तुषार, ठिबकचे प्रस्ताव स्वीकारण्यास प्रारंभ

तुषार, ठिबकचे प्रस्ताव स्वीकारण्यास प्रारंभ
तुषार, ठिबकचे प्रस्ताव स्वीकारण्यास प्रारंभ

अकोला  ः एक जुलैपूर्वी ठिबक व तुषार संच खरेदी करून अाॅनलाइन नोंदणी केलेल्या शेतकऱ्यांचे प्रस्ताव जीएसटीमुळे स्वीकारले जात नव्हते. मात्र कृषी अायुक्तांच्या दोन दिवसांपूर्वी झालेल्या व्हिडिअो काॅन्फरन्समध्ये याबाबत मिळालेल्या सूचनांनंतर यंत्रणांनी प्रस्ताव स्वीकारणे सुरू केले. ‘अॅग्रोवन’मध्ये २३ अाॅक्टोबरच्या अंकात याबाबत वृत्त प्रकाशित झाले होते. त्याची दखल घेत तातडीने तोडगा काढण्यात अाला असून हजारो प्रस्तावांचा मार्ग सुकर झाला आहे. या हंगामात शेतकऱ्यांनी सूक्ष्म सिंचन संच जुलैपूर्वी खरेदी केले होते. तत्पूर्वी व्हॅट करप्रणाली होती. परंतु जुलैपासून जीएसटी लागू झाली. त्यातच सूक्ष्म सिंचनाच्या निधीला काही ठिकाणी जुलै, काही जिल्ह्यात आॅगस्ट महिन्यात मंजुरी देण्यात आली. त्यामुळे प्रस्ताव घेताना जीएसटीचे बील जोडण्याची सक्ती करण्यात येऊ लागली होती. वास्तविक जुलैपूर्वी ही करप्रणाली नसल्याने विक्रेत्यांनी जीएसटीचे बिल दिले नव्हते. या तांत्रिक अडचणीमुळे हजारो शेतकऱ्यांनी आॅनलाइन नोंदणी करूनही त्यांचे प्रस्ताव बाद होण्याची भीती तयार झाली होती. शेतकरी वेळोवेळी तालुका कृषी कायार्लयामध्ये जाऊन प्रस्ताव स्वीकारण्याची विनंती करीत होते. मात्र अधिकारी जीएसटीच्या बिलावर अ़डकले होते. यातून कुठलाही तोडगा निघत नव्हता. कृषी विभागाच्या अधिकाऱ्यांनी वरिष्ठांकडे याबाबत मार्गदर्शन मागितले होते. त्यातच आॅक्टोबरअखेर प्रस्ताव निकाली न निघाल्यास शासनाच्या साईटवरून शेतकऱ्यांची नावे बाद होण्याची शक्यता वाढली होती. ‘अॅग्रोवन’ने वृत्त प्रकाशित करताच वरिष्ठांनी दखल घेऊन प्रस्ताव स्वीकारण्याची अनुमती दिली.  एक जुलैपूर्वी आॅनलाइन नोंदणी केलेल्या शेतकऱ्यांचे सूक्ष्म सिंचनाचे प्रस्ताव व्हॅटच्या बिलासह स्वीकारण्याबाबत वरिष्ठांनी अनुमती दिली असून प्रस्ताव स्वीकारले जात असल्याचे तेल्हारा तालुक्याचे प्रभागी कृषी अधिकारी अविनाश मेश्राम यांनी सांगितले. या एकाच तालुक्यात सुमारे १४१० प्रस्ताव व्हॅट की जीएसटी अशा चक्रात अडकले होते. अकोला जिल्ह्यासह इतर जिल्ह्यांमध्ये अशा स्वरूपाच्या प्रस्तावांची संख्या हजारोमध्ये होती. अनुमती मिळाल्याने या शेतकऱ्यांना दिलासा मिळाला अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com