परभणी, नांदेड जिल्ह्यात २ लाख खात्यांवर दुष्काळी अनुदान जमा

दोन लाख शेतकऱ्यांच्या खात्यांवर दुष्काळी अनुदान जमा
दोन लाख शेतकऱ्यांच्या खात्यांवर दुष्काळी अनुदान जमा

परभणी ः परभणी आणि नांदेड जिल्ह्यातील दुष्काळामुळे बाधित एकूण १ लाख ९४ हजार ३५ शेतकऱ्यांच्या बॅंक खात्यांवर ७३ कोटी ७० हजार ६१३ रुपये एवढे अनुदान जमा करण्यात आले. या संदर्भात महसूल विभागाच्या सूत्रांनी माहिती दिली.

गतवर्षी (२०१८) च्या खरीप हंगामामध्ये दुष्काळामुळे बाधित परभणी आणि नांदेड जिल्ह्यातील एकूण ७८५ गावांतील ४ लाख ३१ हजार १३५ शेतकऱ्यांना मदत वितरित करण्यासाठी अनुक्रमे २६२ कोटी ५६ लाख रुपये आणि १२५ कोटी ७६ लाख रुपये निधी मंजूर करण्यात आला आहे. 

परभणी जिल्ह्यातील परभणी, सेलू, मानवत, पाथरी, सोनपेठ, पालम या ६ तालुक्यांतील ४७९ गावांतील २ लाख ६४ हजार ३६ शेतकऱ्यांच्या ३ लाख ४३ हजार ५८६ हेक्टरवरील जिरायती आणि बहुवार्षिक पिकांचे दुष्काळामुळे ३३ टक्क्यांपेक्षा अधिक नुकसान झाले. दुष्काळ बाधित शेतकऱ्यांच्या मदतीसाठी मंजूर अनुदानापैकी एकूण १०७ कोटी ५४ लाख ४६ हजार रुपये निधी जिल्हा प्रशासनाकडे प्राप्त झाला. एकूण दुष्काळी गावांपैकी ३०३ गावांतील १ लाख २१ हजार ७६२ शेतकऱ्यांच्या याद्या तयार करण्यात आल्या. पात्र शेतकऱ्यांच्या बॅंक खात्यांवर ४८ कोटी ४६ लाख ५४ हजार रुपये (४५.०७ टक्के) अनुदान जमा करण्यात आले. 

यामध्ये परभणी तालुक्यातील २७ हजार ८४१ शेतकऱ्यांच्या खात्यांवर ११ कोटी ११ लाख ५ हजार रुपये, सेलू तालुक्यातील २३ हजार ८४० शेतकऱ्यांच्या बॅंक खात्यांवर १० कोटी ४७ लाख रुपये, मानवत तालुक्यातील १७ हजार ४०७ शेतकऱ्यांच्या खात्यांवर ७ कोटी २० लाख ५३ हजार रुपये, पाथरी तालुक्यातील १९ हजार ५२९ शेतकऱ्यांच्या खात्यांवर ७ कोटी २० लाख ३७ हजार रुपये, सोनपेठ तालुक्यातील १७ हजार ६०० शेतकऱ्यांच्या खात्यांवर ७ कोटी १ लाख ९८ हजार रुपये, पालम तालुक्यातील १५ हजार ५४५ शेतकऱ्यांच्या खात्यांवर ५ कोटी ४५ लाख ६१ हजार रुपये अनुदान जमा करण्यात आले.

नांदेड जिल्ह्यातील देगलूर, मुखेड, उमरी या तीन तालुक्यांतील ३०६ गावांतील १ लाख ६७ हजार ९९ शेतकऱ्यांच्या १ लाख ५३ हजार ६८६ हेक्टरवरील मिळून जिरायती आणि बहुवार्षिक पिकांच्या नुकसानीबद्दल एकूण १२५ कोटी ७६ लाख रुपये निधी मंजूर करण्यात आला आहे. त्यापैकी ५१ हजार ५१ लाख १२ हजार ९६० रुपये एवढा निधी प्राप्त झाला आहे. आजवर एकूण ७२ हजार २७३ शेतकऱ्यांच्या बॅंक खात्यांवर २५ कोटी ५४ लाख  १६ हजार ६१३ रुपये एवढे अनुदान जमा करण्यात आले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com