लेखामेंढा शेतीक्षेत्रातही वेगळे अस्तित्व जपेल ः जिल्हाधिकारी

सुक्ष्म सिंचन प्रकल्पाचे उदघाटन
सुक्ष्म सिंचन प्रकल्पाचे उदघाटन

गडचिरोली  ः सामाजिक उपक्रमात वेगळेपण जपणाऱ्या लेखामेंढा गावाने केवळ राज्यच नाही, तर देशपातळीवर वेगळी ओळख निर्माण केली आहे. ग्रामस्थांच्या सामूहिक पुढाकाराने दुर्गम भागातील हे गाव नावारुपास आले. येत्या काळात ग्रामविकासासोबतच शेती क्षेत्रातही हे गाव आपले वेगळे अस्तित्व जपून नवी क्रांती घडवेल, असा विश्‍वास जिल्हाधिकारी शेखरसिंह यांनी व्यक्‍त केला.  

केंद्र सरकारच्या आकांक्षित जिल्ह्यात लेखामेंढाचा समावेश करण्यात आला आहे. त्याअंतर्गत एक कोटी रुपयांच्या निधीतून या ठिकाणी कृषी विकासाला पूरक उपक्रम येत्या काळात राबविले जाणार आहेत. त्यातील १२७ हेक्‍टरवरील सूक्ष्म सिंचनाच्या महत्त्वाकांक्षी प्रकल्पाचे उदघाटन शेखरसिंह यांच्या हस्ते झाले. या वेळी ज्येष्ठ पर्यावरण तज्ज्ञ डॉ. माधव गाडगीळ, समाजसेवक देवाजी तोफा, जिल्हा अधीक्षक कृषी अधिकारी अनंत पोटे, आत्मा प्रकल्प संचालक डॉ. प्रकाश पवार, उपविभागीय कृषी अधिकारी प्रीती हिरडकर, कृषी विकास अधिकारी कोळप, तहसीलदार गणवीर, कृषी विज्ञान केंद्राचे डॉ. बोथीकर, तालुका कृषी अधिकारी बडवाईक, जयंत टेंभूर्णे, पानसे यांच्यासह ग्रामस्थ या वेळी उपस्थित होते. या वेळी शेतीसोबतच वनसंपदेचा विचार करूनच विकासाची दिशा ठरवावी, असे मत श्री. गाडगीळ यांनी व्यक्‍त केले.  

१२७ हेक्‍टरवर होणार सूक्ष्म सिंचन गडचिरोली जिल्ह्यात सद्यःस्थितीत केवळ ९७ हेक्‍टरवर सूक्ष्म सिंचन आहे. या प्रकल्पातून एकट्या लेखामेंढा गावात १२७ हेक्‍टर जमीन सूक्ष्म सिंचनाखाली आणण्याचे प्रस्तावीत करण्यात आले आहे. त्यानंतर या भागात भाजीपाला लागवड, व्यावसायिक व नगदी पीक क्‍लस्टर निर्मितीचे काम होईल. प्रक्रिया उद्योगाची उभारणीदेखील या ठिकाणी करण्याचे प्रस्तावीत आहे, अशी माहिती उपविभागीय कृषी अधिकारी प्रीती हिरडकर यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com