‘त्या’ कंपनीला काळ्या यादीत टाका : जिल्हा मार्केटींग अधिकारी

शेतकऱ्यांची अडवणूक होईल अशा पद्धतीने सोयाबीनची तपासणी केली गेल्याचे सहकारमंत्री सुभाष देशमुख यांच्या उपस्थितीतच आढळून आले. त्यांच्या आदेशानुसारच अहवाल नाफेडला पाठविण्यात आला असून ‘स्टार अॅग्री’ या कंपनीला काळ्या यादीत टाकण्याची शिफारस करण्यात आली आहे. - वाय. ई. सुमठाणे, जिल्हा मार्केटिंग अधिकारी, लातूर
सोयाबीन.
सोयाबीन.

लातूर ः येथील शासनाच्या सोयाबीन खरेदी केंद्रावर सहकारमंत्री सुभाष देशमुख यांच्या उपस्थितीतच खरेदी केंद्रावरील ग्रेडरने ‘रिझेक्ट’ केलेले सोयाबीन ‘सलेक्ट’ झाले होते. या प्रकरणी श्री. देशमुख यांनी याचा अहवाल नाफेडला सादर करण्याचे आदेश जिल्हा मार्केटिंग अधिकाऱ्यांना दिले होते. नुसार येथील जिल्हा मार्केटिंग अधिकाऱ्यांनी आपला सविस्तर अहवाल नाफेडला सादर केला असून, यात ‘स्टार अॅग्री’ या कंपनीला काळ्या यादीत टाकण्याची शिफारस करण्यात आली आहे. या कंपनीने जिल्ह्यात सध्या पाच केंद्रांवर ‘ग्रेडर’ नियुक्त केलेले आहेत. त्यामुळे हे प्रकरण ‘स्टार अॅग्री’ कंपनीला भोवणार असल्याचे दिसत आहे. शासनाच्या सोयाबीन खरेदी केंद्रावर शेतकऱ्यांची कशी अडवणूक केली जाते याचा प्रत्यक्ष अनुभव सहकारमंत्री सुभाष देशमुख यांनी शुक्रवारी (ता. ८) येथे घेतला होता. श्री. देशमुख यांनी येथील शासकीय सोयाबीन खरेदी केंद्राला भेट दिली होती. त्यावेळी केंद्रावरील ग्रेडरने ‘रिझेक्ट’ केलेल्या सोयाबीनची थप्पी केंद्रात लावण्यात आली होती. यात श्री. देशमुख यांना शंका आली. त्यांनी या थप्पीमधील एका पोत्यातील सोयाबीन काढायला सांगितले. ते सोबायीन पुन्हा मशिनवर मोजायला लावले. तर त्यात हे सोयाबीन ‘सलेक्ट’ झाले होते. खुद्द मंत्र्यांनीच हा अनुभव घेतला होता. त्यामुळे दररोज या केंद्रावर कशा पद्धतीने सोयाबीनची खरेदी केली जात असावी हेही श्री. देशमुख यांच्या लक्षात आले होते.  हा प्रकार घडल्यानंतर श्री. देशमुख यांनी या सर्व प्रकाराचा सविस्तर अहवाल सादर करण्याचे आदेश जिल्हा मार्केटिंग अधिकाऱ्यांना दिले होते. यातून येथील जिल्हा मार्केटिंग अधिकारी वाय. ई. सुमठाणे यांनी आपला अहवाल नाफेडला सादर केला आहे. यात स्टार अॅग्री या कंपनीला काळ्या यादीत टाकण्याची शिफारस केली आहे.  अन्याय होणार नाही ः सहकारमंत्री शासन तेलबिया नियमनमुक्त करण्याचा निर्णय घेत आहे. चांगल्या बाजार समित्या उद्‍ध्वस्त होतील अशी भीती बाजार समितीचे सभापती ललितभाई शहा यांनी यावेळी व्यक्त केली. यावर श्री. देशमुख म्हणाले, या करीता एक समिती गठीत केली आहे. त्या समितीचा अभ्यास सुरू आहे. अहवाल आल्यानंतर हरकती मागविण्यात येतील. बाजार समित्या उद्‍ध्वस्त व्हाव्यात हा आमचा हेतू नाही. शेतकऱ्यांवर अन्याय होणार नाही. कशात फायदा आहे त्याचा विचार होईल.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com