राज्यात कोरड्या हवामानाचा अंदाज

राज्यात कोरड्या हवामानाचा अंदाज
राज्यात कोरड्या हवामानाचा अंदाज

पुणे : पूर्वमोसमी पावसाच्या सर्वच भागात हजेरी लावल्यानंतर राज्याच्या कमाल तापमानात मोठी घट झाली आहे. अनेक ठिकाणी ४२ अंशांपर्यंत गेलेले तापमानाचा पारा ३८ अंशाच्याही खाली घसरला आहे. बुधवारी (ता. १७) सकाळपर्यंतच्या २४ तासांमध्ये चंद्रपूर येथे राज्यातील उच्चांकी ४२.२ अंश सेल्सिअस तापमानाची नोंद झाली. आजपासून (ता. १८) राज्यात मुख्यत: कोरड्या हवामानाचा अंदाज असून, कमाल तापमानात पुन्हा वाढ होण्याची शक्यता आहे.      सूर्य तळपू लागल्याने विदर्भात अनेक ठिकाणी तापमान ४४ अंशांच्या पुढे गले होते. तर चंद्रपूर येथे यंदाच्या हंगामातील उच्चांकी ४५.२ अंश तापमानाची नोंद झाली होती. तर मध्य महाराष्ट्र आणि मराठवाड्यातही तापमानाचा पारा ४३ अंशांच्या वर सरकला होतो. मात्र रविवारपासून राज्यात पूर्वमोसमी पावसाने तडाखा दिला असून, आकाशात सकाळपासूनच ढग गोळा झाल्याने तापमानात घट झाली आहे. कोकण वगळता सर्वत्र कमाल तापमान सरासरीपेक्षा २ ते ५ अंशांची कमी झाले होते. बुधवारी (ता. १७) सकाळपर्यंतच्या २४ तासांमध्ये विदर्भात कमाल तापमान ३३ ते ४२ अंशांच्या जवळपास, मराठवाड्यात ३४ ते ४२ अंश, मध्य महाराष्ट्रात २८.७ ते ४२ अंश आणि कोकणात दिवसाचे तापमान ३२ ते ३५ अंशांच्या दरम्यान होते.  दक्षिण मध्य महाराष्ट्रापासून तमिळनाडूपर्यंत वाऱ्यांचे प्रवाह खंडित होऊन हवेचा कमी दाबाचा पट्टा सक्रिय आहे. मात्र राज्यातील पूर्वमोसमी पावसाला पोषक स्थिती काहीशी निवळल्याने राज्यात बुधवारी दुपारपर्यंत मुख्यत: निरभ्र आकाश होते. आजपासून (ता. १७) राज्यात कोरड्या हवामानाचा अंदाज आहे, तर तापमानात २ ते ४ अंशांची वाढ होण्याची शक्यता वर्तविण्यात आली आहे.    बुधवारी (ता. १७) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ३६.६ (-१.२), नगर ४१.७ (२.३), धुळे ३७.६, जळगाव ३८.८ (-२.५), कोल्हापूर ३६.८ (-०.२), महाबळेश्वर २८.७ (-३.२), मालेगाव ३५.६ (-४.५), नाशिक ३४.७ (-३.२), सांगली ३७.८ (-०.८), सातारा ३६.१ (-०.७), सोलापूर ३८.३(-२.२), अलिबाग ३४.२ (२.४), डहाणू ३५.४ (२.६), सांताक्रूझ ३४.६ (१.८), रत्नागिरी ३२.६ (०.५), औरंगाबाद ३४.८ (-३.७), नांदेड ४२.० (१.०), उस्मानाबाद ४१.१ (-२.०), परभणी ३८.० (-२.५), अकोला ३७.५ (-३.६), अमरावती ३६.२ (-५.२), बुलडाणा ३३.४ (-४.२), बह्मपुरी ४०.८ (०.२), चंद्रपूर ४२.२ (०.५), गोंदिया ३५.५ (-४.९), नागपूर ३८.१ (-२.५), वाशीम ३७.०, वर्धा ३७.८ (-३.८), यवतमाळ ३६.८ (-३.९). 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com