नाशिक : येथील बाजार समितीत गत सप्ताहात वांगी, घेवडा, ढोबळी मिरची या शेतमालास तेजीचे दर मिळाले. वांग्याची आवक दिवसाला सरासरी 250 क्विंटल या प्रमाणात झाली. वांग्याला प्रतिक्विंटलला ३ ते ५ हजार व सरासरी ४ हजार रुपये दर मिळाले. या वेळी प्रति १० किलोला ३०० ते ५०० व सरासरी ४०० रुपये दर मिळाले. मागील दोन महिन्यांतील हे सर्वाधिक दर असल्याचे बाजार समितीच्या सूत्रांनी सांगितले.
नाशिक बाजारात मागील पंधरवड्यापासून घेवड्याची आवक मोठ्या प्रमाणात घटली आहे. गत सप्ताहात ती नेहमीच्या तुलनेत अवघी १० टक्के होती. या वेळी घेवड्याला प्रतिक्विंटलला अडीच ते साडेतीन सरासरी ३ हजार रुपये दर मिळाले.
गत सप्ताहात ढोबळी मिरचीची आवक वाढली. तरीही देशभरातील बाजारपेठेतून ढोबळीला मागणी वाढली असल्याने दरातही चांगली वाढ होती. गत सप्ताहात नाशिक बाजार समितीच्या पंचवटी बाृजारात ढोबळीची आवक ३०० ते ४०० क्विंटल या दरम्यान होती. या वेळी ढोबळीला ४ ते ५ हजार ८०० व सरासरी ४ हजार ५०० रुपये दर मिळाले.
नाशिक जिल्ह्यात बहुतांश तालुक्‍यांत टंचाईची स्थिती आहे. या स्थितीत इगतपुरी, त्र्यंबकेश्‍वर यासह दिंडोरी, पेठ या तालुक्‍यांतून फळभाज्या व पालेभाज्यांची आवक सुरू आहे. उन्हाळा संपण्याच्या तर पावसाळा सुरू होण्याच्या टप्प्यात असताना धरणक्षेत्रातील जमिनीत भाजीपाला पिके घेतली जातात. या काळात बाजारात भाज्यांची आवक घटते. बाजारात मागणी वाढते. हे नियोजन ठेवून हा कालावधी समोर ठेवून भाजीपाल्याचे उत्पादन घेतले जाते.
खरिपाची तयारी सुरू झाली असताना बाजारात बहुतांश फळभाज्यांची आवक घटल्याने त्यांचे दर स्थिर होते. वांगी, घेवडा, ढोबळी मिरचीला चांगले दर मिळाले. येत्या सप्ताहात या भाज्यांची आवक व दर टिकून राहतील, असे बाजार समितीच्या सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.