agriculture news in marathi, difficulties in crop loan distribution, beed, maharashtra | Agrowon

बीडमध्ये दुबार पीककर्ज, संपूर्ण कर्जमाफीची आशा ठरतेय वाटपातील अडसर
टीम अॅग्रोवन
सोमवार, 18 जून 2018

बीड  : जिल्ह्यात गेल्या वर्षीपेक्षा यंदा पीककर्ज वाटपाचे उद्दिष्ट २१५ कोटी रुपयांनी वाढविले असले तरी वाटप संथगतीने सुरू आहे. पीककर्ज वाटपाबाबत बँकांच्या मागे दट्टा लावला जात असला तरी शेतकऱ्यांनी उचललेले दुबार कर्ज आणि कर्जमाफीतील संभ्रम या दोन गोष्टी कर्ज वाटपात अडचणीच्या ठरत आहेत. तसेच संपूर्ण कर्जमाफीची शेतकऱ्यांना अद्यापही अाशा असल्याने शेतकरीच बँकांकडे फिरत नसल्याचे वास्तव आहे.

बीड  : जिल्ह्यात गेल्या वर्षीपेक्षा यंदा पीककर्ज वाटपाचे उद्दिष्ट २१५ कोटी रुपयांनी वाढविले असले तरी वाटप संथगतीने सुरू आहे. पीककर्ज वाटपाबाबत बँकांच्या मागे दट्टा लावला जात असला तरी शेतकऱ्यांनी उचललेले दुबार कर्ज आणि कर्जमाफीतील संभ्रम या दोन गोष्टी कर्ज वाटपात अडचणीच्या ठरत आहेत. तसेच संपूर्ण कर्जमाफीची शेतकऱ्यांना अद्यापही अाशा असल्याने शेतकरीच बँकांकडे फिरत नसल्याचे वास्तव आहे.

बीड जिल्ह्याला यंदा २१४२ कोटी रुपयांचे पीककर्ज वाटपाचे उद्दिष्ट ठरवून देण्यात आले. मात्र, आतापर्यंत यातील केवळ ८० कोटी आठ लाख रुपये (३.७४ टक्के) पीककर्जाचे वाटप झाले आहे. बँकांकडून पीककर्ज वाटपात हात आखडला जात असल्याची ओरड झाल्याने महसूल विभागाकडून बँकांना पीककर्ज वाटपासाठी दट्टा लावला जात आहे. मात्र, पीककर्ज वाटपात वेगळ्याच अडचणी असल्याचे समोर येत आहे. गेल्या वर्षीही पीककर्ज वाटपाचे उद्दिष्ट केवळ १७ टक्के एवढेच पूर्ण झाले होते.

गेल्या वर्षी पीककर्ज माफ होणार या शक्यतेने शेतकऱ्यांनी पीककर्जाचे नवीन - जुने केले नव्हते. यंदा पीककर्ज माफीतील संभ्रम अद्याप संपलेला नाही. यासह बहुतेक शेतकऱ्यांकडे जिल्हा बँकेचे कर्ज असल्याने त्यांना दुसरे कर्ज मागता येत नाही. तसेच संपूर्ण कर्जमाफी मिळेल या अशी अद्यापही शेतकऱ्यांना आशा आहे, त्यामुळेच शेतकरीच बँकांकडे फिरकत नसल्याचे चित्र आहे.

पीककर्ज वाटप म्हणजे जुन्या कर्जदार शेतकऱ्यांचे खाते नवीन - जुने करणे आणि आणखी नवीन सभासदांना पीककर्ज वाटप करणे असते. गेल्या वर्षी पीककर्ज माफीची शक्यता असल्याने शेतकऱ्यांकडूनच प्रतिसाद नव्हता. गेल्या वर्षी १९२७ कोटी रुपयांचे पीककर्ज वाटपाचे उद्दिष्ट असताना केवळ ३२५ कोटी रुपये वाटप झाले होते. त्यानंतर दिवाळी दरम्यान पीककर्ज माफीची घोषणा झाली आणि नियम अटींमुळे शेतकरी संभ्रमात पडले.

नवीन - जुने करणाऱ्या शेतकऱ्यांना माफीएवेजी केवळ प्रोत्साहन अनुदान मिळाले. त्यामुळे पीककर्ज वेळेत परतफेड केल्याचा उलटा पश्चाताप शेतकऱ्यांना झाला. त्यामुळे यंदाही शेतकऱ्यांना संपूर्ण कर्जमाफी होर्ईल अशी आशा आहे. त्यामुळे शेतकरी बँकांकडे फिरकायला तयार नाहीत.

दरम्यान, बहुतांशी शेतकऱ्यांकडे जिल्हा बँकेचे पीककर्ज थकलेले आहे. थकीत कर्जदारांना दुबार पीककर्ज वाटप करता येत नाही. मात्र, हीच मंडळी पीककर्जासाठी आग्रह धरत आहे. तर मागील चार वर्षांतील दुष्काळात अनेक शेतकऱ्यांनी पीककर्जाचे पुनर्गठण केले होते. त्यांना पाच वर्षांचे समान हप्ते पाडून देण्यात आले होते. मात्र, पुनर्गठण केलेल्या कर्जाला व्याज होते.

दरम्यान, पुनर्गठण केलेल्या शेतकऱ्यांनी हप्ते भरलेले नसल्याने त्यांना आता कर्ज देता येत नाही हीदेखील कर्जवाटपातील मुख्य अडचण आहे. कर्जमाफीच्या घोषणेनंतर व्याज आकारू नका असे सरकारने जाहीर केले असले तरी तसे रिजर्व्ह बँकेने तसे पत्र काढलेले नाही. तो मुद्दादेखील अडचणीचा ठरत आहे.

इतर ताज्या घडामोडी
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
सोलापुरात गाजर, काकडीला उठावसोलापूर ः सोलापूर कृषी उत्पन्न बाजार समितीच्या...
हवामान बदलाशी सुसंगत उपाययोजनांचा शोध...सध्या हवामान बदलाचा परिणाम शेतीवर दुष्काळ, गारपीट...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...