अकोल्यातील पाच तालुक्यांत दुष्काळी सवलत
अकोल्यातील पाच तालुक्यांत दुष्काळी सवलत

अकोल्यातील पाच तालुक्यांत दुष्काळी सवलत

अकोला : जिल्ह्यात या खरीप हंगामात कमी उत्पादन अालेल्या गावांमध्ये ट्रीगर २ लागू झाला अाहे. अकोला, बार्शिटाकळी, तेल्हारा, बाळापूर, मूर्तिजापूर तालुक्यात दुष्काळी सवलती लागू करण्यास शासनाने मंजुरी दिली.

जिल्ह्यात या मोसमात सरासरी इतका पाऊस झाला. मात्र दोन पावसांतील खंडामुळे खरीप हंगाम अडचणीत सापडला होता. एेन गरजेच्या काळात पाऊस न झाल्याने उत्पादकतेला फटका बसल्याने दुष्काळी परिस्थिती निर्माण झाली. नवीन निकषांनुसार जिल्ह्यात ट्रीगर २ लागू झाला अाहे. यामुळे पाच तालुक्यांत दुष्काळी सवलती लागू करण्यात अाल्या.

शासकीय यंत्रणांनी सुरवातीला केलेल्या सर्वेक्षणात सुमारे १९ हजार १६२ हेक्टर क्षेत्राला फटका बसला होता. मात्र प्रत्यक्षात कमी पावसामुळे सर्वच पिकांची उत्पादकता कमी निघत अाहे. मूग, उडीद, सोयाबीन या पिकांचे सरासरी उत्पादनही झालेले नाही. ही दुष्काळी परिस्थिती पाहता शासनाने विविध प्रकारच्या कर, महसूल वसुलीस स्थगिती दिली अाहे. यानुसार जमीन महसुलात सूट, सहकारी कर्जाचे पुनर्गठण, शेतीशी निगडित कर्जाच्या वसुलीस स्थगिती, कृषी पंपाच्या चालू वीजबिलात ३३.५ टक्के सूट, शालेय महाविद्यालयीन विद्यार्थ्यांची परीक्षा शुल्कमाफी, रोहयोअंतर्गत कामांच्या निकषांत काही प्रमाणात शिथिलता, टँकरचा वापर, शेतीच्या पंपाची वीजजोडणी खंडित न करणे अादी सवलतींचा समावेश अाहे. या सवलतींची अंमलबजावणी करण्याबाबत प्रशासनाकडून संबंधित विभागांना कळविण्यात अाले अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com