उष्ण, कोरड्या हवामानाचा अंदाज

उष्ण, कोरड्या हवामानाचा अंदाज
उष्ण, कोरड्या हवामानाचा अंदाज

पुणे: राज्यातील कमाल तापमानाचा पारा गेल्या काही दिवसांपासून सातत्याने वाढलेला आहे. शनिवारी (ता.२५) सकाळपर्यंतच्या २४ तासांमध्ये विदर्भ आणि मराठवाड्यात उष्ण लाट होती. तर, मध्य महाराष्ट्रात तापमानात थोडी घट झाल्याचे दिसून आले. चंद्रपूर येथे देशातील उच्चांकी ४६.६ अंश सेल्सिअस तापमान नोंदले गेले आहे. आज (ता. २६) राज्यात उष्ण व मुख्यत: कोरड्या हवामानाचा अंदाज वर्तविण्यात आला आहे.  शनिवारी सकाळपर्यंतच्या २४ तासांमध्ये विदर्भात जवळपास सर्वच ठिकाणी तर जळगाव, सोलापूर, नांदेड, परभणी येथे तापमान ४२ अशांच्या पुढे होते. इतरही ठिकाणी तापमान सरासरीपेक्षा अधिक असल्याचे दिसून आले. उन्हाचा चटका कायम असल्याने अनेक दिवसांपासून राज्यात बहुतांशी ठिकाणी तापमान ४० अंशांच्या पुढे आहे. सकाळपासून उन्हाच्‍या झळा बसत असल्याने बाहेर पडणे तापदायक ठरत आहे. तर दिवसाबरोबरच रात्रीच्या वेळीही उकाडा चांगलाच वाढला आहे.  शनिवारी (ता. २५) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) :  पुणे ३९.५ (३.३), जळगाव ४२.८ (०.५), कोल्हापूर ३९.४(४.५), महाबळेश्वर ३३.६ (४.२), मालेगाव ४१.६ (१.६), नाशिक ३७.५ (०.१), सांगली ४०.३ (३.५), सातारा ४०.२ (५.०), सोलापूर ४३.५(३.६), अलिबाग ३४.२ (१.०), डहाणू ३५.७ (१.३), सांताक्रूझ ३४.४ (०.९), रत्नागिरी ३३.३ (०.४), औरंगाबाद ४१.८ (२.६), नांदेड ४४.५ (३.०), परभणी ४५.० (३.२), अकोला ४४.४ (२.५), अमरावती ४३.६ (१.६), बुलडाणा ४१.० (३.१), बह्मपुरी ४५.८ (३.२), चंद्रपूर ४६.६ (३.४), गोंदिया ४४.० (१.३), नागपूर ४६.० (३.२), वाशीम ४३.०, वर्धा ४५.० (२.२).  मॉन्सूनची थोडीशी वाटचाल नैऋत्य मोसमी वाऱ्यांनी (मॉन्सून) आठवडाभरानंतर थोडीशी वाटचाल करीत निकोबार बेटांचा संपूर्ण भाग व्यापून, उत्तर अंदमान समुद्र आणि बंगालच्या उपसागराच्या आणखी काही भागांत प्रगती केली आहे. गेल्या शनिवारी (ता. १८) दक्षिण अंदमान समुद्र आणि निकोबार बेटे, दक्षिण बंगालच्या उपसागरात मॉन्सून दाखल झाला होता. गुरुवारपर्यंत (ता. ३०) मॉन्सून आणखी काही भागांत प्रगती करण्याचे संकेत हवामान विभागाने दिले आहेत. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com