agriculture news in marathi, Distribution of 8 lakh land health card in three districts | Agrowon

तीन जिल्ह्यांत ८ लाख जमीन आरोग्यपत्रिकांचे वितरण
टीम अॅग्रोवन
बुधवार, 24 जानेवारी 2018

परभणी : कृषी विभागाच्या मृदा आरोग्यपत्रिका वितरण अभियानांतर्गत आजवर नांदेड, परभणी, हिंगोली या तीन जिल्ह्यांमधील २ हजार २८४ गावांतील १ लाख ६० हजार ७४९ माती नमुने संकलित करून परीक्षणानंतर शेतकऱ्यांना ८ लाख ५११ जमीन आरोग्यपत्रिका वितरित करण्यात आल्या आहेत.

परभणी : कृषी विभागाच्या मृदा आरोग्यपत्रिका वितरण अभियानांतर्गत आजवर नांदेड, परभणी, हिंगोली या तीन जिल्ह्यांमधील २ हजार २८४ गावांतील १ लाख ६० हजार ७४९ माती नमुने संकलित करून परीक्षणानंतर शेतकऱ्यांना ८ लाख ५११ जमीन आरोग्यपत्रिका वितरित करण्यात आल्या आहेत.

प्रत्येक क्षेत्राचे माती परीक्षण करून जमिनीतील अन्नद्रव्यांचे प्रमाण जाणून घेऊन त्यावर आधारित पिकांसाठी खतमात्राची शिफारस करण्यासाठी, तसेच रासायनिक खतांचा अनिर्बंध वापर करून एकात्मिक खत व्यवस्थापनातून पिकांच्या उत्पादकतेत वाढ करण्याच्या उद्देशाने कृषी विभागामार्फत मृदा आरोग्यपत्रिका वितरण अभियानअंतर्गत माती नमुने संकलित करून शेतकऱ्यांना मोफत जमीन आरोग्यपत्रिका वितरण केले जात आहे.

नांदेड जिल्ह्यात २०१६-१७ मध्ये १ हजार १३४ गावांतील ५१ हजार ५८७ माती नमुने तपासण्यात आले असून, २ लाख ६७ हजार १४४ शेतकऱ्यांना जमीन आरोग्यपत्रिका वितरित करण्यात आल्या आहेत. परभणी जिल्ह्यातील ६२९ गावांतील ४१ हजार १९१ माती नमुन्यांची तपासणी करून शेतकऱ्यांना २ लाख ८५ हजार ३०६ जमीन आरोग्यपत्रिका वितरित करण्यात आल्या. हिंगोली जिल्ह्यातील ५२१ गावांतील ३१ हजार ५२० माती नमुन्यांची तपासणी करून शेतकऱ्यांना १ लाख ९८ हजार ५०५ जमीन आरोग्यपत्रिका वितरित करण्यात आल्या.

२०१७-१८ या वर्षात नांदेड जिल्ह्यातील ७५९ गावांतील ५२ हजार ३५२ माती नमुने काढून २ लाख ६१ हजार ७६० जमीन आरोग्यपत्रिका वितरणाचा लक्ष्यांक आहे. परभणी जिल्ह्यांत २६ हजार ३८४ माती नमुने संकलित करण्याचे उद्दिष्ट आहे. आजवर १७ हजार ६२१ माती नमुने संकलित करण्यात आले असून, त्यापैकी ८ हजार ४७८ नमुन्यांची तपासणी करून ३३ हजार ३०४ जमीन आरोग्यपत्रिका तयार करण्यात आल्या.

शेतकऱ्यांना २६ हजार ८५ जमीन आरोग्यपत्रिका वितरित करण्यात आल्या आहेत. हिंगोली जिल्ह्यातील १७ हजार ६०५ माती नमुने संकलित करण्याचे उद्दिष्ट आहे. ८ हजार ९५० नमुन्यांची तपासणी करून ३६ हजार १८२ जमीन आरोग्यपत्रिका तयार करण्यात आल्या आहेत. त्यापैकी २३ हजार ४७१ जमीन आरोग्यपत्रिका वितरित करण्यात आल्या आहेत. गेल्या दोन वर्षांत तीन जिल्ह्यांतील २ हजार २८४ गावांतील १ लाख ६० हजार ७४९ माती नमुने संकलित करून शेतकऱ्यांना ८ लाख ५११ जमीन आरोग्यपत्रिका वितरित करण्यात आल्या आहेत.

माती परीक्षणासाठी अपुरी यंत्रणा
नांदेड जिल्ह्यात एक शासकीय माती तपासणी प्रयोगशाळा, तसेच २० खासगी माती परीक्षण संस्था आणि २ कृषी विज्ञान केंद्र यांच्यामार्फत माती परीक्षण केले जाते. परभणी आणि हिंगोली जिल्ह्यांसाठी परभणी येथे शासकीय माती परीक्षण प्रयोगशाळा आहे. परभणी येथे १ शासकीय मिनिलॅब, वसंतराव नाईक मराठवाडा कृषी विद्यापीठाच्या मृदाशास्त्र आणि कृषी रसायनशास्त्र विभागातील प्रयोगशाळा, कृषी विज्ञान केंद्र तसेच एक खासगी प्रयोगशाळा आहे. हिंगोली जिल्ह्यात कृषी विज्ञान केंद्रामध्ये माती परीक्षण केले जाते. परभणी जिल्ह्यात मानव विकास मिशनअंतर्गत कृषी विद्यापीठ तसेच कृषी विज्ञान केंद्र यांच्याकडे प्रत्येकी एक फिरती माती परीक्षण प्रयोगशाळा आहे. परंतु त्यासाठी स्वतंत्र मनुष्यबळ नसल्यामुळे थेट गावात जाऊन माती परीक्षण करण्यासाठी मर्यादा येत आहेत. एकूणच तीन जिल्ह्यांत माती परीक्षणासाठी यंत्रणा अपुरी पडत असल्याचे चित्र आहे.

इतर बातम्या
शेतकरी पाकिस्तानचा जगवायचा की भारताचानागपूर  ः पाकिस्तान सीमेवर दररोज कुरापती...
संकटे असली तरी खचून न जाता पेरणी करणारपरभणी : औंदा मोसमी पाऊस वेळेवर यावा, समद्यांची...
राज्यात ढगाळ वातावरण; तर कोकणात पावसाची...भारतीय भूखंडावरील हवेचा दाब कमी होत आहेत. अरबी...
माॅन्सून अंदमानात; मंगळवारपर्यंत केरळातपुणे : नैऋत्य मोसमी वाऱ्यांनी (मॉन्सून) बंगालच्या...
भारत शेतीमध्ये जागतिक महासत्ता :...बारामती ः भारत हा शेतीच्या बाबतीत जगातील महासत्ता...
मध्य महाराष्ट्रात पावसाचा अंदाजपुणे ः पावसाला पोषक हवामान असल्याने कोकण,...
जॉईंट अॅग्रेस्को : ‘कृषी’च्या मंथनाकडे...दापोली, जि. रत्नागिरी : शेतकऱ्यांच्या आत्महत्या...
साताऱ्यात एक कोटी सात लाख क्विंटल साखर...सातारा : जिल्ह्यातील सर्वच साखर कारखान्यांच्या...
चार जिल्ह्यांत हरभरा खरेदीला ग्रहणऔरंगाबाद : खरेदीत सातत्य नसणे, जागेचा प्रश्‍न आणि...
हंगाम तोंडावर; पीककर्जाची प्रतीक्षा...अकोला ः  खरीप हंगाम अवघा काही दिवसांवर आला...
गोष्ट अश्‍वमेधाच्या डिजिटल घोड्यांचीनरेंद्र मोदी देशाच्या राजकारणात उतरले तेच मुळी...
विवेकबुद्धी, स्वयंप्रेरणाच बनली धूसरमोदी सरकारच्या काळात हिंदुत्व आणि नरम हिंदुत्व...
मोदी सरकार चार वर्ष : अपेक्षा...गेल्या चार वर्षांत नरेंद्र मोदी सरकारला अनेक चढ-...
माॅन्सून अंदमानात दाखल !!!पुणे : माॅन्सूनसाठी अंदमानाच्या दक्षिण भागात...
पावसाने ओढ दिल्यास योग्य नियोजन करावेपुणे  ः यंदा पावसाचा चांगला अंदाज व्यक्त...
'यंदाच साल बरं राहिलं' या आशेवर खरिपाची...औरंगाबाद : जिल्ह्यातील शेतकरी खरिपाच्या अंतिम...
बुलडाण्यात यंदाही सोयाबीनवरच जोर राहणारअकोला : गेल्या हंगामात पाऊस व कीड रोगांनी...
नामपूर बाजार समिती निवडणुकीचा प्रचार...नामपूर, जि. नाशिक : येथील नामपूर कृषी उत्पन्न...
कर्जमाफी अर्जातील दुरुस्तीच होईना...पुणे : कर्जमाफीसाठीच्या मुदतवाढीची संधी...
उष्ण वातावरणामुळे केळीबागा संकटातअकोला  ः सतत ४५ अंशांपेक्षा अधिक तापमान राहत...