धनंजय मुंडे यांना बोंडअळीग्रस्त पिकावर नांगर फिरवायला लावला...
धनंजय मुंडे यांना बोंडअळीग्रस्त पिकावर नांगर फिरवायला लावला...

धनंजय मुंडे यांना बोंडअळीग्रस्त पिकावर नांगर फिरवायला लावला...

पवनार, जि वर्धा :  हल्लाबोल यात्रेनिमित्त येथे आलेल्या विधानपरिषदेतील विरोधी पक्षनेते धनंजय मुंडे यांना बोंडअळीने हतबल कापूस उत्पादक शेतकऱ्याने चक्क आपल्या पिकावर नांगर फिरवायला लावला अन् सर्वच सुन्न झाले...

राष्ट्रवादी कॉंग्रेस पक्षाची सध्या सरकार विरोधात हल्लाबोल यात्रा सुरु आहे.  या यात्रेनिमित्त आज (ता.७) राष्ट्रवादी कॉंग्रेसचे नेते आणि विधानपरिषदेतील विरोधी पक्षनेते धनंजय मुंडे, प्रदेशाध्यक्ष सुनील तटकरे, खासदार सुप्रिया सुळे, शेतकरी नेते शंकर अण्णा धोंडगे आदी पवनार येथे आले होते. यावेळी येथील श्रीकांत तोटे या शेतक-याने स्वतःच्या बोंडअळीग्रस्त कापूस पिकाची अवस्था या सर्वांच्या नजरेस आणून दिली. तसेच श्री. मुंडे यांना या पिकावर नांगर फिरवायला लावला. 

याबाबत बोलताना धनंजय मुंडे म्हणाले, ''विदर्भातील शेतकऱ्यांचा आता सरकारच्या पंचनाम्यावरही विश्वास राहिला नाही. बोंडअळीने झालेल्या नुकसानीने त्रस्त पवनार (जि वर्धा) येथील श्रीकांत तोटे या शेतक-याने स्वतःच्या कापूस पिकावर मला नांगर फिरवायला लावला, हा माझ्यासाठी एक दुःखद प्रसंग होता.''

मी ही शेतकऱ्याचा मुलगा आहे. उभ्या कापसात नांगर चालण्याचे काम दुःखद अंतकरणाने करावे लागले. हे चित्र बघून  काळीज करपत आहे. आतातरी देवेंद्र फडणवीस सरकारने डोळे उघडावेत आणि कापसाला हेक्टरी २५ हजारांची मदत द्यावी. जो कापूस निघाला आहे त्याला ५०० रु. बोनस द्यावा, आशी मागणीही श्री. मुंडे यांनी केली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com