सोलापूर जिल्हा प्रशासन, परिषदेने टंचाई आराखडा तयार करावा

जिल्हा प्रशासन, परिषदेने टंचाई आराखडा तयार करावा
जिल्हा प्रशासन, परिषदेने टंचाई आराखडा तयार करावा

सोलापूर : सोलापूर जिल्ह्यातील बहुतांश तालुक्‍यात पाऊस पन्नास टक्केपेक्षा कमी झाल्यामुळे जिल्हा प्रशासन आणि जिल्हा परिषद यांनी एकत्र येऊन टंचाई कृती आराखडा तयार करावा, अशा सूचना विभागीय आयुक्त डॉ. दीपक म्हैसेकर यांनी दिल्या.

डॉ. म्हैसेकर यांनी जिल्हाधिकारी कार्यालयात विविध विषयांवर आढावा बैठक घेतली. त्या वेळी त्यांनी या सूचना दिल्या. जिल्हाधिकारी डॉ. राजेंद्र भोसले, मुख्य कार्यकारी अधिकारी डॉ राजेंद्र भारूड, उपायुक्त प्रताप जाधव, दीपक नलवडे, अजित पवार, अतिरिक्त जिल्हाधिकारी रामचंद्र शिंदे, निवासी उपजिल्हाधिकारी संजय तेली आदी उपस्थित होते.

डॉ. म्हैसेकर म्हणाले, ‘‘पावसाची परिस्थिती पाहता जिल्ह्यात संभाव्य टंचाईला सामोरे जावे लागण्याची शक्‍यता आहे. त्यासाठी नव्या मानकानुसार सर्व माहिती गोळा करून ती आवश्‍यक त्या स्वरूपात तयार करायला हवी. त्यासाठी महसूल, कृषी विभाग आणि भूजल सर्वेक्षण यंत्रणेच्या अधिकाऱ्यांनी एकमेकांत समन्वय ठेवावा. प्रस्ताव तयार करताना माहितीची सत्यता तपासून पाहा. टंचाईबाबतच्या शासन निर्णयानुसार कार्यवाही करावी. त्यामध्ये दिलेल्या निकषांनुसार आराखडा तयार करताना काळजी घ्यावी.``

डॉ. भोसले म्हणाले, ‘‘जिल्ह्यातील बार्शी वगळता सर्व तालुक्‍यांत पन्नास टक्केपेक्षा कमी पाऊस झाला आहे. त्यामुळे टंचाई आराखडा तयार करण्याच्या सूचना देण्यात आल्या आहेत.``

अन्न धान्य वितरण अधिकारी श्रीमंत पाटोळे, जिल्हा पुरवठा अधिकारी रामचंद्र उगिले, उपविभागीय अधिकारी ज्योती पाटील, शमा ढोक, शिवाजी जगताप, सचिन ढोले, प्रमोद गायकवाड, मारुती बोरकर, कृषी उपसंचालक रवींद्र माने, तहसीलदार मधुसूदन बर्गे, अमोल कदम, ऋषिकेश शेळके आदी या वेळी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com