agriculture news in marathi, eager to know the results in Kolhapur, sangli | Agrowon

कोल्हापूर, सांगलीत निकालाची उत्सुकता शिगेला
टीम अॅग्रोवन
गुरुवार, 23 मे 2019

सांगली : लोकसभा निवडणुकीची मतमोजणी गुरुवारी (ता.२३) होत आहे. प्रशासकीय यंत्रणा सज्ज आहे. अधिकारी, कर्मचाऱ्यांसह त्यांना मदत करणारे, असे एकूण असे सव्वादोन हजारहून अधिक कर्मचारी मतमोजणी प्रक्रियेत समाविष्ट असतील, अशी माहिती जिल्हाधिकारी डॉ. अभिजित चौधरी यांनी दिली. कोल्हापुरात लोकसभेच्या दोन मतदारसंघांसाठी आज मतमोजणी होणार असून, सकाळी आठ वाजल्यापासून त्यास प्रारंभ होणार आहे. निवडणुकीच्या मतमोजणीसाठीची सर्व यंत्रणा सुसज्ज असल्याचे जिल्हाधिकारी दौलत देसाई यांनी सांगितले.

सांगली : लोकसभा निवडणुकीची मतमोजणी गुरुवारी (ता.२३) होत आहे. प्रशासकीय यंत्रणा सज्ज आहे. अधिकारी, कर्मचाऱ्यांसह त्यांना मदत करणारे, असे एकूण असे सव्वादोन हजारहून अधिक कर्मचारी मतमोजणी प्रक्रियेत समाविष्ट असतील, अशी माहिती जिल्हाधिकारी डॉ. अभिजित चौधरी यांनी दिली. कोल्हापुरात लोकसभेच्या दोन मतदारसंघांसाठी आज मतमोजणी होणार असून, सकाळी आठ वाजल्यापासून त्यास प्रारंभ होणार आहे. निवडणुकीच्या मतमोजणीसाठीची सर्व यंत्रणा सुसज्ज असल्याचे जिल्हाधिकारी दौलत देसाई यांनी सांगितले.

मतमोजणी गुरुवारी (ता. २३) सकाळी आठ वाजता मिरज येथील शासकीय धान्य गोदामात सुरू होईल. बुधवारी (ता. २२) दुपारी मतमोजणीची रंगीत तालीम घेण्यात आली. या वेळी मतमोजणी दरम्यान, येणाऱ्या अडचणीवर कशी मात करावी, याची सविस्तर माहिती जिल्हाधिकाऱ्यांनी अधिकाऱ्यांना दिली. 

मतमोजणीच्या वेळी शासकीय अधिकारी-कर्मचारी, निवडणूक निरीक्षक, पुरवठादार, उमेदवार व त्यांच्याकडून नियुक्त प्रतिनिधींव्यतिरिक्त कोणालाही प्रवेश दिला जाणार नाही. सांगली-मिरज रस्त्याच्या शेजारील होंडा शोरूमजवळ वाहने थांबवण्याची व्यवस्था आहे. मतमोजणीसाठी मोठा बंदोबस्त आहे.  दुपारी चारपर्यंत निकालाचे चित्र स्पष्ट होईल, असा अंदाज व्यक्त केला आहे. 

प्रत्येक अधिकारी, कर्मचारी, पोलिस, माध्यम प्रतिनिधी, उमेदवार वा त्यांच्या प्रतिनिधींना सुरक्षेचे तीन टप्पे पार करावे लागणार आहेत. प्रवेशद्वारासमोर राज्य पोलिस, प्रवेशद्वारानंतर राखीव पोलिस दल, प्रत्यक्ष मतमोजणी केंद्राबाहेर केंद्रीय पोलिस दल तैनात आहे. सीसीटीव्ही कॅमेऱ्यांची सर्व हालचालींवर नजर राहील.  

कोल्हापूर, हातकणंगलेत यंत्रणा सज्ज 

कोल्हापूर लोकसभा मतदारसंघाची मतमोजणी शासकीय धान्य गोदाम, रमणमळा परिसर, कसबा बावडा रोड, कोल्हापूर येथे; तर हातकणंगले लोकसभा मतदारसंघाची मतमोजणी शासकीय गोदाम, राजाराम तलावानजीक, सरनोबतवाडी, कोल्हापूर येथे होणार आहे. कोल्हापूर लोकसभा मतदारसंघासाठी एकूण ११६०, तर हातकणंगले लोकसभा मतदारसंघासाठी १०४४ अधिकारी व कर्मचारी नियुक्त आहेत. मतमोजणी केंद्र व परिसरात पोलिस, राज्य राखीव पोलिस दल, केंद्रीय पोलिस दल यांच्यामार्फत कडक सुरक्षाव्यवस्था ठेवण्यात आली आहे. मतमोजणी निकालाची सार्वजनिक घोषणा व एलईडी स्क्रीनवर मेरी वेदर मैदान, होमगार्ड कार्यालयाशेजारी, कसबा बावडा रोड, पितळी गणपती मंदिर,  विभागीय कृषी संशोधन केंद्र, रेणुका मंदिर चौक, या ठिकाणी प्रदर्शित करण्याची सोय केली आहे.

रत्नागिरी, रायगडची आज मतमोजणी

रत्नागिरी-सिंधुदुर्ग आणि रायगड लोकसभा मतदारसंघासाठी आज (ता. २३) सकाळी ८ वाजता मतमोजणी सुरू होणार आहे. रत्नागिरीमध्ये प्रत्येक विधानसभा मतदारसंघनिहाय चौदा टेबल मोजणीसाठी लावण्यात येणार आहेत. सरासरी २० ते २५ फेऱ्या अपेक्षित आहेत. त्यानंतर होणाऱ्या व्हीव्हीपॅटमधील मोजणीनंतर अधिकृत निकाल जाहीर केला जाणार आहे.

मतमोजणीदरम्यान त्रिस्तरीय सुरक्षा पथक नेमले आहे. मोजणीसाठी ४१० कर्मचाऱ्यांची नियुक्ती केली आहे. पोस्टल बॅलेट ४,०३९ असून ६१७ सैनिक मतदार आहेत. आतापर्यंत दोन प्रशिक्षणे झाली असून तिसरे प्रशिक्षण प्रत्यक्ष मतमोजणीच्या ठिकाणी होणार आहे. सुविधा अ‍ॅपद्वारे मोजणीची माहिती प्रत्येक फेरीनंतर दिली जाणार आहे. कुडाळसारख्या लहान मतदारसंघाचे वीस आणि रत्नागिरीच्या २५ फेऱ्या होतील.

डॉ. मुंढे म्हणाले, ‘‘एमआयडीसी रत्नागिरीतील एफसीआय गोडावूनजवळ मतमोजणी दिवशी कायदा व सुव्यवस्था अबाधित राखण्यासाठी पोलिस दलाकडून बंदोबस्ताचे नियोजन केले आहे. पक्षनिहाय कार्यकर्त्यांसाठी थांबण्याची, वाहन पार्किंगची व्यवस्था केली आहे. गोडावूनमध्ये प्रवेशद्वार क्रमांक गेट क्र. १ व २ मधून प्रवेशासाठी आहे. दक्षिणेकडील मुख्य प्रवेशद्वार (गेट नं. १) मतमोजणी अधिकारी व कर्मचारी तसेच उमेदवार यांना प्रवेश दिला जाईल. तिथे अधिकृत पासधारक व्यक्तीनांच प्रवेश असेल. सुरक्षेसाठी दोन अतिरिक्त पोलिस अधीक्षक, दोन उपअधीक्षक, ११ पोलिस निरीक्षक, ३४ उपनिरीक्षक, ४१० कर्मचारी, पोलिसांच्या एसआरपीएफ आणि सीआरपीएफच्या प्रत्येकी एक प्लाटून या ठिकाणी नियुक्त केल्या आहेत.``
 

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...