शेतकऱ्यांनी केले संत्र्याचे थेट मार्केटिंग

शेतकऱ्यांनी केले संत्र्याचे थेट मार्केटिंग
शेतकऱ्यांनी केले संत्र्याचे थेट मार्केटिंग

अमरावती ः थेट मार्केटिंग व विक्रीच्या पर्यायातून अधिक नफा मिळविण्यात वरुड येथील श्रमजीवी नागपुरी संत्रा उत्पादक कंपनी यशस्वी झाली आहे. कंपनीच्या माध्यमातून या भागातील शेतकऱ्यांचा संत्रा थेट बंगळूर येथील मॉलला पाठविण्यात आला. त्या माध्यमातून ७ ते ८ हजार रुपये प्रतिटन अतिरिक्‍त पदरी पडले.  शेतकऱ्यांच्या शेतमालाला थेट विक्रीचा पर्याय उपलब्ध व्हावा, याकरिता जिल्हाधिकारी अभिजित बांगर यांच्या पुढाकाराने खरेदीदार विक्रेता संमेलन भरविण्यात आले होते. याला शेतकऱ्यांसह विविध खरेदीदारांचाही प्रतिसाद मिळाला. याच संमेलनात बंगळूर येथील बिग बाजार या मॉलकडून चांगल्या प्रतीच्या संत्र्याची मागणी करण्यात आली होती. श्रमजीवी नागपुरी संत्रा उत्पादक कंपनीचे कार्यकारी अध्यक्ष रमेश जिचकार तसेच अध्यक्ष नीलेश मगर्दे यांनी त्याला प्रतिसाद दिला. त्यानंतर बिग बाजार व शेतकरी उत्पादक कंपनी यांच्यात सामंजस्य करार होत ३६९ क्रेट (८ टन) संत्रा पुरवठा आजवर करण्यात आला आहे. पंकज डंडाळे हे बिग बाजारचे कंपनी प्रतिनिधी म्हणून या भागात कार्यरत आहेत.  फळांची हवी प्रत ६५ एमएमपेक्षा अधिक आकाराच्या संत्रा फळाची मागणी बिग बाजारने केली आहे. बंगळूरला क्रेट पाठविल्यास सात रुपये वाहतुकीवर खर्च येतो. सध्या स्थानिक स्तरावर २८ ते ३१ हजार रुपये प्रतिटनाचे दर आहेत. खर्च वजा जाता ३७ ते ३८ हजार रुपये टन असा दर शेतकऱ्यांना मिळाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com