agriculture news in marathi, drought situation review meeting, amaravati, maharashtra | Agrowon

जलयुक्त शिवार, शेततळ्यांमुळे संरक्षित सिंचन उपलब्ध : मुख्यमंत्री
टीम अॅग्रोवन
सोमवार, 15 ऑक्टोबर 2018

दुष्काळी उपाययोजनांमध्ये ‘जलयुक्त’ची कामे चांगल्या पद्धतीने झाली असल्याने जिल्ह्यातील ७५८ गावे जलस्वयंपूर्ण झाली आहेत. २९४ गावांत ‘जलयुक्त’ची कामे प्रगतिपथावर आहेत. पावसात खंड पडला असला, तरी या कामांमुळे शेतकऱ्यांना संरक्षित सिंचन उपलब्ध झाले असल्याने पिके वाचली आहेत.
- देवेंद्र फडणवीस, मुख्यमंत्री.

अमरावती   : जिल्ह्यात शेततळी, जलयुक्त शिवार, मनरेगा, धडक सिंचन विहिरी आदी योजनांमधून चांगली कामे झाल्यामुळे कमी पर्जन्यमान असूनही शेतकऱ्यांना संरक्षित सिंचन मिळू शकले. ही कामे अधिक व्यापक करण्यात येतील. तथापि काही तालुके या कामांमध्ये अद्यापही मागे आहेत. त्यांनी कामाला गती द्यावी आणि येत्या दोन महिन्यांत कामे पूर्ण करावीत, असे निर्देश मुख्यमंत्री देवेंद्र फडणवीस यांनी दिले.
 

राज्य शासनाच्या विविध योजनांचा आढावा मुख्यमंत्री फडणवीस यांनी रविवारी (ता. १४) अमरावती येथे घेतला. या वेळी पालकमंत्री प्रवीण पोटे-पाटील, गृहराज्यमंत्री रणजित पाटील, खासदार आनंदराव अडसूळ, आमदार सुनील देशमुख, अरुण अडसड, डॉ. अनिल बोंडे उपस्थित होते. मुख्यमंत्री फडणवीस म्हणाले, की पंतप्रधान आवास योजनेत जिल्हा दुसऱ्या क्रमांकावर आहे. योजनेतील प्रगती पाहता जिल्हा लवकरच पहिल्या क्रमांकावर जाईल. असे असले तरी काही योजनांमध्ये कामे रेंगाळली आहेत. प्रामुख्याने ग्रामसडक योजनेतील कामांची प्रगती संथगतीने होत आहे. पंतप्रधान कृषी सिंचन योजनेत जिल्ह्यातील निम्न पेढी प्रकल्पाचा समावेश आहे. या प्रकल्पाचे काम पूर्ण झाले असून २०१९ मध्ये घळभरणी होणार आहे. बळिराजा योजनेत जिल्ह्यातील १८ प्रकल्पांचा समावेश आहे. यामुळे ९७४ हेक्टर सिंचन क्षमता निर्माण होणार आहे.

अमरावती जिल्ह्यात सरासरीच्या ७८ टक्के पाऊस झालेला आहे. मात्र पावसाच्या खंडामुळे पिकांवर विपरीत परिणाम होऊन उत्पादन कमी होण्याची शक्यता आहे. यात कापूस, सोयाबीन आणि तूर पिकाचा समावेश होऊ शकतो. शेतकऱ्यांना नुकसान भरपाई देण्याबाबतचे निकष यावर्षीपासून बदलण्यात आले आहेत. या अवर्षणाच्या स्थितीमध्ये पिण्याचे पाण्याचे नियोजन करण्यात येईल, असे मुख्यमंत्र्यांनी सांगितले.

जिल्ह्यात ८८ साठवण तलाव, ४८७५ शेततळी, २८४३ नरेगाच्या विहिरी, ९१६३ धडक सिंचन विहिरी पूर्ण करण्यात आलेल्या आहेत. बळिराजा जलसंजीवनी योजनेतून जिल्ह्यात १९०० कोटी खर्चून १८ प्रकल्प पूर्ण करण्यात येतील. यामुळे सुमारे २२ हजार ३४१ हेक्टर सिंचनाखाली येईल. संत्रा प्रक्रिया प्रकल्प, बेलोरा विमानतळ विकासासाठी मान्यता देण्यात आली आहे. चिखलदरा येथे स्कॉय वॉक आणि पाणी पुरवठा योजना सिडको मार्फत पूर्णत्वास नेण्यात येणार आहे. यासाठी निधी उपलब्ध करून देण्यात येईल, असे त्यांनी सांगितले.
 

इतर बातम्या
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
दोन्ही शिंदेंना आत्मविश्वास नडला सोलापूर : सोलापूर आणि माढा लोकसभा मतदारसंघाच्या...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
सांगोला साखर कारखाना राज्य बँकेच्या...सोलापूर : सांगोला सहकारी साखर कारखाना राज्य...
‘कृष्णे’च्या पाणीपातळीत घटसांगली : म्हैसाळ उपसा सिंचन योजनेला पाणीपुरवठा...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
बुलडाण्यात मागणी आल्यास तत्काळ टँकर...बुलडाणा  : जिल्ह्यात पाणीटंचाईचे संकट भीषण...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
वऱ्हाडात विद्यमान खासदारांनाच पुन्हा...अकोला ः लोकसभा निवडणुकीच्या निकालात गुरुवारी (ता....
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
नाशिकला हेमंत गोडसे रिपीट, तर डॉ. भारती...नाशिक : नाशिक जिल्ह्यात नाशिक व दिंडोरी लोकसभा...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
निविष्ठांची तस्करी रोखण्यासाठी...यवतमाळ ः गेल्या वर्षीच्या अनुभवातून बोध घेत...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...