तीची स्थापना ही महत्त्वपूर्ण बाब आहे. कारण वारकरी पंथ हा सहकारावर आधारित आहे. विठ्ठल नामात एकरूप होऊन, एकमेकाला साह्य करून दिंडी चालली जाते. सहकाराचे क्षेत्रही असेच आहे. समाजातल्या लोकांनी एकत्र येऊन समाजातल्या लोकांसाठी निर्माण केलेली ही व्यवस्था आहे. बँकेने १०७ वर्षे पूर्ण करून १०८ व्या वर्षात पदार्पण करणे हे बाब बँकेच्या दृष्टीने महत्त्वपूर्ण आहे. या वाटचालीत बँकेने अनेक चढ उतार पाहिले आहेत. आता बँक राज्यातील सहकार क्षेत्रात जिथे अडचणी आहेत तिथे पोचते आहे. सहकारी साखर कारखान्यांनाही त्यातूनच मदत केली जात आहे. कारखान्यांवर राज्यातील शेतकऱ्यांचे स्थैर्य अवलंबून आहे. त्यामुळे त्यांना मदत करावीच लागेल. पण आता सूतगिरण्यांनाही मदत करावी लागेल.

‘‘राज्य बँक सहकाराचे क्षेत्र बळकट आणि मजबूत करण्यासाठी प्रयत्न करते आहे. त्यामुळे राज्यातील जिल्हा बँकांची शिखर बँक म्हणून अडचणीत आलेल्या जिल्हा बँकांनाही मदत करावी लागेल. जिल्हा सहकारी बँकांची अवस्था बिकट झाल्यास शेतकरी अडचणीत येतो. त्याला अन्य पर्याय राहत नाही. त्यामुळे या बँका मजबूत केल्या पाहिजेत. त्या जिवंत राहाव्यात, त्यांच्या विस्तारातून शेतकऱ्याला मदत करण्यात यावी यासाठी प्रयत्न करावे लागतील. या बँकांच्या मदतीसाठी शिखर बँक म्हणून तयार केलेला आराखडा राबविण्यासाठी राज्य पाठबळ देईल,’’ असेही त्यांनी सांगितले.

शिखर बँकेने कालानुरूप उपविधीमध्ये बदल स्वीकारल्याचे आणि त्यातून अधिक पारदर्शकतेचा आग्रह धरल्याचे कौतुक करून राज्य सहकारी बँकेला सदृढ करण्यात प्रयत्न करणाऱ्या प्रशासक मंडळाबरोबरच, अधिकारी व कर्मचारी बँकेचे मुख्यमंत्र्यांनी अभिनंदन केले. सहकार मंत्री श्री. देशमुख यांनी राज्य बँकेने ग्रामीण भागात पाेचून, सहकार आणखी समृद्ध करावा असे आवाहन केले.

इतर अॅग्रो विशेष
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
शेतीला मिळाली बीजोत्पादनाची साथबोरी (ता. जिंतूर, जि. परभणी) गावशिवारात चंद्रशेखर...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...
पपईच्या बनावट बियाणेप्रकरणी चौघांना अटककोल्हापूर : नामवंत कंपनीच्या पपई बियाण्यांच्या...
उन्हाचा चटका वाढणार; नांदेडला तुरळक...पुणे : विदर्भ, मराठवाड्यात वादळी पावसाने...
वऱ्हाडात फळबागांवर चालू लागल्या कुऱ्हाडीअकोला : दुष्काळी परिस्थितीने शेतकऱ्यांचे जगणे...
'जलवर्धिनी' करतेय लोकशिक्षणातून जल...जलवर्धिनी प्रतिष्ठानतर्फे पाण्याचे संधारण आणि...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
कमतरतेनुसार सूक्ष्म अन्नद्रव्यांचा वापर...अलीकडे सूक्ष्म अन्नद्रव्यांची कमतरता अधिक...
पिंप्री गावाने कमावले लसूणघास शेतीत नाव पिंप्री (वळण) (ता. राहुरी, जि. नगर) हे गाव मुळा...
दुष्काळातही सुरती हुरड्याची  चवच काही...औरंगाबाद जिल्ह्यातील सारंगपूर येथील अरुण कडूबाळ...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...
नांदेड जिल्ह्यात कापूस उत्पादकता...नांदेड ः नांदेड जिल्ह्यात २०१८-१९ च्या खरीप...
नगरची लढत राहणार लक्षवेधीनगर : राज्याच्या सर्वाधिक लक्ष असलेल्या नगर (...
रब्बी पीकविम्याला बोगस प्रकरणांचे ग्रहणमुंबई ः २०१८-१९ च्या रब्बी हंगामात पंतप्रधान...
सहा कारखान्यांची धुराडी थंडावलीऔरंगाबाद  : मराठवाडा व खानदेशातील पाच...