agriculture news in marathi, effect of rain on crops, jalgaon, maharashtra | Agrowon

जळगाव जिल्ह्यातील केळी, कापूस, तूर उत्पादक चिंतेत
टीम अॅग्रोवन
बुधवार, 22 नोव्हेंबर 2017
सध्या केळीवर करप्याचा प्रादुर्भाव अधिक दिसून येत आहे. अशा वातावरणातही शेतकऱ्यांना कीडरोग निर्मूलनासाठी धावपळ करावी लागत आहे. 
- संदीप पाटील, शेतकरी, किनगाव, जि. जळगाव
जळगाव  ः जिल्ह्यात आठवडाभरापासून असलेले ढगाळ हवामान आणि हलक्‍या सरी कोसळल्यानंतर निर्माण झालेली पावसाची शक्‍यता यामुळे केळी, कापूस व तूर उत्पादक शेतकरी चिंतेत आहेत. आधीच खरिपात फटका बसला, आता रब्बी जेमतेम उभा राहत असतानाच ढगाळ हवामान निर्माण झाल्याने त्याचा फटका शेतकऱ्यांना बसला आहे. 
 
जिल्ह्यात जळगाव, भुसावळ, यावल भागांत सोमवारी सकाळी (ता. २०) हलक्‍या सरी कोसळल्या. तसेच धुळ्यातही शिंदखेडा, शिरपूर, धुळे भागांत हलका पाऊस झाला. पाऊस अधिक नव्हता, परंतु ढगाळ वातावरण कायम आहे. त्याचा धसका शेतकऱ्यांनी घेतला आहे. ढगाळ वातावरणामुळे केळीवर करप्याचा प्रादुर्भाव वाढू लागला आहे. केळीची पाने पिवळी पडल्याने ती नष्ट करण्यासाठी शेतकऱ्यांना श्रम घ्यावे लागत आहेत. लहान केळीच्या पिकात ही समस्या अधिक आहे. रावेर, यावल, चोपडा, भडगाव भागांतील मिळून जवळपास १९ हजार हेक्‍टरवरील लहान किंवा चार पाच महिन्यांच्या केळी पिकामध्ये करप्याची समस्या अधिक आहे. त्यातच केळी कापणीही रखडली आहे. 
 
तुरीमध्ये फुलगळ सुरू असून, तयार शेंगांवर किडींचा प्रादुर्भाव झाला आहे. शेंगा पोखरणाऱ्या अळ्यांचा प्रादुर्भाव सध्याचा प्रतिकूल हवामानामुळे वाढू लागल्याचे तज्ज्ञांचे म्हणणे आहे. तसेच थंडी गायब झाल्याने पानांवर चिकटाची समस्याही निर्माण होऊ शकते, असे शेतकऱ्यांचे म्हणणे आहे. कपाशीची बोंडे काहीशी ओली झाली. त्यात आर्द्रता वाढल्याने त्यांचा दर्जा घसरू लागला आहे. तसेच कपाशीची पाने काळी, लालसर पडू लागली आहेत. स्वच्छ सूर्यप्रकाशित वातावरण नसल्याने बोंडे उमलत नसल्याचे चित्र आहे. तसेच कापसावर रसशोषक किडींचाही प्रादुर्भाव होत असल्याची माहिती मिळाली.
 
कपाशीमध्ये आणखी आठ ते १० टक्के नुकसानीची भीती आहे. ढगाळ वातावरणामुळे मका, ज्वारीची काढणी सुरू असून, नासाडी होऊ नये म्हणून काढणीअभावी पडून असलेले कणसे झाकून ठेवण्यासाठी रोज सायंकाळी शेतकऱ्यांना धावपळ करावी लागते. पण काही ठिकाणी केळीची काढणी किंवा कापणी मात्र सध्या व्यापाऱ्यांनी बंद ठेवली आहे. 

इतर ताज्या घडामोडी
हुतात्मा जवान औरंगजेब यांना मरणोत्तर '...नवी दिल्ली : हुतात्मा जवान औरंगजेब यांना...
साताऱ्यात दहा किलो शेवग्यास २५० ते ३००...सातारा : येथील कृषी उत्पन्न बाजार समितीत मंगळवारी...
ऊस तांबेरा नियंत्रणलक्षणे ः १) पानाच्या दोन्ही बाजूंवर लहान, लांबट...
ऊस पीक सल्ला आडसाली लागवडीसाठी दोन सरींमधील अंतर मध्यम...
सस्तन प्राणी प्रजातींचा वंशवेलीसह नकाशा...स्वीडन येथील आर्हस विद्यापीठ आणि गोथेनबर्ग...
केळी उत्पादकांना जोरदार पावसाची...रावेर, जि. जळगाव  : पावसाळ्याचे सव्वादोन...
नगर जिल्ह्यात सोयाबीनने यंदाही सरासरी...नगर ः नगर जिल्ह्यामध्ये सोयाबीनचे क्षेत्र वाढत...
बाजार समितीवर नियुक्त्या न झाल्याने...पुणे ः जिल्ह्यातील महत्त्वाचे आर्थिक सत्ता केंद्र...
कोल्हापुरात धरणक्षेत्रात पाऊस सुरूचकोल्हापूर : धरणांच्या पाणलोट क्षेत्रात मंगळवारी (...
आबासाहेब वीर सामाजिक पुरस्कार विनायकराव...सातारा : महाराष्ट्राचे शिल्पकार स्वर्गीय यशवंतराव...
संत्रा पीक सल्लासध्या विविध ठिकाणी संत्राबागेमध्ये फळगळची व काळी...
कृषी सल्ला : भात, नागली, आंबा, काजू,...भात पावसाचे प्रमाण कमी असल्याने...
श्रावणमासानिमित्त जळगावातून केळीपुरवठा...जळगाव ः जिल्ह्यात दर्जेदार केळीला क्विंटलमागे १५०...
कळमणा बाजारात बटाट्याची वाढली आवकनागपूर ः बटाटा आणि डाळिंब या शेतमालाची सर्वाधिक...
मोसंबी, डाळिंबाच्या दरात चढउतारऔरंगाबाद : येथील कृषी उत्पन्न बाजार समितीमध्ये गत...
नगरमध्ये हरभरा प्रतिक्विटंल ३७५० रुपयेनगर ः नगर बाजार समितीत मागील सप्ताहात ४३४ क्विंटल...
कोल्हापुरात घेवडा प्रतिदहा किलो ३००...कोल्हापूर : येथील कृषी उत्पन्न बाजार समितीत या...
आता खाण्यातही क्रिकेट !क्रिकेट हा आपला खेळ म्हणून माहित असला तरी त्या...
चीन येथील सफरचंद उत्पादकांचा निर्यातीवर...चीनमधील काही भागांमध्ये सफरचंदांचे उत्पादन होते....
राधानगरी धरणाचे दोन दरवाजे उघडलेकोल्हापूर : जिल्ह्याच्या पश्‍चिम भागासह पूर्व...