agriculture news in marathi, Drought famine survey in Solapur by Central team | Agrowon

सोलापुरात केंद्रीय पथकाकडून दुष्काळाची धावती पाहणी
टीम अॅग्रोवन
शुक्रवार, 7 डिसेंबर 2018

सोलापूर : दुष्काळ पाहणीसाठी आलेल्या केंद्रीय पथकाने मंगळवेढा तालुक्‍यातील आंधळगाव आणि सांगोला तालुक्‍यातील राजापूर गावांना गुरुवारी (ता.  ६) सकाळी भेट देऊन दुष्काळी परिस्थितीची माहिती घेतली. हा दौरा फक्त रडणाऱ्यांचे डोळे पुसणारा ठरला. व्यस्त आणि घाईचा असा हा दौरा झाला. कुठे रस्त्यात थांबून, बांधावरुन संवाद साधून पथक सांगलीकडे मार्गस्थ झाले.  

सोलापूर : दुष्काळ पाहणीसाठी आलेल्या केंद्रीय पथकाने मंगळवेढा तालुक्‍यातील आंधळगाव आणि सांगोला तालुक्‍यातील राजापूर गावांना गुरुवारी (ता.  ६) सकाळी भेट देऊन दुष्काळी परिस्थितीची माहिती घेतली. हा दौरा फक्त रडणाऱ्यांचे डोळे पुसणारा ठरला. व्यस्त आणि घाईचा असा हा दौरा झाला. कुठे रस्त्यात थांबून, बांधावरुन संवाद साधून पथक सांगलीकडे मार्गस्थ झाले.  

केंद्रीय पथकामधील एफसीआयचे सहसंचालक सुभाषचंद्र मीना, उपसंचालक एम. जी. टेंभुणे, चारा विशेषज्ञ विजय ठाकरे यांनी शेतकऱ्यांशी संवाद साधला. या वेळी पुणे विभागीय आयुक्त डॉ. दीपक म्हैसेकर, जिल्हाधिकारी डॉ. राजेंद्र भोसले, मुख्य कार्यकारी अधिकारी राजेंद्र भारुड,  कृषी सहसंचालक दिलीप झेंडे, अतिरिक्त जिल्हाधिकारी रामचंद्र शिंदे, प्रांतधिकारी प्रमोद गायकवाड, उपजिल्हाधिकारी किशोर पवार, जिल्हा अधीक्षक कृषी अधिकारी बसवराज बिराजदार, कृषी उपसंचालक रवींद्र माने आदी उपस्थित होते.

आंधळगाव येथील शेतकरी सीताराम वेळापुरे यांच्या शेतीची पाहणी करून पथकाने उपस्थित शेतकऱ्यांशी संवाद साधला. खरीप हंगामातील पेरणी, आलेले उत्पादन, झालेला खर्च, जनावरांसाठी चारा आदीची माहिती त्यांनी घेतली. त्यानंतर सांगोला तालुक्‍यातील राजापूर येथील शेतकरी मधुकर तोडकरे यांच्या शेतीची आणि यशवंत पुजारी यांच्या विहिरीची पाहणी करण्यात आली. विहिरीत टॅंकरने पाणी सोडत असल्याचे पुजारी यांनी सांगितले.

राजापूर येथे शेतकऱ्यांकडून दुष्काळाबाबत माहिती जाणून घेतली. आमदार गणपतराव देशमुख यांनी सांगोला तालुक्‍यातील दुष्काळी परिस्थितीबाबत पथकातील अधिकाऱ्यांना माहिती दिली. एकूणच ठरलेली माहिती, ठरलेले प्रश्‍न विचारत शेतकऱ्यांना आश्‍वस्त करून पथकाने सांगलीकडे कूच केले.

‘त्वरित चारा, फळबागा वाचवा,
कोरडवाहू गावांचा दर्जा द्या`

खरीप पिके जळून गेली. पावसाअभावी रब्बी पेरणीही करता आली नाही. चाऱ्या अभावी जनावरे कत्तलखान्याकडे चालली आहेत. त्यांना वाचविण्यासाठी त्वरीत चारा द्या, लाखो रुपये खर्चून उभारलेल्या फळबागा जळून जात आहेत. त्या वाचविण्यासाठी मदत करा, कायम दुष्काळी गावांना कोरडवाहू गावांचा दर्जा द्या, आदी मागण्या केंद्रीय पथकाकडे आंधळगांव (ता. मंगळवेढा) येथील शेतकऱ्यांनी केल्या. पावसावर अवलंबून असणाऱ्या गावात दुष्काळाची तीव्रता जास्त आहे. या ठिकाणी दुष्काळी उपाययोजना लागू कराव्यात. कायम दुष्काळी गावांना कोरडवाहू गावांचा दर्जा देऊन शेतकऱ्यांना ठिबक सिंचनाचा लाभ द्यावा, मागेल त्याला सामूहिक शेततळे द्यावे, फळबागा वाचविण्यासाठी टॅंकरणे पाणी घालणे, सेंद्रिय मल्चिंग करणे, फळझाडावर शेडनेट टाकण्यासाठी अनुदान द्यावे, अशी मागणी दुष्काळी कोरडवाहू गाव संघर्ष समितीचे निमंत्रक अंकुश पडवळे यांनी केली. प्रदीप खांडेकर, शेतकरी उपस्थित होते.

इतर बातम्या
सागरी नत्र साखळीतील महत्त्वाच्या...सागरी पाण्यातील अमोनिया ऑक्सिडेशन करणारे...
औरंगाबादेत कामगारांची निदर्शने औरंगाबाद : बाजार समितीमधून हमाल-मापाड्यांची...
पुणे जिल्ह्यात ३७ लाख ३३ हजार टन ऊस...पुणे ः पुणे जिल्ह्यातील १७ साखर कारखान्यांचा गळीत...
नांदेड विभागात २८ लाख क्विंटल साखरेचे...नांदेड ः नांदेड येथील प्रादेशिक साखर सहसंचालक...
जतला पाणी देण्यास कर्नाटकचे मुख्यमंत्री...जत, जि. सांगली ः तुबची बबलेश्वर (कर्नाटक)...
नाशिक जिल्ह्यात १५ लाख टन चारा उपलब्ध...नाशिक : राज्यातील दुष्काळी भागात गरज आणि मागणी...
बुलडाण्यात दुष्काळग्रस्त शेतकऱ्यांना...बुलडाणा ः कमी पावसामुळे जिल्ह्यात शासनाने यावर्षी...
राज्यात टोमॅटो प्रतिक्विंटल ३०० ते १२००...सोलापुरात सर्वाधिक दर ८०० रुपये सोलापूर ः...
पाणी चोरी करणाऱ्यांवर फौजदारी कारवाईमुंबई : राज्यातील दुष्काळी परिस्थिती लक्षात घेऊन...
दुष्काळात बॅंकांची सक्तीची वसुली थांबवा...बुलडाणा ः सध्या जिल्ह्यात दुष्काळी परिस्थिती आहे...
चवगोंडा पाटील, सौरभ कोकीळ, मारुती शिंदे...पुणे : राज्यातील ऊस उत्पादक शेतकऱ्यांची...
कोल्हापूरात कामगार-अडत्यांच्या वादात...कोल्हापूर : येथील बाजार समितीत तोलाइदार, अडते...
फुलांवर रुंजन रोबो मधमाश्‍यांचे...नागपूर : विविध आकर्षक रंगसंगतीसह काही वेळ...
राज्यात थंडीत चढउतारपुणे : छत्तीसगडचा दक्षिण भाग, तेलंगणा आणि...
नाशिक जिल्ह्यातील माती परीक्षणासाठी ‘...नाशिक : नाशिक जिल्ह्यातील शेती, गावतळे, जलसंपदा,...
जेजुरीत कुलधर्म कुलाचारासाठी भाविकांची...जेजुरी, जि. पुणे : चंपाषष्ठी उत्सवानिमित्त...
पीककर्जासाठी उपोषणकर्त्या शेतकऱ्याचे...पाथरी, जि. परभणी  : पीककर्जाच्या मागणीसाठी...
सव्वाआठ रुपये दर मिळाला तरच पपईची विक्रीजळगाव  : खानदेशात पपई उत्पादकांना सव्वाआठ...
दोन टप्प्यांत ‘एफआरपी’ला विरोधसातारा : साखरेचे दर कोसळल्याने उसाचा पहिला हप्ता...
केळी दरांची अंमलबजावणी होईनाजळगाव : खानदेशात केळीच्या दरांबाबत दबाव...