agriculture news in marathi, dismiss Shahada APMC demands Swabhimani Shetkari Sanghatana | Agrowon

शहादा बाजार समिती बरखास्त करा : स्वाभिमानीची मागणी
टीम अॅग्रोवन
बुधवार, 16 मे 2018

नंदुरबार : शहादा येथील कृषी उत्पन्न बाजार समितीमध्ये हमीभावापेक्षा कमी दरात गहू व हरभऱ्याची खरेदी केल्याप्रकरणी बाजार समितीचे संचालक मंडळ बरखास्त करावे, अशी मागणी स्वाभिमानी शेतकरी संघटनेतर्फे जिल्हा उपनिबंधक (सहकारी संस्था) यांच्याकडे नुकतीच करण्यात आली. 

नंदुरबार : शहादा येथील कृषी उत्पन्न बाजार समितीमध्ये हमीभावापेक्षा कमी दरात गहू व हरभऱ्याची खरेदी केल्याप्रकरणी बाजार समितीचे संचालक मंडळ बरखास्त करावे, अशी मागणी स्वाभिमानी शेतकरी संघटनेतर्फे जिल्हा उपनिबंधक (सहकारी संस्था) यांच्याकडे नुकतीच करण्यात आली. 

संघटनेने प्रसिद्धीस दिलेल्या निवेदनात म्हटले आहे, की ६ एप्रिल २०१८ रोजी बाजार समितीमध्ये लिलावादरम्यान खरेदीदारांनी शासनाने जाहीर केलेल्या हमीभाव किंवा किमान आधारभूत मूल्याच्या तुलनेत कमी दरात हरभरा व गव्हाची खरेदी केली होती. त्या वेळेस लिलाव प्रक्रिया थांबवून कमी दरात बाजार समितीत धान्याची खरेदी केली जात असल्याचे सभापती व सचिव यांच्या निदर्शनास आणून दिले. परंतु व्यापाऱ्यांबाबत नरमाईची भूमिका घेतली व संघटनेच्या कार्यकर्त्यांना उडवाउडवीची उत्तरे दिली. यानंतर ज्या शेतकऱ्यांना हमीभाव हवा असेल त्यांनी बाजार समितीत आपले धान्य विकले नाही तरी चालेल. त्यांनी बाजाराबाहेर इतर कुठेही आपले धान्य विकावे, असा उर्मटपणा दाखविण्यात आला.

मग संघटनेने तहसील कार्यालयास या समस्येची माहिती देऊन या प्रश्‍नी आमरण उपोषण करू, असेही सांगितले. मग व्यापारी, शेतकरी व संघटना यांच्यासोबत एक बैठक घेऊन तोडगा काढायचा प्रयत्न केला. परंतु बाजार समितीमधील संचालक मंडळाने व्यापारी किंवा खरेदीदारांची बाजू घेतली. या प्रश्‍नी संघटनेने उपोषण केले. ते मोडून काढत कार्यकर्त्यांवर लाठीमार पोलिसांनी केला. हा सर्व प्रकार शेतकरी विरोधी आहे.

शेतकऱ्यांची बाजू कुणी मांडूच नये, यासाठी हा प्रकार झाला. हमीभावापेक्षा कमी दरात धान्य खरेदी करणाऱ्या आठ व्यापाऱ्यांचे परवाने प्रशासनाने रद्द केले होते. परंतु संबंधित व्यापारी पुन्हा लिलाव प्रक्रियेत भाग घेऊ लागले आहेत. हा प्रकार कोणाच्या आशीर्वादाने सुरू आहे, असा प्रश्‍नही संघटनेने केला आहे. हा प्रकार सुरूच राहिला तर शेतकऱ्यांचे  कोट्यवधींचे नुकसान होईल. बाजार  समिती बरखास्त करून शेतकऱ्यांना न्याय मिळवून द्यावा, अशी मागणी संघटनेचे उत्तर महाराष्ट्र विभागाचे अध्यक्ष घनश्‍याम चौधरी यांनी जिल्हा उपनिबंधक यांच्याकडे केली आहे.

इतर ताज्या घडामोडी
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
सोलापुरात गाजर, काकडीला उठावसोलापूर ः सोलापूर कृषी उत्पन्न बाजार समितीच्या...
हवामान बदलाशी सुसंगत उपाययोजनांचा शोध...सध्या हवामान बदलाचा परिणाम शेतीवर दुष्काळ, गारपीट...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...