ठिबक
ठिबक

ठिबक वितरकांचा वाद कृषिमंत्र्यांपर्यंत पोचला

पुणे : कृषी खात्याच्या मूळ कामकाजाशी कोणताही संबंध नसतानाही वितरकांना नोंदणीची सक्ती केली जात असल्याची तक्रार महाराष्ट्र ड्रिप डिलर असोसिएशनने कृषिमंत्र्यांकडे केली आहे. "वितरकांचे काय म्हणणे आहे हे समजावून घ्या. हटवादी भूमिका न घेता हा प्रश्न सोडवा अशा सूचना कृषिमंत्री चंद्रकांतदादा पाटील यांनी बैठकीत दिल्या आहेत, असे असोसिएशनचे सचिव संजीव माने यांनी सांगितले.  राज्यातील ठिबक कंपनीकडून वितरकांना केलेला पुरवठा आणि या वितरकांनी पुढे शेतकऱ्यांना केलेली विक्री याचा कुठेही ताळमेळ नसल्याचा दावा कृषी खात्याचा आहे. ठिबकसाठी वाटलेल्या अनुदानाचा हिशेब केलेल्या विक्रीशी जुळला पाहिजे, असा आग्रह धरीत कृषी खात्याने वितरकांकडून स्टॉक व सेल स्टेटमेंटची मागणी केलेली आहे.   वितरकांनी मात्र कोणतेही स्टेटमेंट देण्यास ठाम विरोध केलेला आहे. "पुरवठ्यानुसार ड्रीप संचावर शेतकऱ्यांना वेळोवेळी अनुदान दिले गेले नाही. कृषी खात्यानेच एका वर्षीचे प्रस्ताव दुसऱ्या वर्षात भरण्यास वितरकांना भाग पाडले. त्यामुळे आमच्याकडे न जुळणाऱ्या स्टॉक स्टेटमेंटची माहिती मागितली जात आहे, असे वितरकांचे म्हणणे आहे.  "राज्याचे जलसंपदामंत्री गिरीष महाजन यांना सविस्तर या विषयाची माहिती देण्यात आली आहे. त्यांनी स्वतः मुख्यमंत्र्यांच्या कानावर हा विषय टाकून आम्हाला भेटीची वेळ दिली होती. तथापि, मुख्यमंत्री व्यस्त असल्याने भेट झाली नाही. ही भेट आता येत्या १८ सप्टेंबरला होईल, अशी माहिती श्री. माने यांनी दिली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com