Agriculture news in marathi, Digital Media Awards | Agrowon

‘सकाळ’ला डिजिटल मीडियातील जागतिक पुरस्कार
सकाळ वृत्तसेवा
शनिवार, 16 सप्टेंबर 2017

चेन्नई : डिजिटल माध्यमांमधील नव्या प्रवाहांमध्ये ’सकाळ माध्यम समूह’ दक्षिण आशियात अग्रेसर ठरला आहे. वृत्तपत्र माध्यमांची जागितक संघटना द वर्ल्ड असोसिएशन ऑफ न्यूजपेपर्स अँड न्यूज पब्लिशर्सने (वॅन-इफ्रा) बुधवारी जाहीर केलेल्या ‘द साउथ एशियन डिजिटल मीडिया ॲवॉर्डस्‌’मध्ये ‘सकाळ’चा गौरव करण्यात आला.

चेन्नई : डिजिटल माध्यमांमधील नव्या प्रवाहांमध्ये ’सकाळ माध्यम समूह’ दक्षिण आशियात अग्रेसर ठरला आहे. वृत्तपत्र माध्यमांची जागितक संघटना द वर्ल्ड असोसिएशन ऑफ न्यूजपेपर्स अँड न्यूज पब्लिशर्सने (वॅन-इफ्रा) बुधवारी जाहीर केलेल्या ‘द साउथ एशियन डिजिटल मीडिया ॲवॉर्डस्‌’मध्ये ‘सकाळ’चा गौरव करण्यात आला.

सोशल मीडियावरील सर्वोत्कृष्ट कामगिरीबद्दलचा पुरस्कार ‘सकाळ’ला शानदार सोहळ्यात प्रदान करण्यात आला. चेन्नईमध्ये ‘वॅन-इफ्रा इंडिया २०१७’ परिषद सुरू आहे. या परिषदेत ‘वॅन-इफ्रा’चे उपमुख्य कार्यकारी अधिकारी मॅनफ्रेड वेर्फेल आणि ‘वॅन-इफ्रा साउथ एशिया’चे कार्यकारी संचालक मगदूम मोहंमद यांच्या हस्ते ‘सकाळ माध्यम समूहा’ला हा पुरस्कार वितरित करण्यात आला.

‘सकाळ’ समूहाचे संचालक भाऊसाहेब पाटील, समूहाचे मुख्य संपादक श्रीराम पवार आणि ‘सकाळ’च्या डिजिटल विभागाचे मुख्य उपसंपादक गौरव दिवेकर यांनी पुरस्कार स्वीकारला. सोशल मीडियावरील सर्वोत्कृष्ट कामगिरीबद्दलचा ‘वॅन-इफ्रा’ पुरस्कार मिळवणारा ‘सकाळ’ हा मराठी वृत्तपत्रसृष्टीमधील पहिला माध्यम समूह ठरला आहे.

या पुरस्कारामुळे सोशल मीडियाद्वारे सर्वोत्तम संवाद साधणाऱ्या जगभरातील निवडक माध्यम समूहांमध्ये ‘सकाळ’चा समावेश झाला आहे.

esakal.com ही मराठी ऑनलाइन जगतात लोकप्रिय असलेली ‘सकाळ’ समूहाची वेबसाइट, फेसबुकवरील facebook.com/SakalNews या दहा लाखांवर फॉलोअर्स असणाऱ्या पेजसह युट्यूब, ट्विटर आणि इन्स्टाग्राम या सोशल माध्यमांमध्ये ‘सकाळ’ने गेल्या वर्षभरात केलेल्या कामगिरीची दखल पुरस्कारासाठी घेण्यात आली.

पुरस्कारासाठी दक्षिण आशियामधील वृत्तपत्रे स्पर्धेत होती. आंतरराष्ट्रीय पॅनेलने पुरस्कारासाठी परीक्षण केले. सोशल मीडिया युजर्सशी ‘सकाळ’ सातत्याने प्रभावी संवाद करत आहे. बिनचूक आणि वेगवान बातम्या, विविध विषयांवर मत-मतांतरे मांडणारे लेख आणि व्हिडिओंसाठी दररोज हजारो नेटिझन्स esakal.com वेबसाइटला भेट देतात.

ऑनलाइन वाचक दररोज प्रतिक्रिया, शेअरिंग, मेसेज आदी माध्यमांतून आपली मते, सूचना ‘सकाळ’कडे मांडत असतात. या संवादातून ‘सकाळ’शी जोडल्या गेलेल्या ऑनलाइन वाचकांची संख्या दर महिन्याला वाढत आहे. त्याची दखल पुरस्कारासाठी घेण्यात आली. esakal.com सह तीसहून वेबसाइट्‌स आणि मोबाईल ॲप्सद्वारे ‘सकाळ माध्यम समूह’ ऑनलाइन वाचकांना सेवा पुरवत आहे.

पुरस्कार देणारी ‘वॅन-इफ्रा’ संस्था जगभरातील वृत्तपत्र माध्यमांचे प्रतिनिधित्व करते. ही संस्था १९४८ मध्ये स्थापन झाली आहे. जगभरातील १२० देशांमधील तीन हजार प्रसारमाध्यमे आणि १८ हजारांवर वृत्तपत्रे, नियतकालिके या संस्थेचे सभासद आहेत.

‘सकाळ’ डिजिटल
वेबसाइट
www.esakal.com
सोशल मीडिया
facebook.com/SakalNews
twitter.com/eSakalUpdate
instagram.com/eSakalPhoto
youtube.com/user/
sakaalpapers
ॲप
Sakal Marathi News (अँड्रॉइड)
Sakal Marathi News (iOS)
सिटिझन जर्नालिझम
सकाळ संवाद (अँड्रॉइड, iOS ॲप)

इतर ताज्या घडामोडी
'टीम देवेंद्र'चा विस्तार; विखे पाटील,...मुंबई : आगामी विधानसभा निवडणूक ऐन तोंडावर आली...
ऊस बिलासाठी शेतकऱ्यांचा पाचपुतेंच्या...श्रीगोंदे : काष्टी येथील माजी मंत्री बबनराव...
खरेदीदारांच्या इच्छेवर पॅकेजिंगचा पडतो...एखादा खाद्यपदार्थ लोकांना आकर्षित ...
नगरमध्ये छावणीचालकांसाठी आणखी ६ कोटींचा...नगर : पशुधन जगविण्यासाठी छावणीचालकांचे अर्थचक्र...
सांगली जिल्ह्यात खरीप पेरा रखडलासांगली : जिल्ह्यात वळीव पावसाने दडी मारली,...
केंद्र आणि राज्याच्या मंत्र्यांना कांदे...नाशिक  : अगोदरच मागील कांदा विक्रीचे अनुदान...
सहलींच्या बचत निधीतून होणार आंबा फवारणी...रत्नागिरी : ग्रास कटर, आंबा फवारणी मशिनला...
मराठवाड्यात चार दिवसांत लाखभर लोक...औरंगाबाद : लांबलेला पाऊस, भूपृष्ठावरील जलसाठ्यांत...
पणन सुधारणा विधेयक पावसाळी अधिवेशनात...पुणे  ः शेतीमाल पणन सुधारणांमधील...
पुणे बाजार समिती पुनर्विकासाला गतीपुणे : पुणे कृषी उत्पन्न बाजार समितीच्या...
कारखान्यांना ‘सहवीज’मधून १०४१ कोटींचे...पुणे  : राज्यातील साखर कारखान्यांनी सहवीज...
खानदेशात उष्णतेचा कहर; पावसाची...जळगाव  ः खानदेशात वादळी पाऊस वगळता कुठेही...
शकूबाईंच्या लढ्याला आले यश;  वनजमीन...वणी, जि. नाशिक  : शेतकरी व आदिवासींच्या...
मराठवाड्यातील चार जिल्ह्यांत चारा...औरंगाबाद  ः दुष्काळाच्या पार्श्वभूमीवर...
उन्नत शेती अभियानात १५ दिवसांत १९ लाख...मुंबई : राज्यात उन्नत शेती - समृद्ध शेतकरी...
पाणी जिरविण्यासाठी नदीपात्र नांगरण्याचा...अमरावती  ः भूगर्भात पाणी मुरून पातळी वाढावी...
काँग्रेसच्या विधिमंडळ पक्षनेतेपदी...मुंबई : विधानसभा निवडणुकीच्या तोंडावर काँग्रेसने...
राज्य मंत्रिमंडळाचा आज विस्तार मुंबई : होणार होणार म्हणून गेले काही...
मोठ्या गटांसाठी व्यवस्थापन समितीची...शेती शाश्वत व किफायतशीर होण्यासाठी एकट्याने...
पीकविमा न मिळालेल्या शेतकऱ्यांसाठी मदत...मुंबई : राज्यातील अनेक शेतकऱ्यांना...