agriculture news in marathi, Due to the hail of rain, the crisis of sowing | Agrowon

पावसाने दडी मारल्यामुळे दुबार पेरणीचे संकट
टीम अॅग्रोवन
गुरुवार, 5 जुलै 2018

नांदेड  ः गेल्या पाच ते सहा दिवसांपासून पावसाने दडी मारल्यामुळे नांदेड, परभणी, हिंगोली जिल्ह्यांतील उगवलेल्या तसेच पेरणी केलेल्या पिकांना पाण्याचा ताण बसला आहे. कपाशी, हळद या पिकांचा उगवण व्यवस्थित होत नाही. मूग, उडीद, सोयाबीन, तूर, ज्वारी आदी पिके सुकू लागली आहेत. दुबार पेरणीच्या संकटामुळे शेतकरी धास्तावले आहेत. पावसाअभावी अनेक मंडळांतील पेरणी रखडलेलीच आहे. पीक परिस्थिती बिकट झाल्यामुळे शेतकरी चिंतेत झाले आहेत.

नांदेड  ः गेल्या पाच ते सहा दिवसांपासून पावसाने दडी मारल्यामुळे नांदेड, परभणी, हिंगोली जिल्ह्यांतील उगवलेल्या तसेच पेरणी केलेल्या पिकांना पाण्याचा ताण बसला आहे. कपाशी, हळद या पिकांचा उगवण व्यवस्थित होत नाही. मूग, उडीद, सोयाबीन, तूर, ज्वारी आदी पिके सुकू लागली आहेत. दुबार पेरणीच्या संकटामुळे शेतकरी धास्तावले आहेत. पावसाअभावी अनेक मंडळांतील पेरणी रखडलेलीच आहे. पीक परिस्थिती बिकट झाल्यामुळे शेतकरी चिंतेत झाले आहेत.

या तीन जिल्ह्यांत जूनच्या पहिल्या पंधरवाड्यात अनेक तालुक्यात झालेल्या जोरदार पावसामुळे मूग, उडीद, सोयाबीन, तूर पेरणीसह कापूस, हळद लागवड करण्यात आली. परंतु त्यानंतर तब्बल १० ते १२ दिवसांच्या खंडानंतर पावसाचे आगमन झाल्यानंतर परत पेरणीस सुरवात झाली. आजवर ६० ते ७० टक्के क्षेत्रावर पेरणी पूर्ण झाली आहे.

नांदेड जिल्ह्यातील सगरोळी, आदमापूर (ता. बिलोली), येवती, जहूर, चांदोला, बाऱ्हाळी, मुक्रमाबाद (ता. मुखेड), देगलूर, खानापूर, मरखेल, मालेगाव, हानेगाव (ता. देगलूर), ईस्लापूर, जलधारा, शिवणी, दहेली (ता. किनवट), जारिकोट (ता. माहूर) मंडळांमध्ये जून महिन्याच्या सरासरीपेक्षा कमी पाऊस झाला.

परभणी जिल्ह्यातील पेडगाव, जांब, सिंगणापूर, पिंगळी (ता. परभणी), राणीसावरगाव (ता. राणीसावरगाव), पाथरी, बाभळगाव (ता. पाथरी), जिंतूर, आडगाव (ता. जिंतूर), वालूर, कुपटा (ता. सेलू) या मंडळांमध्ये सरासरीपेक्षा कमी पाऊस झाला. हिंगोली जिल्ह्यातील डिग्रस, खंबाळा (ता. हिंगोली), वाकोडी, डोंगरकडा (ता. कळमनुरी), गिरगाव (ता. वसमत), सेनगाव, साखरा (ता. सेनगाव) मंडळामध्ये सरासरी पेक्षा कमी पाऊस झाला. त्यामुळे या मंडलातील अनेक गावांतील पेरणी रखडलेलीच आहे. सरंक्षित पाणी असलेले शेतकरी पिके वाचविण्याचा प्रयत्न करत आहेत. परंतु कोरडवाहू शेतकरी मात्र अडचणीत असून दुबार पेरणीच्या सावटाने चिंतेत झाले आहेत.

आजवर मोठा पाऊस झालाच नाही. पाऊस येण्याच्या आशेने कापूस लागवड केली; पण आता कपाशीची वाढ खुंटली आहे. मूग पाणी देऊन वाचविण्याचा प्रयत्न करत आहोत.
- बाळासाहेब रनेर, शेतकरी, बाभळगाव, ता. पाथरी, जि. परभणी.

पाऊस लांबल्यामुळे गतवर्षीपेक्षा बिकट परिस्थिती आहे. ४० एकर जमिनीवर अजून पेरणी केली नाही.
- विठ्ठल गिराम, शेतकरी, बाभळगाव, ता. पाथरी, जि. परभणी.

पाच एकरवर सोयाबीनची दुबार पेरणी केली; परंतु सात दिवसांपासून पाऊस नसल्यामुळे उगवण व्यवस्थित होत नाही. दुबार पेरणीही वाया जाती की काय. - दिलीप दराडे, शेतकरी, अनखळी वाडी, ता. औंढा, जि. हिंगोली.

इतर बातम्या
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आज संत तुकाराम बीजदेहू, जि. पुणे  : जगद्‌गुरू संत श्री तुकाराम...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
राज्यात शंभर लाख टन साखर उत्पादनभवानीनगर, जि. पुणे ः राज्यात ३० टक्के हुमणीग्रस्त...
मध्य महाराष्ट्र, मराठवाड्यात अवकाळीची...पुणे : रविवारी, सोमवारी पुन्हा काही अंशी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
`आंब्याचा दर्जा सुधारण्यासाठी प्रयत्न...वेंगुर्ले, जि. सिंधुदुर्ग :  कोकणातील आंबा...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
स्मार्ट प्रकल्पाचा केंद्रबिंदू शेतमाल ‘...पुणे : राज्यातील बहुतेक शेतकऱ्यांना आता पिकवायचे...
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...
रणजितसिंहाच्या भाजप प्रवेशाने खरच...सोलापूर ः सोलापूर जिल्ह्यातील विशेषतः पश्चिम...
काँग्रेस-राष्ट्रवादीचे प्रत्येकी बारा...मुंबई ः आगामी लोकसभा निवडणुकीसाठी राज्यातील...
पूर्व विदर्भात गारपीटपुणे  ः दोन दिवसांपूर्वी मध्य भारतात तयार...
राज्यात १७८ तालुक्यांत भूजल चिंताजनकपुणे ः कमी झालेला पाऊस, वाढत असलेला पाण्याचा उपसा...
आचारसंहिता भंगाच्या ७१७ तक्रारीमुंबई : नागरिकांना आचारसंहिता भंगाच्या तक्रारी...