नाशिक जिल्ह्यातील ९ बाजार समित्यांमध्ये ‘ई-नाम’

``राज्य शासनाने पणन मंडळाच्या माध्यमातून बाजार समित्यांमध्ये सुरू केलेली ई-नाम सेवा शेतकरी, बाजार समित्यांसाठी अत्यंत उपयुक्त आहे. यामुळे शेतकऱ्यांना आपल्या शेतमालाला रास्त भाव, योग्यवेळी खात्यात पेमेंट उपलब्ध होणार आहे. प्रभावी अंमलबजावणीसाठी पणन मंडळामार्फत शेतकऱ्यांचे प्रभोधन करण्यात येणार आहे.`` - सुनील पवार, संचालक, पणन मंडळ
नाशिक जिल्ह्यातील ९ बाजार समित्यांमध्ये ‘ई-नाम’
नाशिक जिल्ह्यातील ९ बाजार समित्यांमध्ये ‘ई-नाम’

नाशिक  : शेतकऱ्यांना त्यांचा शेतमाल देशांतर्गत बाजारपेठेमध्ये कुठेही विक्री करता यावा, यासाठी केंद्र सरकारने सुरू केलेल्या ऑनलाइन नॅशनल अॅग्रिकल्चर मार्केट अर्थात ई-नाम सेवा केंद्र महाराष्ट्र शासनाने सुरू ठेवण्याचा निर्णय घेतला आहे. महाराष्ट्रातील १४५ बाजार समित्यांमध्ये ही सेवा देणार येणार असून, त्यात नाशिक जिल्ह्यातील ९ बाजार समित्यांचा समावेश करण्यात आला आहे. कळवण, देवळा, उमराणे, सटाणा, मनमाड, नांदगाव, सिन्नर, नामपूर, घोटी या बाजार समित्यांमध्ये ही सेवा सुरू करण्यात येणार असल्याची माहिती सूत्रांनी दिली.

शेतमालास अधिक दर व शेतकऱ्यांना रोख ऑनलाइन पेमेंट मिळावे म्हणून केंद्र सरकारने राष्ट्रीय कृषी बाजार (ई नाम) ही योजना आणली. या योजनेद्वारे प्रचलित बाजार व्यवस्थेतील शेतकऱ्यांची अनेक मार्गाने होणारी लूट थांबविणे हा हेतू आहे. ‘ई -नामअंतर्गत देशभरातील प्रमुख बाजार समित्या जोडल्या जात आहेत.

महाराष्ट्रातील ८५ बाजार समित्यांमध्ये ई लिलाव सुरू झाला असून, इतर १४५ बाजार समित्यांदेखील ई -नाम पोर्टलशी जोडण्याच्या योजनेस राज्य शासनाने मंजुरी दिली आहे. व्यापाऱ्यांकडून शेतकऱ्यांना चिथावणीचेही प्रकार होतात. व्यापारी शेतकऱ्यांची फसवणूक करतात. याला आळा घालण्यासाठी व शेतकऱ्याला राज्यातील शेतमालाचे भाव कळण्यासाठी; तसेच शेतमाल विक्री करताना लागणारा वेळ व श्रम वाचवण्यास मदत होणार आहे.

नाशिक जिल्ह्यातील ९ ठिकाणी ई - लिलाव यंत्रणा कार्यान्वित होणार आहे. ई-नाम योजना एप्रिल २०१६ पासून कार्यान्वित असून, राज्यातील ५८५ बाजार समित्या ई-नामला जोडण्याचे उद्दिष्ट मार्च पर्यंत पूर्ण झाले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com