agriculture news in marathi, Due to drought in 246 villages in Sangli district | Agrowon

सांगली जिल्ह्यातील २४६ गावांवर दुष्काळाचे सावट
टीम अॅग्रोवन
शनिवार, 6 ऑक्टोबर 2018

सांगली ः जिल्ह्यात कमी पाऊस झाल्याने खरीप हंगामातील पिके वाया गेली आहेत. यामुळे जिल्हा प्रशासनाने पेरणी आणि पीकपाहणी करून त्याचा अहवाल शासनाकडे सादर करण्यात आला आहे. त्यामध्ये जिल्ह्यातील तासगाव, मिरज, कवठेमहांकाळ, जत आणि आटपाडी तालुक्‍यांतील २४६ गावांची पैसेवारी पन्नास पैशांपेक्षा कमी असल्याने या गावांवर दुष्काळाचे संकट ओढवले आहे.

सांगली ः जिल्ह्यात कमी पाऊस झाल्याने खरीप हंगामातील पिके वाया गेली आहेत. यामुळे जिल्हा प्रशासनाने पेरणी आणि पीकपाहणी करून त्याचा अहवाल शासनाकडे सादर करण्यात आला आहे. त्यामध्ये जिल्ह्यातील तासगाव, मिरज, कवठेमहांकाळ, जत आणि आटपाडी तालुक्‍यांतील २४६ गावांची पैसेवारी पन्नास पैशांपेक्षा कमी असल्याने या गावांवर दुष्काळाचे संकट ओढवले आहे.

हवामान खात्याने यंदा चांगला पाऊस पडेल, असा अंदाज व्यक्त केला होता. त्याप्रमाणे वेळेवर पावसाला सुरवात झाली. यामुळे बळिराजा आनंदी होता. पलूस, मिरज, कडेगाव, शिराळा या तालुक्‍यांत दमदार पाऊस झाला. यामुळे या भागातील पिके चांगलीच बहरली. मात्र, दुष्काळी पट्ट्यात उन्हाळ्यातील वादळी पडलेल्या पावसावर पेरणी केली. त्यानंतर पावसाचा मोठा खंड पडल्याने पिकाची पुरेशी वाढ झाली नाही.

अनेक पिके वाळून गेल्याने शेतकरी हतबल झाला. त्यामुळे प्रशासनाने पीकपाहणी करण्याचे आदेश दिले होते. त्यानुसार ग्रामस्तरावरील समितीने पाहणी केली. त्यात २४६ गावांत ५० टक्क्यांपेक्षा कमी पैसेवारी लागली आहे. या गावांचा प्राथमिक अहवाल विभागीय आयुक्तांमार्फत सरकारकडे सादर करण्यात आला आहे. सुधारित अहवाल या महिनाअखेरपर्यंत आणि अंतिम अहवाल डिसेंबरपर्यंत देण्यात येणार आहे, अशी माहिती जिल्हा अधिकारी कार्यालयाच्या सूत्रांनी दिली. जिल्ह्याच्या पूर्व भागात यंदा पावसाची बिकट स्थिती आहे. परतीचा पाऊसही अद्याप पुरेसा झालेला नाही. त्यामुळे शेतकऱ्यांमध्ये चिंता व्यक्त होत आहे

प्रशासनाची सतर्कता
गेल्या वर्षीच्या खरिपात २५८ गावांत ५० पैसेपेक्षा कमी पैसेवारी लागल्याने दुष्काळसदृश स्थिती जाहीर होती. वीजबिल, शैक्षणिक शुल्कात सवलत दिली आली. त्यात आटपाडी तालुक्‍यातील एकाही गावाचा समावेश नव्हता. हा मुद्दा लोकप्रतिनिधींनी उचलून धरल्याने ग्राम समितीकडून पीक, पाऊस याची पाहणी व्यवस्थित करावी, असे आदेश जिल्हाधिकारी काळम-पाटील यांनी दिले.

योजना पूर्ण क्षमतेने चालवण्याची आवश्‍यकता
जिल्ह्यात यंदा पावसाचे प्रमाण कमी आहे. त्या पार्श्‍वभूमीवर पाणी योजना पूर्ण क्षमतेने चालवण्याची गरज आहे. टेंभू, ताकारी, आरफळ या योजना सुरू झाल्या असल्या, तरी म्हैसाळ योजना अद्याप सुरू झालेली नाही. सध्या पाणीटंचाई मोठ्या प्रमाणात जाणवत आहे. त्यामुळे राजकीय नेत्यांनी मतभेद विसरून एकत्रित या पाणी योजना पूर्ण क्षमतेने चालण्यासाठी प्रयत्न करणे गरजेचे आहे. अन्यथा लोकांचे, जनावरांचे हाल होणार आहेत.

तालुका गावांची संख्या
तासगाव ६९
मिरज ३७
कवठेमहांकाळ ६०
जत ५४
आटपाडी २६

 

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...