सोलापूर जिल्हा दूध संघाचे पैसे थकवणाऱ्या १२७ दूध संस्थांवर खटले

जिल्हा दूध संघाचे पैसे थकवणाऱ्या १२७ दूध संस्थांवर खटले
जिल्हा दूध संघाचे पैसे थकवणाऱ्या १२७ दूध संस्थांवर खटले

सोलापूर : दूध अनामत रक्कम, पशुखाद्य व गायी खरेदीसाठी सोलापूर जिल्हा सहकारी दूध उत्पादक संघाकडून गाव पातळीवरील सहकारी दूध संस्थांनी घेतलेली रक्कम वसूल करण्यासाठी संघाने कारवाई मोहीम हाती घेतली आहे. तीन कोटी ७३ लाख रुपयांच्या वसुलीसाठी १२७ संस्थेच्या अध्यक्ष व सचिव विरोधात संघाच्या वतीने फौजदारी खटले दाखल करण्यात आले आहेत. 

वारंवार मागणी करूनही दूध संघाची अनामत रक्कम बुडविणाऱ्या संस्थांकडील वसुलीसाठी सहकार न्यायालयात दावे दाखल करून १२ टक्के व्याजासह अनामत रक्कम वसूल केली जात आहे. सोलापूर जिल्हा दूध संघाच्या वतीने सहकार न्यायालयात ५४४ संस्थांवर सहकार कायदा कलम ९१ अन्वये वसुली दावे दाखल करण्यात आले आहेत. या दाव्यांतून पाच कोटी ७३ लाख रुपये संघाला मिळणार आहेत. दाखल केलेल्या दाव्यांपैकी ३४९ संस्थांच्या बाबतीतील चार कोटी ५१ लाख रुपयांच्या दाव्यांचा निकाल संघाच्या बाजूने लागला आहे. 

दावा दाखल झाल्याच्या तारखेपासून या रकमेवर १२ टक्के व्याज आकारण्यात येत असल्याची माहिती संघाचे व्यवस्थापकीय संचालक सतीश मुळे यांनी दिली. मुदतीत रक्कम न भरणाऱ्या १४९ संस्थांचे अध्यक्ष व सचिव यांच्या जमिनीवर बोजा चढविण्यात आला आहे. अन्य प्रकरणांतही बोजा चढविण्याची कार्यवाही सुरू आहे. संघाच्या वसुली विभागामार्फत प्रत्येक तालुक्‍यासाठी एक वसुली अधिकारी नियुक्त करण्यात आला असून, आतापर्यंत एक कोटी २१ लाख रुपयांची वसुली झाली असल्याची माहिती व्यवस्थापकीय संचालक मुळे यांनी दिली.

दूध संघाने ज्या विश्‍वासाने संस्थांना अनामत रक्कम दिली होती. त्या विश्‍वासाने या रकमेची वेळेत परतफेड आवश्‍यक होती. ही रक्कम वेळेत आली असती तर अन्य गरजू संस्थांना या रकमेचे वाटप करणे शक्‍य झाले असते. त्यामुळेच त्यांच्यावर कायदेशीर कारवाई हाती घेण्यात आली आहे.  - प्रशांत परिचारक, आमदार तथा, अध्यक्ष, सोलापूर जिल्हा सहकारी  दूध संघ

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com