‘भीमा'तर्फे प्रतिटन शंभर रुपयांचे वाटप

‘भीमा'तर्फे प्रतिटन शंभर रुपयांचे वाटप
‘भीमा'तर्फे प्रतिटन शंभर रुपयांचे वाटप

सोलापूर : टाकळी सिकंदर (ता. मोहोळ) येथील भीमा सहकारी साखर कारखान्याने गतवर्षीच्या गळीत हंगाम २०१७ -१८ मधील शेतकऱ्यांची एफआरपीप्रमाणे निघणारी २००० रुपयांची पूर्ण रक्कम यापूर्वीच दिली आहे. उर्वरित २५० रुपयांपैकी १०० रुपयाचा हप्ता बुधवारपासून (ता. १४) वाटप करण्यात येणार असल्याचे उपाध्यक्ष सतीश जगताप यांनी सांगितले.

गतवर्षीच्या २०१७-२०१८ च्या गळीत हंगामात ४ लाख ११ हजार ८७६ मेट्रिक टन उसाचे गाळप कारखान्याने केले. १०.१० टक्के इतक्या साखर उताऱ्याप्रमाणे १९८० रुपये ‘भीमा’ची एफआरपी निघत असताना सभासदांच्या हितासाठी प्रतिटन २२५० रुपये जाहीर केले. त्यानुसार १५ फेब्रुवारीपर्यंत गाळपास आलेल्या सर्व उसाचे बिल सभासदांना अदा करण्यात आले आहे.

१६ ते २८ फेब्रुवारी व १ ते १८ मार्च या कालावधीत ऊसगाळप झालेल्या शेतकऱ्यांना २००० रुपये प्रमाणे या पूर्वीच पाहिली उचल दिली आहे. त्यांचे प्रतिटन २५० रुपयांप्रमाणे ऊसबिल रक्कम कारखान्याकडे थकीत होती, त्यापैकी १०० रुपये प्रमाणे २ कोटी ७० लाख रुपये बुधवारपासून कै. भीमराव महाडिक ग्रामीण बिगर शेती सहकारी पतसंस्थेतून वाटप होणार असल्याचे जगताप यांनी सांगितले.

उर्वरित १५० रुपये मकर सक्रांतीनंतर देण्यात येईल. चालू वर्षाच्या २०१८-१९ च्या गाळप हंगामासही आता सुरवात झाली आहे. कार्यक्षेत्रातील सर्व उसाचे गाळप भीमा कारखाना करणार आहे. सभासदांनी भीमा कारखान्यास ऊस देऊन सहकार्य करावे, असे आवाहनही जगताप यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com