agriculture news in marathi, did not 'Grown up tree; How to pay a loan? | Agrowon

‘पेरल्यालं उगवलं न्हाय; कर्ज कसं फेडायचं’
अभिजित डाके
शुक्रवार, 7 डिसेंबर 2018

आटपाडी, जि. सांगली ः दोन वर्षापासनं पाऊस न्हाय...चारा न्हाय....प्यायला पाणी न्हाय....शेतात पेरल्यालं उगवलं न्हाय... पीकविमा मिळाला न्हाय...कर्ज फेडायला पैका न्हाय....हाताला काम नसल्यानं गावातील लोकं गाव सोडून चालल्याती बघा असं गाऱ्हाणं आटपाडी तालुक्‍यातील शेतकऱ्यांनी दुष्काळाची पाहणी करण्यासाठी आलेल्या केंद्रीय पथकाकडे मांडले.

आटपाडी, जि. सांगली ः दोन वर्षापासनं पाऊस न्हाय...चारा न्हाय....प्यायला पाणी न्हाय....शेतात पेरल्यालं उगवलं न्हाय... पीकविमा मिळाला न्हाय...कर्ज फेडायला पैका न्हाय....हाताला काम नसल्यानं गावातील लोकं गाव सोडून चालल्याती बघा असं गाऱ्हाणं आटपाडी तालुक्‍यातील शेतकऱ्यांनी दुष्काळाची पाहणी करण्यासाठी आलेल्या केंद्रीय पथकाकडे मांडले.

आटपाडी (जि. सांगली) येथे गुरुवारी (ता. ६) दुष्काळाची पाहणी करण्यासाठी केंद्रीय पथक सकाळी ११ च्या सुमारास पात्रेवाढी येथे आले. या वेळी जिल्हाधिकारी विजयकुमार काळम पाटील, खासदार संजय पाटील, आमदार अनिल बाबर, विभागीय आयुक्त दीपक म्हैसकर, महसूलचे उपायुक्त प्रताप जाधव, कृषी आयुक्त सच्चिंद्र प्रतापसिंह, निवासी  जिल्हाधिकारी त्रिगुण कुलकर्णी, मुख्य कार्यकारी अधिकारी अभिजित राऊत, कृषी अधीक्षक अधिकारी राजेंद्र साबळे यासह विविध विभागाचे अधिकारी उपस्थित होते.

या पथकामध्ये निती आयोगाचे सहसंचालक सुभाषचंद्र मीना, एम. जी. टेंभुर्णे,  चाऱ्याचे विशेष तज्ज्ञ विजय ठाकरे यांनी तालुक्‍यातील पात्रेवाडी, लेंगरेवाडी, मानेवाडी, माडगुळे, मुढेवाडी आणि निंबवडे या गावातील जळालेले पीक, कोरड्या विहिरींची पाहणी करून शेतकऱ्यांशी संवाद साधला.दुष्काळाची पाहणी करण्यासाठी केंद्रीय पथक येणार असल्याने प्रत्येक गावातील शेतकरी केंद्राच्या पथकाची वाट पाहत होते. पथक आल्यानंतर शेतकऱ्यांनी व्यथा मांडल्या.

‘यंदा पाऊस नाही. त्यामुळे पेरलंल उगवलंच नाय. त्यामुळं जित्राबाला चारा मिळत न्हाय. डाळिंबाला २००० रुपयांपासून ३५०० रुपयांपर्यंत विकत पाणी आणून घालतूया. शेतीला आणि प्यायलाच पाणी मिळना, मग जित्राबाला कुठंन आणायचं.  आमच्यावर गाव सोडण्याची वेळ आल्या. मेंढपाळ गाव सोडून गेल्यात आणि ऊसतोडणीसाठी स्थलांतर वाढाया लागलंय. कर्ज वाढू लागलंय. कर्ज फेडायला पैका न्हाय. जित्राबांना ३० ते ४० किलोमीटरवरून विकत आणतोय. चारा संपलाय. जनावरं विकण्याशिवाय दुसरा पर्याय राहिला नाही, अशी व्यथा मांडली.’

दरम्यान, शेतकऱ्यांची व्यथा केंद्रीय पथकाने ऐकून घेतली. तसेच पाहणीच्या ठिकाणी केंद्रीय पथकाने संबंधित विभागातील अधिकाऱ्यांकडून संपूर्ण परिस्थितीची माहिती दिली. दुपारी अडीच वाजता येथील शासकीय विश्रामगृहात जिल्ह्यातील दुष्काळी परिस्थितीचा आढावा जिल्हा प्रशासनाने पथकासमोर सांगितला.

कसला पीक इमा अन् कसलं काय?
केंद्रीय पथकाने शेतकऱ्यांना पीकविम्याबाबत शेतकऱ्यांकडे विचारणा केली या प्रश्‍नाला शेतकरी उत्तर देताना म्हणाले, ‘‘कसला पीक इमा अन्‌ कसंल काय... पैक भरलं पण नुकसान झाल्याचं मोबदलाच न्हाय. कर्ज फेडायचं कसं.’’

इतर बातम्या
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
'मंडळात एकच छावणी'च्या निकषात बदल नगर  : दुष्काळाच्या पार्श्वभूमीवर जिल्ह्यात...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...
लोकसभेसाठी माढ्यातून तुल्यबळ उमेदवारकऱ्हाड : लोकसभेसाठी माढा मतदारसंघात भारतीय जनता...
उपोषणासाठी बाजार समित्यांच्या...नाशिक : नियमनमुक्तीमुळे बाजार समित्यांचे...
परभणीतील शेतकऱ्यांचे कोल्हापुरात आंदोलनकोल्हापूर : परभणी जिल्ह्यातील नुकसानग्रस्त...
युवकांच्या सहकारी संस्था स्थापणार :...कऱ्हाड : राज्यातील सहकारी संस्थांचे सभासद हे ६०...
परभणीतील शेतकऱ्यांचे कोल्हापुरात आंदोलनकोल्हापूर ः परभणी जिल्ह्यातील नुकसानग्रस्त...
किमान विक्री मूल्यवाढीने साखर उद्योगात...कोल्हापूर : साखरेचे किमान विक्री मूल्य २९००...
जन्मोजन्मी दास । व्हावे हेचि माझी आस ।।जन्मोजन्मी दास । व्हावे हेचि माझी आस ।। पंढरीचा...
शहीद जवानांच्या कुटुंबीयांना प्रत्येकी...तासगाव, जि. सांगली ः छत्रपती शिवाजी महाराज, डॉ....
दीड हजार कोटींचा दुसरा हप्ता...मुंबई  ः गेल्या वर्षी खरीप हंगामात अपुऱ्या...
राज्यात गारठा पुन्हा वाढण्याची शक्यतापुणे : उत्तरेकडून थंड वाऱ्याचे प्रवाह येऊ...
बाजार समित्यांमधील...नाशिक : तेलंगण, तमिळनाडू व कर्नाटकच्या धर्तीवर...
पंतप्रधान मोदी आज करणार महिला बचत...यवतमाळ ः पंतप्रधान नरेंद्र मोदी शनिवारी (ता...
पदव्युत्तर कृषी अभ्यासक्रमात पुढील...नागपूर ः कृषी अभ्यासक्रमात आजची परिस्थिती आणि...