agriculture news in Marathi, discharge of agitation girls without information to officials, Maharashtra | Agrowon

प्रशासनाला न कळविताच उपोषणकर्त्यांना डिस्चार्ज
टीम अॅग्रोवन
सोमवार, 11 फेब्रुवारी 2019

नगर : पुणतांबे येथील उपोषणकर्त्या मुलींना जिल्हा रुग्णालयातील वैद्यकीय अधिकाऱ्यांनी प्रशासनाला न कळविताच ‘डिस्चार्ज’ दिला. त्यामुळे जिल्हाधिकाऱ्यांनी थेट रुग्णालयात येऊन वैद्यकीय अधिकाऱ्यांची खरडपट्टी केली. प्रशासनाला न कळवताच अन्नत्याग अांदोलनातील कृषिकन्यांना जिल्हा रुग्णालयातून सोडल्याने जिल्हाधिकारी राहुल द्विवेदी चांगलेच संतापले होते. 

नगर : पुणतांबे येथील उपोषणकर्त्या मुलींना जिल्हा रुग्णालयातील वैद्यकीय अधिकाऱ्यांनी प्रशासनाला न कळविताच ‘डिस्चार्ज’ दिला. त्यामुळे जिल्हाधिकाऱ्यांनी थेट रुग्णालयात येऊन वैद्यकीय अधिकाऱ्यांची खरडपट्टी केली. प्रशासनाला न कळवताच अन्नत्याग अांदोलनातील कृषिकन्यांना जिल्हा रुग्णालयातून सोडल्याने जिल्हाधिकारी राहुल द्विवेदी चांगलेच संतापले होते. 

शेतकऱ्यांच्या विविध मागण्यांसाठी पुणतांबे येथील कृषिकन्यांनी जिल्हा रुग्णालयातही अन्नत्याग आंदोलन सुरूच ठेवले होते. शनिवारी सकाळी राज्यमंत्री अर्जुन खोतकर यांच्या मध्यस्थीने त्यांनी उपोषण मागे घेतले. त्यानंतर उपोषणकर्त्या कृषिकन्यांवर अतिदक्षता विभागात उपचार सुरू होते. तिन्ही मुलांना मुख्यमंत्र्यांच्या भेटीसाठी रविवारी दुपारी जिल्हा रुग्णालयातून नेण्यात येणार होते. त्यामुळे मुलींवर उपचार सुरू झाल्यावर पोलिस अधिकारी आणि प्रशासकीय अधिकारी जिल्हा रुग्णालयातून निघून गेले होते. मात्र उपचार सुरू असलेल्या ठिकाणी पोलिस संरक्षण होते. 

दरम्यान, आम्ही उपोषण सोडले असून आम्हाला सोडून द्या, असे म्हणून उपोषणकर्त्यांनी वैद्यकीय अधिकाऱ्यांकडे डिर्चाज देण्याचा आग्रह धरला. त्यामुळे वैद्यकीय अधिकाऱ्यांनी उपोषणकर्त्या मुलींना दुपारी डिर्चाज दिला. परंतु, डिर्चाज देताना जिल्हा प्रशासन अथवा पोलिस प्रशासनाला कल्पना दिली नाही. कायदा व सुव्यवस्थेच्या अनुषंगाने त्यांनी प्रशासनाला कळविणे क्रमप्राप्त होते. 

मात्र त्यांनी काहीच कळविले नसल्याने सायंकाळी जिल्हाधिकारी राहुल द्विवेदी यांनी जिल्हा रुग्णालयात भेट दिली. त्या वेळी निवासी जिल्हा शल्यचिकित्सक रुग्णालयात नव्हते. तर उपस्थित डॉक्‍टरांशी जिल्हाधिकाऱ्यांनी चर्चा करून दिल्याची माहिती मिळताच जिल्हाधिकारी चांगले संतापले. त्यांनी अधिकाऱ्यांची चांगलीच खरपडपट्टी काढली. आरएमओ कोठे आहेत, असे विचारल्यावर संबंधित डॉक्‍टर निरुत्तर झाले. पोलिस उपअधीक्षक संदीप मिटके, निरीक्षक संपत शिंदे यांच्याशी चर्चा करून जिल्हाधिकारी निघून गेले. सर्व तांत्रिक गोष्टी आहेत. पण नेमके कोणी कोणाला विश्‍वासात घेतले नाही याची चौकशी केली जाईल, असे जिल्हाधिकारी राहुल द्विवेदी यांनी सांगितले. 

जिल्हाधिकारी ताटकळले
जिल्हाधिकारी कर्मचारी आणि आरएमओ सर्वच गायब होते. अपघात कक्षापासून थेट आरएमओच्या केबिनपर्यंत जिल्हाधिकारी गेले. मात्र त्यांना बसण्यास कोठेच जागा नव्हती. अखेर त्यांना सिटी स्कॅन कक्षामध्ये उपस्थित दोन डॉक्‍टरांशी चर्चा केली.
 

इतर बातम्या
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
‘सन्मान'च्या लाभार्थ्यांबाबत प्रशासन...गोंदिया : प्रधानमंत्री शेतकरी सन्मान योजनेचा लाभ...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
चैत्र यात्रेनिमित्त भाविकांनी दुमदुमला...ज्योतिबा डोंगर, जि. कोल्हापूर  : ‘...
विदर्भात वादळी पावसाची शक्यतापुणे : पूर्वमोसमी पावसाच्या सरींमुळे...
‘ॲग्रोवन'चा आज १४वा वर्धापन दिन; जल...पुणे : लाखो शेतकऱ्यांच्या कुटुंबातील घटक बनलेल्या...
यंदा बीटी कापूस बियाणे मुबलक : कृषी...पुणे : राज्याच्या कापूस उत्पादक भागातील...