agriculture news in marathi, Drought unemployment, increase in migration | Agrowon

गेल्या चार वर्षापासून दुष्काळ आहे...
टीम अॅग्रोवन
शुक्रवार, 7 डिसेंबर 2018

अमळनेर, जि. जळगाव : गेल्या चार वर्षापासून दुष्काळ आहे. पेरणी केली की पाऊस नसतो. दुबार, तिबार पेरणी करावी लागते. काहीच पिकत नाही. त्यामुळे कर्ज फेडू शकत नाही. चारा आणि पाणी नाही. पशुधन वाऱ्यावर सोडण्याची वेळ आली आहे, अशा व्यथा शेतकऱ्यांनी दुष्काळी पाहणीसाठी आलेल्या केंद्रीय पथकासमोर मांडल्या.

अमळनेर, जि. जळगाव : गेल्या चार वर्षापासून दुष्काळ आहे. पेरणी केली की पाऊस नसतो. दुबार, तिबार पेरणी करावी लागते. काहीच पिकत नाही. त्यामुळे कर्ज फेडू शकत नाही. चारा आणि पाणी नाही. पशुधन वाऱ्यावर सोडण्याची वेळ आली आहे, अशा व्यथा शेतकऱ्यांनी दुष्काळी पाहणीसाठी आलेल्या केंद्रीय पथकासमोर मांडल्या.

जुनोने (ता. अमळनेर, जि.जळगाव) येथे केंद्रीय पथकाने गुरुवारी (ता.६)  भेट देऊन दुष्काळाची पाहणी केली. पथकात जलआयोगाचे संचालक आर. डी. देशपांडे, सहसचिव छवी छा, डिपार्मेंट ऑफ पल्सेसचे संचालक ए. के. तिवारी, एमएनसीएफसीच्या सहायक संचालिका डॉ. शालिनी सक्‍सेना यांचा समावेश होता. त्यांच्यासोबत कृषी सचिव एकनाथ डवले, नाशिक विभागीय आयुक्‍त राजाराम माने, जिल्हाधिकारी किशोर राजेनिंबाळकर, प्रांताधिकारी संजय गायकवाड, तहसीलदार प्रदीप पाटील होते.

सहाशे जनावरांची विक्री
शेतकरी रमेश अमृत पाटील, निंबा नथ्थू धनगर यांच्या शेतात पथकातील सदस्यांनी पाहणी करून माहिती जाणून घेतली. चारा उपलब्ध नसल्याने बाहेरून चारा मागवावा लागत आहे. त्यामुळे आर्थिक झळ सोसावी लागत आहे. पाणी उपलब्ध असलेल्या ठिकाणी जनावरांची सोय करावी लागत आहे. काही जनावरे गोशाळेत पाठविली हेत. सुमारे ६०० जनावरे आतापर्यंत विकली गेली आहेत.

पाण्यासाठी विहीर अधिग्रहित
गावातील पाण्याची समस्या सोडविण्यासाठी बिलखेडा (ता. धरणगाव) येथील विहीर अधिग्रहित आहे. विहिरीत पाणीसाठा असेपर्यंतच गावाची तहान भागेल. त्यानंतर पाण्यासाठी भटकंती होईल. टॅंकरने पाणीपुरवठ्याची आवश्‍यकता भासेल. यासाठी वेळीच उपाययोजना होणे गरजेचे आहे. भर पावसाळ्यात पाच ते सात गावांना टॅंकरने पाणीपुरवठा सुरू होता. सद्यःस्थितीत ८८ ते ९० गावांत टॅंकरने पाणीपुरवठा सुरू आहे, अशी माहिती गटविकास अधिकारी संदीप वायाळ यांनी पथकाला दिली.

रोजगारासाठी परराज्यात स्थलांतर

दुष्काळाने बेरोजगारीची कुऱ्हाड कोसळली आहे. मजुरीसाठी सुमारे २२ कुटुंबे परराज्यात स्थलांतरित झाली आहेत. सुमारे १५० ग्रामस्थ कामासाठी गुजरातमध्ये गेले आहेत. १५ ते २० कुटुंबे ऊसतोडणीसाठी परजिल्ह्यात गेली आहेत. त्यामुळे गाव ओसाड पडले असून, शासनाने गावातच रोजगार उपलब्ध करून देण्यासाठी उपाययोजना कराव्यात, अशी मागणी शेतकऱ्यांसह ग्रामस्थांनी पथकाकडे केली.

इतर बातम्या
संजय धोत्रे चौथ्यांदा लोकसभा...अकोला :  लोकसभा निवडणुकीची रणधुमाळी सुरू...
लोकसभा निवडणुकीसाठी आतापर्यंत ७१...मुंबई : लोकसभा निवडणूक २०१९ अंतर्गत आज पहिल्या व...
शेती, बेरोजगारी, वाहतूक कोंडी प्रश्‍...पुणे : जिल्ह्यातील ‘शेतीसंपन्न’ आणि ‘औद्योगिक...
भाजपच्या चार विद्यमान खासदारांचा पत्ता...मुंबई : लोकसभा निवडणुकीसाठी भाजपाने...
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
शिक्षण,विज्ञानाच्या प्रगतीकडे लक्ष...वाळवा, जि. सांगली : ‘‘स्वबळावर उत्पादन क्षमता...
सातारा : प्रमुख धरणांतील पाणीसाठ्यात घटसातारा : कमी पर्जन्यमानाचा परिणाम...
वाशीम जिल्ह्यात आज ३२ ग्रामपंचायतींची...वाशीम : राज्य निवडणूक आयोगाने घोषित केलेल्या...
अंकलगी तलाव आटू लागलासांगली : जत पूर्व भागातील ४१ गावांना पाणीपुरवठा...
मराठवाड्यातील प्रकल्पांतील उपयुक्‍त...औरंगाबाद : मराठवाड्यात दुष्काळाच्या झळा...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
दक्षिण महाराष्ट्रात पक्षांपेक्षा ‘...कोल्हापूर: राज्याच्या इतर भागांप्रमाणे दक्षिण...
पिनाकीचंद्र घोष लोकपालपदीनवी दिल्ली : राष्ट्रपती रामनाथ कोविंद यांनी...
नाशिक शहरात धावणार 'ई- पिंक रिक्षा'नाशिक : नाशिक शहरातील हिरकणी अटल अभिनव सहकारी...
व्हाइस ॲडमिरल करमबीरसिंह नवे नौदलप्रमुखनवी दिल्ली: व्हाइस ॲडमिरल करमबीरसिंह यांची भारतीय...
नगर : चार छावण्यांची परवानगी रद्दनगर : पशुधन वाचविण्यासाठी छावणीला मंजुरी...
औरंगाबादेत चिंच २५०० ते ८५०० रुपये...औरंगाबाद : येथील कृषी उत्पन्न बाजार...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...