agriculture news in marathi, Dharma Patil death inquiry will be done by chief secretary | Agrowon

धर्मा पाटील मृत्यू प्रकरणाची चौकशी मुख्य सचिवांकडे
टीम अॅग्रोवन
बुधवार, 31 जानेवारी 2018

मुंबई : वयोवृद्ध प्रकल्पग्रस्त शेतकरी धर्मा पाटील यांच्या मृत्यूमुळे राज्यभरात संतापाची लाट उसळली आहे. राज्य सरकार एका महिन्याच्या आत पाटील यांच्या जमिनीचा योग्य मोबदला व्याजासह दिला जाईल, असे लेखी आश्वासन ऊर्जामंत्र्यांनी दिले असले, तरी या गंभीर घटनेने फडणवीस सरकार यामुळे हादरले आहे. मंगळवारी झालेल्या मंत्रिमंडळ बैठकीतदेखील याचे पडसाद उमटले. सरकारवर हे प्रकरण शेकणार, असे दिसत असताना मुख्यमंत्री देवेंद्र फडणवीस यांनी मुख्य सचिवांना चौकशी करण्याचे आदेश दिले आणि पुढच्या मंत्रिमंडळ बैठकीत चौकशी अहवाल देण्याच्या सूचना केल्या.

मुंबई : वयोवृद्ध प्रकल्पग्रस्त शेतकरी धर्मा पाटील यांच्या मृत्यूमुळे राज्यभरात संतापाची लाट उसळली आहे. राज्य सरकार एका महिन्याच्या आत पाटील यांच्या जमिनीचा योग्य मोबदला व्याजासह दिला जाईल, असे लेखी आश्वासन ऊर्जामंत्र्यांनी दिले असले, तरी या गंभीर घटनेने फडणवीस सरकार यामुळे हादरले आहे. मंगळवारी झालेल्या मंत्रिमंडळ बैठकीतदेखील याचे पडसाद उमटले. सरकारवर हे प्रकरण शेकणार, असे दिसत असताना मुख्यमंत्री देवेंद्र फडणवीस यांनी मुख्य सचिवांना चौकशी करण्याचे आदेश दिले आणि पुढच्या मंत्रिमंडळ बैठकीत चौकशी अहवाल देण्याच्या सूचना केल्या.

सरकारकडून आपल्याला जमिनीचा योग्य मोबदला मिळालेला नाही आणि तो मिळावा म्हणून धर्मा पाटील हे गेली अनेक वर्षे मंत्रालयाच्या फेऱ्या मारत होते. अखेर न्याय मिळत नसल्यामुळे त्यांनी मंत्रालयातच विषप्राशन करून आत्महत्येचा मार्ग स्वीकारला. मृत्यूशी झुंज देणाऱ्या पाटील यांचे रविवारी निधन झाले. यानंतर विरोधी पक्षांसह शिवसेनेने भाजप सरकारवर जोरदार हल्लाबोल केला. आधीच शेतकरी कर्जमाफी योजनेतील अनेक त्रुटींमुळे वादग्रत ठरलेल्या भाजप सरकारवर पाटील यांच्या मृत्यूमुळे मोठा ठपका बसला आहे. या घटनेमुळे सोशल मीडीयावर आणि लोकांमध्ये सरकारविरोधी संतापाची लाट उमटली आहे.

सरकारी अधिकाऱ्यांनी धर्मा पाटील यांना जमिनीचा योग्य मोबदला देण्यास टाळाटाळ केली. शेजारच्या जमीनमालकांना बाजारभावाने मोबदला; मात्र तोच भाव पाटील यांना देण्यास अधिकाऱ्यांनी हात आखडते घेतले होते, असे वास्तव समोर आले आहे. या प्रकरणी कुठलाही अधिकारी दोषी आढळल्यास त्यांच्यावर कारवाई करण्यास मागे पुढे पाहिले जाणार नाही, असे स्पष्ट संकेत या वेळी मुख्यमंत्र्यांनी दिले.

शिवसेना-भाजपमध्ये वार-पलटवार...
दरम्यान, शेतकरी धर्मा पाटील यांच्या मृत्यूचे पडसाद राज्य मंत्रिमंडळाच्या बैठकीतही उमटले. शिवसेनेचे मंत्री दिवाकर रावते यांनी आधीच्या सरकारने शेण खाल्ले म्हणून लोकांनी आपल्याला सत्तेत बसवले; मात्र साडेतीन वर्षे झाली तरी सरकारने धर्मा पाटील यांचा प्रश्न का सोडवला नाही, असा संतप्त सवाल मंत्रिमंडळ बैठकीत केला. याच मुद्यावर शिवसेनेचे मुखपत्र सामनातून प्रसिद्ध झालेल्या अग्रलेखातूनही सरकारवर कोरडे ओढले आहेत. धर्मा पाटील यांच्या चितेची आग सरकारच्या खुर्च्या जाळेल, अशी कठोर टीका अग्रलेखात करण्यात आली आहे. यावरून सेनेला भाजपने जोरदार प्रत्युत्तर दिले आहेत. वित्तमंत्री सुधीर मुनगंटीवार यांनी तुमच्या खुर्च्या अग्निरोधक नाहीत, त्यामुळे या आगीत तुमच्या खुर्च्याही खाक होतील, असा पलटवार केला आहे.

 

इतर अॅग्रो विशेष
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...
सिंचन योजनांचे अर्थसाह्य महामंडळाच्या...मुंबई : पंतप्रधान कृषी सिंचन योजनेतील...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...