agriculture news in marathi, Due to drought on eight talukas of Parbhani | Agrowon

परभणीतील आठ तालुक्यांवर दुष्काळाची छाया
टीम अॅग्रोवन
गुरुवार, 11 ऑक्टोबर 2018

परभणी ः केंद्र आणि राज्य शासनाच्या दुष्काळ जाहीर करण्याच्या निकषांनुसार परभणी जिल्ह्यातील ९ पैकी ८ तालुक्यांमध्ये दुष्काळाची प्रथम कळ (ट्रिगर-१) लागू होत आहे. त्यासाठी अनिवार्य आणि प्रभावदर्शक निर्देशांकानुसार अपेक्षित पावसाच्या सरासरी टक्केवारीपेक्षा कमी पाऊस झाल्यामुळे पीक उत्पादन नुकसान; तसेच पाणीटंचाईची माहिती सादर करावी. टंचाई आराखडे तयार करावेत, असे निर्देश जिल्हाधिकारी पी. शिवशंकर यांनी दिले.

परभणी ः केंद्र आणि राज्य शासनाच्या दुष्काळ जाहीर करण्याच्या निकषांनुसार परभणी जिल्ह्यातील ९ पैकी ८ तालुक्यांमध्ये दुष्काळाची प्रथम कळ (ट्रिगर-१) लागू होत आहे. त्यासाठी अनिवार्य आणि प्रभावदर्शक निर्देशांकानुसार अपेक्षित पावसाच्या सरासरी टक्केवारीपेक्षा कमी पाऊस झाल्यामुळे पीक उत्पादन नुकसान; तसेच पाणीटंचाईची माहिती सादर करावी. टंचाई आराखडे तयार करावेत, असे निर्देश जिल्हाधिकारी पी. शिवशंकर यांनी दिले.

जिल्ह्यात उद्भवलेल्या दुष्काळी परिस्थितीचा आढावा घेण्यासाठी जिल्हाधिकारी कार्यालयात मंगळवारी (ता. ९) आयोजित बैठकीत श्री. शिवाशंकर बोलत होते. या वेळी अपर जिल्हाधिकारी अण्णासाहेब शिंदे, निवासी उपजिल्हाधिकारी अंकुश पिनाटे, उपजिल्हाधिकारी विश्वांभर गावंडे, स्वाती सूर्यवंशी, जिल्हा अधीक्षक कृषी अधिकारी बाळासाहेब शिंदे आदी उपस्थित होते.

यंदा परभणी जिल्ह्यात जून ते सप्टेंबर या कालावधीत ७५ टक्क्यांपेक्षा कमी पाऊस झालेल्या परभणी, जिंतूर, सेलू, मानवत, पाथरी, सोनपेठ, गंगाखेड, पालम या ८ तालुक्यांसह पूर्णा अशा एकूण ९ तालुक्यांतील दुष्काळ मूल्यांकनासाठी सत्यमापन अहवाल; तसेच दुष्काळ व्यवस्थापन उपाययोजनांसाठी जिल्हा प्रशासनाकडून प्रस्ताव सादर करण्यात येणार आहेत.

प्रस्तावासाठी विविध प्रकारच्या ५ मुद्यांच्या परिस्थितीचा आधार घेतला जाणार आहे. यातील जलसाठे, पीक क्षेत्रीय सर्व्हेक्षण, मृदा आर्द्रता आदी महत्त्वाचे मुद्दे आहेत. यासाठी सर्व संबंधितांनी दोन दिवसांत पीक सर्व्हेक्षण अहवाल मोबाईल ॲपद्वारे अपलोड करावेत. नापेर क्षेत्राची माहिती द्यावी. दुष्काळाची कळ लागू झालेल्या तालुक्यातील गावांची निवड जिल्हास्तरावर होईल. सर्व्हेक्षण, सत्यमापन करण्यासाठी तालुका, क्षेत्रीय स्तरावर समिती नेमली जाणार आहे.

हंगामातील पिकांची सद्यस्थिती दर्शविणारे छायाचित्रे जीपीएस लोकेशनसह अपलोड करण्यात येतील. पिकांच्या उगवणीवर वाढीवर कमी पावसाचा झालेला परिणाम, उत्पादनात येणारी तुट यांची माहिती नोंदवली जाणार आहे. ऑक्टोबर ते डिसेंबर आणि जानेवारी ते मार्च कालावधीसाठीचे टंचाई आराखडे तयार करून २० ऑक्टोबरपूर्वी सादर करावेत.

दुष्काळासाठी दक्ष राहण्याच्या सूचना
पाण्याचे स्राेत निश्चित करून पाणीटंचाई परिस्थितीला सामोरे जाण्यासाठी पूर्वतयारी करावी. विहीर अधिग्रहणे करणे, सार्वजनिक पाणी स्राेतांच्या परिसरातील पाणीउपसा बंद करावा. या वेळी चाराटंचाईसाठी चारा नियोजन, जलयुक्त शिवारमधील कामांचा आढावा घेण्यात आला. दुष्काळी परिस्थितीला सामोरे जाण्यासाठी दक्ष राहण्याचा सूचना या वेळी देण्यात आल्या.

इतर बातम्या
जळगावच्या पालकमंत्र्यांचा दौरा पुन्हा...जळगाव : महसूलमंत्री चंद्रकांत पाटील यांचा...
खानदेशातील पाणीटंचाई गंभीरजळगाव : खानदेशात पाणीटंचाई दिवसेंदिवस बिकट होत...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
खानदेशात अनियमित वीजपुरवठाजळगाव : खानदेशात जलपातळी सातत्याने घटत आहे....
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
नाशिक येथे साकारणार 'देवराई' नाशिक : दुर्मीळ देशी प्रजातींच्या वृक्षांचे...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
जनावरांची तडफड, लोकांचा पाण्यासाठी टाहोसोलापूर ः राज्य शासनाने दुष्काळ जाहीर करून जवळपास...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
‘गुणनियंत्रण’विरोधात विखेंचेही पत्र पुणे : राज्याच्या कृषी खात्यातील गुण नियंत्रण...
राज्य बॅंकेकडून साखरेच्या मूल्यांकनात...कोल्हापूर : केंद्राने खुल्या साखरेचे किमान विक्री...
राज्यात उद्या हलक्या पावसाची शक्यतापुणे: वेगाने बदलणारे वातावरण, वाऱ्यांच्या...
प्रेरणा प्रकल्पातून ९० हजार शेतकऱ्यांचे...मुंबई : राज्यातील शेतकरी आत्महत्याग्रस्त १४...
कांद्याच्या ढिगाऱ्यात बुजवून घेत...नाशिक  : कमी पाऊस, दुष्काळी परिस्थिती व...