छत्तीसगडमध्ये दुष्काळस्थिती

रायपूर, छत्तीसगड ः छत्तीसगडमधील अनेक भागांत दुष्काळस्थिती अाहे. या पार्श्वभूमीवर केंद्रीय पथकाने गेले दोन दिवस छत्तीसगमधील दुष्काळी भागाला भेट देऊन तेथील स्थितीची पाहणी केली. 

कृषी मंत्रालयाचे संयुक्त सचिव के. एस. श्रीनिवासन यांच्या नेतृत्वाखाली ११ सदस्यीय पथकाने दुष्काळी भागाची पाहणी केली अाहे, अशी माहिती सरकारी अधिकाऱ्यांनी दिली. राज्यातील बलोदा बाजार, धामतरी, महासामुंद. दुर्ग, राजनंदगाव अाणि रायपूर अादी भागांत दुष्काळस्थिती अाहे.

या भागाला केंद्रीय पथकाने भेटी दिल्या अाहेत. या भेटीदरम्यान केंद्रीय पथकाने शेतकरी, ग्रामस्थ, नेते यांच्याशी चर्चा करून दुष्काळस्थिती जाणून घेतली अाहे. 

दुष्काळामुळे शेतपिकांचे नुकसान झाले अाहे. या पार्श्वभूमीवर छत्तीसगड सरकारने केंद्राकडे ४,४०० रुपये दुष्काळ निधीची मागणी केली अाहे. त्यानुसार केंद्रीय पथकाने राज्यातील दुष्काळी भागाची पाहणी केली अाहे.