agriculture news in marathi, Dr. Tanpures sugar factories Ex chairman Ramdas Dhumal no more | Agrowon

डॉ. तनपुरे कारखान्याचे माजी अध्यक्ष रामदास धुमाळ पाटील यांचे निधन
सकाळ वृत्तसेवा
मंगळवार, 12 डिसेंबर 2017
राहुरी, जि. नगर : डॉ. तनपुरे सहकारी साखर कारखान्याचे माजी अध्यक्ष व तालुका विकास मंडळाचे सर्वेसर्वा रामदास विश्वनाथ धुमाळ पाटील वय८१ यांचे आज सकाळी साडेनऊच्या सुमारास राहत्या घरी निधन झाले. त्यांच्या मागे पत्नी शकुतंलाबाई, तीन मुले, एक मुलगी,सुना, नातवंडे, पतवंडे, जावई असा परिवार आहे.पंचायत समितीचे माजी सभापती सुधीर, विलास व अजित धुमाळ यांचे ते वडील होत.  
राहुरी, जि. नगर : डॉ. तनपुरे सहकारी साखर कारखान्याचे माजी अध्यक्ष व तालुका विकास मंडळाचे सर्वेसर्वा रामदास विश्वनाथ धुमाळ पाटील वय८१ यांचे आज सकाळी साडेनऊच्या सुमारास राहत्या घरी निधन झाले. त्यांच्या मागे पत्नी शकुतंलाबाई, तीन मुले, एक मुलगी,सुना, नातवंडे, पतवंडे, जावई असा परिवार आहे.पंचायत समितीचे माजी सभापती सुधीर, विलास व अजित धुमाळ यांचे ते वडील होत.  

जवळपास सहा दशके राहुरी तालुक्यातील राजकीय संघर्षात केद्रस्थानी राहिलेले रामदास पाटील धुमाळ यांनी अखेरचा श्वास आज घेतला. अगदी अलीकडे राहुरी पालिकेच्या नगरपालिका निवडणूकीत विजयी गटाचा समारंभ हा त्यांच्या जीवनातील अखेरचा जाहीर कार्यक्रम होता. मुसळवाडी तालुका राहुरी हे नानांचे जन्मगाव. मॅट्रीक पर्यंतचे त्यांचे शिक्षण राहुरीतील विद्या मंदिर प्रशालेत झाले. मुसळवाडी सेवा सहकारी संस्थेचे ते संस्थापक अध्यक्ष होते. 

प्रस्थापितांच्या विरोधात मतदार जागृती मंडळ स्थापन करुन तनपुरे विरोधकांची मोट बाधून त्यांनी कारखान्यात सत्तांतर घडविण्यात महत्वाची भुमिका बजावली. सर्वात प्रथम १९७२ ला  ते कारखान्यातचे प्रथम उपाध्यक्ष झाले. नंतर १९९३-९७ व नंतर २००५ ते १० या काळात ते कारखान्याचे अध्यक्ष होते. जिल्हा एस कॉग्रेसची संघटना बांधणीच्या कामात ते तत्कालीन समाजवादी कॉंग्रेसचे नेते शरद 
पवार यांचे समवेत होते. 

राहुरी तालुका सुपरवायझिंग फेडरेशनचे ते संस्थापक होते. मुळा प्रवरा वीज सहकारी संस्थेचे ते अध्यक्ष होते. राहुरी तालुक्यातील श्री शिवाजी शिक्षण प्रसारक मंडळाचे तसेच विवेकांनद नर्सिग होमचे ते अध्यक्ष
 होते. जिल्हा सहकारी बॅकेवत ते पाच वर्षे संचालक होते. प्रथम मतदार जागृती मंडळ, नंतर राहुरी तालुका विकास मंडळाचे ते संस्थापक अध्यक्ष होते. विकास मंडळाचे ते विद्यमान अध्यक्षही होते. ज्ञानेश्र्वर सहकारी पतसंस्थेचे ते संस्थापक अध्यक्ष होते. नगर जिल्हा को ऑपरेटिव्ह सोसायटीत ते काही वर्षे अध्यक्ष होते. राहुरी तालुका 
विधानसभेच्या निवडणुका त्यांनी चार वेळेस लढविल्या.पहिली एस कॉग्रेसतर्फे,दुसरी भारतीय जनता पक्षाद्वारे, तिसरी अपक्ष व चौथी निवडणूक त्यांनी कॉग्रेसच्या तिकीटावर लढविली. १९७२ च्या दुष्काळात त्यांनी जनावरासाठी छावणी सुरु केली होती. त्यांच्याच पुढाकाराने राहुरीत तीन वर्षी संत नारायणगिरी महाराजांचे सप्ताहाचे आयोजन केलेले होते.

राहुरी तालुक्यातील अनेक महत्वांच्या संघर्षात त्यांची भुमिका महत्वाची राहिली. शिवाजी शिक्षण प्रसारक मंडळाचे खासगी करणाचा विरोधातल त्यांनी मोठा लढा दिला होता. कारखान्याच्या यंत्रसामुग्रीचे आधुनिकीकऱम, डिस्टीलरी प्रकल्पाचे विस्तारीकऱण,  राहुरीत कला, शास्त्र व वाणिज्य महाविद्यालयाची अद्ययावत इमारत त्यांचे काळातच ऊभारली गेली. आयुर्वेद महाविद्यालयाच्या एम.डीच्या जागात वाढ
त्यांच्याच काळात झाली. २१०५ रुपये प्रतिटन ऊसाला त्यांचे काळात दिलेला भाव सर्वाधिक व वादाचा विषय ठरलेला होता. श्री शिवाजी शिक्षण प्रसारक मंडळाच्या वतीने विनाअनुदान तत्वावर ब्राहणी, मांजरी व टाकळिमिया येथे एकाच दिवशी तीन कनिष्ट महाविद्यालये त्य़ांच्याच काळात सुरु झाली. 

कारखान्याची आर्थिक परिस्थिती खालावलेली होती. त्यावेळी डिल्टीलरी प्रकल्पाच्या आधारावर त्यांनी कारखान्याचे गळीत हंगाम यशस्वी करुन दाखविले. त्य़ाच स्थितीत त्यांनी राहुरीत श्री छत्रपती शिवाजी इंजिनिअरींग कॉलेज सुरु केले. महिला वसत्तीगृहाची ऊभाऱणी केली. 
कारखाना कार्यक्षेत्राचा विस्तार त्यांच्याच कार्यकाळात झाला. 
राहुरी नगरपालिका व राहुरी पीपल्स बॅकेचे नेतृत्व त्यांच्याकडेच बरीच वर्षे होते. मुळाप्रवरा वीज सहकारी संस्थेच्या माध्यमातून चार वीज उपकेद्रांची ऊभारणी चे निर्णय महत्वाचे होते. कारखान्याच्या माध्यमातून विकास बंधारेची मालिका त्यांनी उभारली होती. तालुक्यातील प्रस्थापितांच्या विरोधातील संघर्षात ते बरीच वर्षे अग्रभागी 
होते. 

ऊसाच्या झोन विरोधातील संघर्ष व ऊसाच्या भावासाठीच्या आंदोलनात ते सहभागी झाले होते.राहुरीतील पहिली देशपातळीवरील ऊस परिषद त्यांनी य़शस्वी केली. त्यांना शेतकरी संधर्षात विसापूरचा कारावास ही झाला होता. राष्ट्रीय सन्मान अॅवार्ड पुरस्काराने त्यांना सन्मानित 
केले होते. राहुरी तालुक्यातील उपसा जलसिंचन योजनांच्या माध्यमातून शेतीच्या पाण्याचा प्रश्न त्यांनी सोडविला. 

re>
टॅग्स

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...