agriculture news in marathi, Eggs and broilers rates up due to stable supply, Maharashtra | Agrowon

संतुलित पुरवठ्यामुळे अंडी, ब्रॉयलर्स तेजीत
दिपक चव्हाण
सोमवार, 8 जानेवारी 2018

कच्च्या मालाचे नियंत्रित दर, बाजारातील वाढती मागणी व त्या तुलनेत संतुलित पुरवठा, यामुळे ब्रॉयलर्स आणि अंड्यांचे बाजार तेजीत आहेत. मागणी-पुरवठ्यातील संतुलनामुळे येत्या दिवसांतही बाजार किफायती राहील, असे तज्ज्ञांनी म्हटले आहे.

शनिवारी बेंचमार्क नाशिक विभागातून ८१ रु. प्रतिकिलो या दराने ब्रॉयलर्स पक्ष्यांची विक्री झाली. ब्रॉयलर पोल्ट्रीसाठी गेल्या काही वर्षांत प्रथमच ३१ डिसेंबर आणि जानेवारीचा पहिला आठवडा नफ्याचा ठरला आहे. 

कच्च्या मालाचे नियंत्रित दर, बाजारातील वाढती मागणी व त्या तुलनेत संतुलित पुरवठा, यामुळे ब्रॉयलर्स आणि अंड्यांचे बाजार तेजीत आहेत. मागणी-पुरवठ्यातील संतुलनामुळे येत्या दिवसांतही बाजार किफायती राहील, असे तज्ज्ञांनी म्हटले आहे.

शनिवारी बेंचमार्क नाशिक विभागातून ८१ रु. प्रतिकिलो या दराने ब्रॉयलर्स पक्ष्यांची विक्री झाली. ब्रॉयलर पोल्ट्रीसाठी गेल्या काही वर्षांत प्रथमच ३१ डिसेंबर आणि जानेवारीचा पहिला आठवडा नफ्याचा ठरला आहे. 

ब्रॉयलर पोल्ट्री उद्योगासाठी २०१७ कॅलेंडर वर्ष सर्वाधिक नफा देणारे ठरले आहे. या वर्षातील सरासरी विक्री दर ७२ ते ७५ दरम्यान राहिला असून, उत्पादन खर्चाची सरासरी माॅडेलनिहाय ५८ ते ६५ या दरम्यान येईल. गेल्या वर्षी कच्च्या मालाचे दर पाच वर्षांतील नीचांकी पातळीवर होते. त्यामुळे मार्जिनमध्ये उच्चांकी वाढ पाहावयास मिळाली. एका दिवसाच्या पिलांचे दर आणि हॅचिंग एग्जचे दरही आजवरच्या सर्वोच्च पातळीवर वर्षभर स्थिर राहिले आहेत. अंड्यांच्या दराने या वर्षी प्रतिशेकडा ५६० रु. चा सर्वाधिक दर गाठला. मात्र महिनाभरातच त्यात मोठी घट होऊन ३५० ते ४०० रु. च्या दरम्यान बाजारभाव स्थिरावले आहेत.

‘‘दरवर्षी ३१ डिसेंबरसाठी केलेली प्लेसमेंट अतिरिक्त ठरत होती आणि जानेवारीच्या पहिल्या आठवड्यात मोठ्या प्रमाणावर मागचा माल कॅरी फॉरवर्ड होत असे. या वर्षी मात्र तसे घडले नाही. ३१ डिसेंबरसाठी हवा तेवढा माल निघून गेला असून, चालू आठवड्यात गरजेइतकाच माल विक्रीसाठी उपलब्ध आहे. त्यामुळे नव्या वर्षाची सुरवातही चांगली झाली आहे. संतुलित पुरवठ्यामुळे जानेवारी महिन्याचा सरासरी विक्री दर उत्पादन खर्चाच्या वर असेल,’’ असे डॉ. देशपांडे यांनी सांगितले.

पुण्यातील पोल्ट्री उद्योजक डॉ. अजय देशपांडे म्हणाले, की ऑगस्ट ते ऑक्टोबर या तीन महिन्यांत ब्रॉयलर्स पक्ष्यांना फारसा किफायती दर नव्हता. परिणामी नोव्हेंबर-डिसेंबरसाठी प्लेसमेंट कमी झाली होती. मार्गशीर्ष महिन्यामुळे असणारी मंदीची धास्ती, दरवर्षी ३१ डिसेंबरला बाजार मंदीत असणे अशा काही कारणांमुळे इंटिग्रेटर्सनी सावध पवित्रा घेऊन उत्पादन कमी केले होते. याचा उलट परिणाम होऊन बाजारात पुरवठा संतुलित राहिला आणि भाव वाढत गेले.

२०१७ कॅलेंडर वर्षामध्ये पुणे विभागाचा अंड्यांसाठीचा सरासरी फार्म लिफ्टिंग दर ३६० प्रतिशेकडा होता. मात्र, २०१६ च्या तुलनेत हा दर प्रतिशेकडा ९ पैशांनी कमी आहे. २०१५ च्या तुलनेत मागील दोन वर्षांतील दर १५ टक्क्यांनी जास्त राहिला आहे. २०१७ मध्ये कच्च्या मालाचे दर कमी होते. त्यामुळे लेअर फार्मिंग उद्योगाच्या (अंडी) नफ्यात चांगली वाढ झाली आहे. मागील दोन वर्षांतील बाजारभाव किफायती राहिल्यामुळे येत्या काळात अंडी उत्पादन वाढण्याची शक्यता दिसत आहे.
 

प्रकार  भाव      परिमाण   बाजारपेठ
ब्रॉयलर  ८१     प्रतिकिलो   नाशिक
अंडी    ४१५    प्रतिशेकडा   पुणे
चिक्स    ४५    प्रतिनग     पुणे
हॅचिंग एग्ज     ३५   प्रतिनग   मुंबई
मका  १२८०  प्रतिक्विंटल   सांगली
सोयामिल     २४३८८   प्रतिटन      इंदूर

     
 

  
       

 

इतर अॅग्रो विशेष
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...
सीताफळाच्या योग्य जातींची करा लागवडमहाराष्ट्रात सीताफळाच्या झाडांचे काही नैसर्गिक...
उत्पादकांसाठी बेदाणा गोडसांगली ः यंदाच्या बेदाणा हंगामात बेदाण्याच्या...
केळी दरात किंचित सुधारणाजळगाव ः रावेर, यावलमध्ये केळीची आवक वाढलेली...
मका चार वर्षांतील नीचांकी पातळीवरनवी दिल्ली ः बजारात मका आवक वाढल्यांतर मागणी कमी...
कामाच्या अतिरिक्त ताणामुळे पणन संचालक...पुणे ः पणन संचालकपदी पूर्णवेळ नियुक्ती असताना...
​​राज्य सरकार राबविणार मधुमक्षिका मित्र...पुणे : शहरी भागात मधुमक्षिकांचे पोळे दिसले, की ते...
ग्रामस्वच्छता अभियानात प्रभाग, गटातून...नगर ः ग्रामीण भागात स्वच्छतेची व्यापी...
केसर आंबा पाडाला आलाय...औरंगाबाद : आपली चव, गंध आणि रूपाने ग्राहकांना...
बदल्या समुपदेशनानेच...पुणे : राज्याच्या कृषी विभागात समुपदेशनाने बदल्या...
अरबी समुद्रात चक्रीवादळाचे संकेतपुणे : ‘सागर’ चक्रीवादळापाठोपाठ अरबी समुद्रात...
पाणलोट, मृदसंधारण घोटाळ्याचा पर्दाफाशपुणे : कृषी खात्यातील पाणलोट व मृदसंधारण...
ब्राझील, थायलंडचा यंदा इथेनॉलकडे वाढता...कोल्हापूर : आंतरराष्ट्रीय बाजारात सर्वत्रच...
बारमाही भाजीपाला शेतीला नर्सरी...ब्राह्मणगाव (जि. नाशिक) येथील केवळ वाघ पूर्वी...
सुधारित तंत्राची मिळाली गुरुकिल्लीअकोला जिल्ह्याचे मुख्य उन्हाळी पीक कांद्याची...
भाराभर चिंध्या राज्यात १२७ वा पशुसंवर्धन दिन नुकताच साजरा...
मथुरेचं दूध का नासलं?राज्यात मे महिन्याचे तापमान यंदा नैसर्गिक आणि...
चिमुरड्याच्या कॅमेऱ्यात कैद आनंदी शेतकरीआपल्याकडील शेतकरी आनंदी असू शकतो का? उत्तर...
‘अ’तंत्र निकेतनपुरेसा अभ्यास आणि तयारीअभावी, यंत्रणेचा विरोध...