'असक्षम' बाजार समित्यांवर भाजपकडून कार्यकर्त्यांची वर्णी?
'असक्षम' बाजार समित्यांवर भाजपकडून कार्यकर्त्यांची वर्णी?

'असक्षम' बाजार समित्यांवर भाजपकडून कार्यकर्त्यांची वर्णी?

पुणे : सार्वत्रिक निवडणुकांचा खर्च करण्यास सक्षम नसल्याचे पत्र निवडणूक प्रक्रिया सुरू केलेल्या ५१ पैकी १२ बाजार समित्यांनी सहकार निवडणूक प्राधिकरणाला दिले आहे. यामुळे आर्थिक सक्षम नसलेल्या बाजार समित्यांवर शासन नियुक्त प्रशासकीय मंडळाच्या माध्यमातून कार्यकर्त्यांची वर्णी लावण्याचा प्रयत्न भाजपाकडून करण्यात येत असल्याचा आरोप विरोधकांनी केला अाहे.  ग्रामीण महाराष्ट्रातील महत्त्वाचे आर्थिक सत्ता केंद्र ताब्यात घेण्यासाठी सत्ताधारी भारतीय जनता पक्षाचे विविध प्रयत्न सुरू आहेत. याच प्रयत्नांचा भाग म्हणजे माेदी लाटेचा फायदा घेण्यासाठी या निवडणुकांमध्ये प्रत्येक शेतकऱ्यांला मतदानाचा अधिकार देण्यासाठी कायद्यात बदल करीत निवडणूक प्रक्रियेतदेखील बदल केला. त्यानुसार निवडणुका असलेल्या ५१ बाजार समित्यंची निवडणूक प्रक्रियादेखील सुरू केली. मात्र नवीन पद्धतीमध्ये निवडणुकीचा खर्च संबधित बाजार समितीने करावयाचा अाहे. यामुळे ५१ पैकी १२ बाजार समित्यांनी पैसे नसल्याचे पत्रच प्राधिकरणाला दिल्याने प्रश्‍न उपस्थित झाला आहे.   या निवडणुका घेण्याची जबाबदारी प्राधिकरणाने जिल्हाधिकाऱ्यांवर सोपविली आहे. सध्या पुण्यासह सोलापूर आणि नाशिक या बाजार समित्यांच्या निवडणुकांची प्रक्रिया सुरू करण्यात आली आहे. पुण्यातील बाजार समितीच्या मतदारांची प्राथमिक यादी तयार झाली आहे.

असक्षम १२ बाजार समित्या करमाळा (जि. सोलापूर), परांडा (जि. उस्मानाबाद), मातोळा, सिंधखेडराजा (जि. बुलडाणा), दारव्हा, बोरी अरब (जि. यवतमाळ), काटोल, हिंगणा, कळमेश्वर, नरखेड, कामठी (जि. नागपूर), गोंदिया. मिनी विधानसभा... बाजार समित्यांच्या निवडणुकीच्या नव्या नियमावलीनुसार कार्यक्षेत्रातील १० गुंठे जमीन धारण असलेला शेतकरी मतदार असणार आहेत. यामुळे ही निवडणूक मिनी विधानसभा म्हणून आेळखली जाणार आहे. या निवडणुकीसाठी किमान दीड काेटींचा खर्च अपेक्षित असून, हा खर्च संबंधित बाजार समितीने करावा, असे कायद्यात स्पष्ट आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com