agriculture news in marathi, devgad hapus will be available late in the market | Agrowon

देवगडचा हापूस महिनाभर उशिराने बाजारात येणार
राजकुमार चौगुले
बुधवार, 17 जानेवारी 2018

सिंधुदुर्ग : ओखी वादळाचा फटका आता देवगडच्या प्रसिद्ध हापूसला बसत आहे. हंगामात सर्वांत आधी (अर्ली) बाजारात येण्याची ख्याती असलेला देवगडचा हापूस आंबा यंदा बाजारात वादळामुळे चक्क महिनाभर उशिरा येणार आहे. परिणामी सुरवातीच्या मिळणाऱ्या दराचा फायदा यंदा उत्पादकांना होणार नाही हे स्पष्ट झाले आहे. सध्या देवगड तालुक्यातील बहुतांशी हापूस आंब्याच्या बागा आता फळधारणेच्या अवस्थेत आहेत. यामुळे अपवाद वगळता हंगाम मार्चमध्येच सुरू होण्याची शक्यता असल्याचे बागायतदारांचे म्हणणे आहे.

सिंधुदुर्ग : ओखी वादळाचा फटका आता देवगडच्या प्रसिद्ध हापूसला बसत आहे. हंगामात सर्वांत आधी (अर्ली) बाजारात येण्याची ख्याती असलेला देवगडचा हापूस आंबा यंदा बाजारात वादळामुळे चक्क महिनाभर उशिरा येणार आहे. परिणामी सुरवातीच्या मिळणाऱ्या दराचा फायदा यंदा उत्पादकांना होणार नाही हे स्पष्ट झाले आहे. सध्या देवगड तालुक्यातील बहुतांशी हापूस आंब्याच्या बागा आता फळधारणेच्या अवस्थेत आहेत. यामुळे अपवाद वगळता हंगाम मार्चमध्येच सुरू होण्याची शक्यता असल्याचे बागायतदारांचे म्हणणे आहे.

पहिल्या टप्प्यातील मोहोरावर परिणाम
आंब्याला ऑक्टोबरपासून फेब्रुवारीपर्यंत तीन टप्प्यांत मोहोर येताे. पहिला मोहोर ऑक्टोबर, नोव्हेंबरमध्ये, दुसरा डिसेंबर, जानेवारीमध्ये, तर तिसरा मोहोर फेब्रुवारीत येतो. ऑक्टोबरमध्ये जो मोहोर येतो तो आंबा साधारणपणे फेब्रुवारीच्या पहिल्या पंधरवड्यात बाजारात येतो. हा आंबा बाजारात येण्यासाठी देवगड भागातील बागायतदारांची ख्याती आहे. लवकर आंबा आल्याने याला हंगामापेक्षा जवळ जवळ दुप्पट दर मिळतो. यंदा हवामान चांगले असल्याने नोव्हेंबरमध्ये मोहोर चांगला आला; पण अचानक वादळ झाल्याने थंडी कमी झाली, त्यातच कोकण किनारपट्टीवर पाऊस सुरू झाल्याने नोव्हेंबरमध्ये आलेल्या मोहोराचे अस्तित्वच संपुष्टात आले. या मोहोराचे नुकसान झाल्याने फळे लागण्याची प्रक्रिया पूर्ण झाली नाही.

डिसेंबरचे हवामान अनुकूल
वादळानंतर डिसेंबरमध्ये मात्र हळूहळू थंडी वाढत गेली, त्याचा सकारात्मक परिणाम आंबा बागांवर झाला. ती फळे आता वाढीच्या अवस्थेत आहेत; पण ही फळे येण्यास मार्चचा मध्यच उजाडणार असल्याने यंदा फेब्रुवारीत देवगड हापूसचा आस्वाद मिळण्याची शक्यता कमी असल्याचे देवगड तालुक्यातील चित्र आहे

२५ टक्क्यांनी फटका बसणार?
गेल्या वर्षी हापूसचे उत्पादन उच्चांकी (बंपर क्रॉप) होते. केवळ देवगड तालुक्यातच ५० ते ६० हजार हेक्टर आंब्याचे क्षेत्र आहे. गेल्या वर्षी अनुकूल हवामान असल्याने देवगड हापूसचे उत्पादन चांगले झाले. बहुतांशी झाडांना एक वर्षाआड मोहोर येत असल्याने यंदा काहीसे उत्पादन घटण्याची शक्यता बागायतदारांची आहे. यातच अर्ली आंब्याचे उत्पादन होणार नसल्याने तो उत्पादन घटीचा तोटा ही गृहीत धरता एकूणच यंदा आंब्याचे उत्पादन गेल्या वर्षीच्या तुलनेत २५ टक्क्यांनी घटण्याची शक्यता व्यक्त होत आहे.

ज्या वेळी वादळ झाले त्याच वेळी यंदा आमचा अर्ली हंगामातील आंबा बाजारपेठेत न जाण्याची शक्यता निर्माण झाली होती. यामुळे येत्या महिन्याच्या कालावधीत आंबा बाजारात येण्याची फारशी शक्यता नाही. दुसरा मोहोर चांगला आल्याने मार्चमध्येच पूर्ण वेगात हंगाम सुरू होण्याची दाट शक्यता आहे
- ॲड. अजित गोगटे, अध्यक्ष, देवगड तालुका आंबा उत्पादक सहकारी संस्था

इतर अॅग्रो विशेष
जपानमधील शहरी शेतीजपान हे हजारो बेटांपासून तयार झालेले एक विकसित...
कुठे दिलासा, कुठे चिंताराज्यातील शेतकरी परतीच्या पावसाची वाट पाहून थकला...
नाशिक जिल्ह्यातील काही भागाला अवकाळी...नाशिक : नाशिक जिल्ह्यातील अनेक भागात सोमवारी...
सांगलीत वादळी पावसाने द्राक्षबागांचे...सांगली ः द्राक्षाला दर चांगले मिळतील म्हणून लवकर...
अॅग्रोवन सरपंच महापरिषद शनिवारपासून...पुणे  : कृषी, ग्रामविकास आणि जलसंधारण...
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...