agriculture news in Marathi, Dr. manmohan singh says, democracy in trouble in country, Maharashtra | Agrowon

देशातील लोकशाही धोक्यात : डाॅ. मनमोहनसिंग
वृत्तसेवा
सोमवार, 30 एप्रिल 2018

नवी दिल्ली : केंद्रातील मोदी सरकार हे सतत संविधानिक संस्थांना धक्के देत आहेत. त्यामुळे देशातील लोकशाहीचा ढाचा खिळखाळा होत असून, सध्या लोकशाहीच धोक्यात आली आहे, अशी टीका माजी पंतप्रधान डॉ. मनमोहनसिंग यांनी केली.
  
दिल्लीत रविवारी (ता. २९) काँग्रेसकडून जनआक्रोश रॅली घेण्यात आली. या वेळी ते बोलत होते. या कार्यक्रमाला सोनिया गांधी, कॉंग्रेसचे अध्यक्ष राहुल गांधी यांच्यासह देशभरातील नेते उपस्थित होते. 

नवी दिल्ली : केंद्रातील मोदी सरकार हे सतत संविधानिक संस्थांना धक्के देत आहेत. त्यामुळे देशातील लोकशाहीचा ढाचा खिळखाळा होत असून, सध्या लोकशाहीच धोक्यात आली आहे, अशी टीका माजी पंतप्रधान डॉ. मनमोहनसिंग यांनी केली.
  
दिल्लीत रविवारी (ता. २९) काँग्रेसकडून जनआक्रोश रॅली घेण्यात आली. या वेळी ते बोलत होते. या कार्यक्रमाला सोनिया गांधी, कॉंग्रेसचे अध्यक्ष राहुल गांधी यांच्यासह देशभरातील नेते उपस्थित होते. 

मोदी सरकारवर टीका करताना डॉ. मनमोहनसिंग म्हणाले, की समाजातील सर्व घटकांची आता मोदी सरकारवर नाराजी आहे. भाजप नेत्यांच्या भ्रष्टाचाराविरोधात देशाचे चौकीदार एक शब्दही बोलत नाहीत. आता जनता त्यांच्या भाषणात पारदर्शकता शोधत आहे. सध्या मोदी सरकारचा कारभार हा लोकशाहीला घातक आहे. आताच संपलेल्या संसदेच्या अधिवेशनात जनतेने जे पाहिले ते कधीच घडले नाही. मागील चार वर्षांत देशातील जनतेत असंतोष आणि असुरक्षितता वाढीस लागली आहे. 

या वेळी राहुल गांधी म्हणाले, की सर्वोच्च न्यायालयाचे न्यायाधीश इतिहासात प्रथमच जनतेकडे गेले. रॅफेल करार, अमित शहा यांच्या मुलांच्या कंपनीतील भ्रष्टाचार, ऊर्जामंत्री पियूष गोयल यांच्या कंपनीतील भ्रष्टाचार प्रकरणी मोदी एक शब्दही बोलत नाहीत. दुसरीकडे नीरव मोदी बँकांना लुटून परदेशात निघून जातो आणि आपले चौकीदार अजूनपर्यंत याविषयी काही बोलत नाहीत. देशातील जनतेचा पैसा लुटून नीरव मोदी परदेशात निघून गेला. मोदी फ्रान्समध्ये जाऊन रॅफेल कराराच्या किमतींमध्ये बदल करतात आणि याची माहिती संरक्षणमंत्र्यांनाही नाही. उद्योगपतींचे अडीच लाख कोटींचे कर्ज मोदी सरकारने माफ केले आहे. मात्र, शेतकऱ्यांचे एक रुपये कर्ज माफ केले नाही.

‘‘डोकलामचा प्रश्न असताना पंतप्रधान चीनच्या अध्यक्षांसोबत एक शब्दही बोलत नाही. कोणताही अजेंडा न घेता ते चीनच्या अध्यक्षांना भेटण्यासाठी गेले. आतापर्यंत कोणत्याही पंतप्रधानाने असे केलेले नाही. काँग्रेसने ७० वर्षांत काही केले नाही, असे मोदी म्हणतात. मग, भाजपने ६० महिन्यांत बेरोजगारी, भाजप नेत्यांकडून महिलांवर अत्याचार, गब्बरसिंग टॅक्स देशाला दिला. देश हा इमारतीसारखा असतो. पण, इमारत उभी करण्यासाठी पाण्याची गरज असते, काँग्रेस ही पाण्यासारखी आहे. काँग्रेस फक्त प्रेम पसरविण्याचे काम करते. भाजप आणि आरएसएससारखे द्वेष पसरविण्याचे काम करत नाही,’’ अशी टीकाही श्री. गांधी यांनी केली. 

‘‘२०१४ मध्ये मोदींनी आमच्या सरकारविरोधात खोटे पसरविले. आता सर्व सत्य जनतेसमोर येत आहे. त्यामुळे आता कर्नाटक, मध्य प्रदेश, राजस्थान आणि छत्तीसगडमधील निवडणुकांमध्ये काँग्रेसचाच विजय होणार, हे नक्की. २०१९ मध्ये काँग्रेसचाच विजय निश्चित आहे. काँग्रेस कार्यकर्ते हे सत्याच्या मार्गावरून कधीच हटणार नाही. या पक्षात युवक, ज्येष्ठांचा आदर केला जाईल. आपल्या पक्षात वेगवेगळे विचाराचे लोक असले, तरी आपल्याला एक होऊन आरएसएसच्या विचारधारेविरोधात लढायचे आहे,’’ असे कार्यकर्त्यांना बळ देताना राहुल गांधींनी म्हटले.

इतर बातम्या
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
दिवसागणिक रब्बी हंगामाची आशा धूसरऔरंगाबाद : जो दिवस निघतो तो सारखाच. परतीच्या...
खैरगावात दोन गुंठ्यांत कापसाचे २५ किलो...नांदेड ः खैरगाव (ता. अर्धापूर) येथील एका...
केन ॲग्रो कारखान्याला मालमत्ता जप्तीची...सांगली ः रायगाव (जि. सांगली) येथील केन ॲग्रो साखर...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
नाशिकमधील ९३ गावांचा पाहणी अहवाल सादरनाशिक : नाशिक जिल्ह्यातील आठ तालुक्यांमध्ये कमी...
दसऱ्याच्या मुहूर्तासाठीच्या कांद्याला...उमराणे, जि. नाशिक : विजयादशमी अर्थात दसऱ्याच्या...
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...