agriculture news in Marathi, Eknath Dawle says, trying for correct weather forecast, Maharashtra | Agrowon

मंडळ स्तरावरील अचूक हवामान अंदाजासाठी प्रयत्न ः एकनाथ डवले
टीम अॅग्रोवन
रविवार, 19 मे 2019

परभणी ः महावेध प्रकल्पांतर्गत मंडळ स्तरावरील स्वयंचलित हवामान केंद्राद्वारे वाऱ्याचा वेग, सापेक्ष आर्द्रता, तापमान, अपेक्षित पाऊस याबाबत अचूक हवामान अंदाज व सल्ला शेतकऱ्यांपर्यंत मोबाईलद्वारे पोचविण्यासाठी प्रयत्न केले जात आहेत. शेतकऱ्यांची नवीन कृषी तंत्रज्ञानाची अपेक्षा कृषी विद्यापीठांनी पूर्ण करावी, असे प्रतिपादन कृषी सचिव एकनाथ डवले यांनी केले.

परभणी ः महावेध प्रकल्पांतर्गत मंडळ स्तरावरील स्वयंचलित हवामान केंद्राद्वारे वाऱ्याचा वेग, सापेक्ष आर्द्रता, तापमान, अपेक्षित पाऊस याबाबत अचूक हवामान अंदाज व सल्ला शेतकऱ्यांपर्यंत मोबाईलद्वारे पोचविण्यासाठी प्रयत्न केले जात आहेत. शेतकऱ्यांची नवीन कृषी तंत्रज्ञानाची अपेक्षा कृषी विद्यापीठांनी पूर्ण करावी, असे प्रतिपादन कृषी सचिव एकनाथ डवले यांनी केले.

वसंतराव नाईक मराठवाडा कृषी विद्यापीठाच्या ४७व्या वर्धापन दिनानिमित्त शुक्रवारी (ता.१८) आयोजित खरिप पीक शेतकरी मेळाव्याचे उदघाटन श्री. डवले यांच्या हस्ते झाले. या वेळी ते बोलत होते. कुलगुरू डॉ. अशोक ढवण अध्यक्षस्थानी होते. माजी कृषी आयुक्त उमाकांत दांगट, संशोधन संचालक डॉ. दत्तप्रसाद वासकर, विस्तार शिक्षण संचालक डॉ. प्रदीप इंगोले, कुलसचिव रणजित पाटील, प्रभारी कृषी सहसंचालक संतोष आळसे, प्रभारी जिल्हा अधीक्षक कृषी अधिकारी सागर खटकाळे, नियंत्रक महेश कुलकर्णी, महाबीजचे विभागीय व्यवस्थापक एस. पी. गायकवाड, जिल्हा कृषी विकास अधिकारी हनुमंत ममदे,आत्माचे प्रकल्प उपसंचालक के. आर. सराफ, प्राचार्य डॉ. डी. एन. गोखले आदी उपस्थित होते.

श्री. डवले म्हणाले की, कृषी विभागाअंतर्गत हाती घेण्यात आलेल्या अॅग्रीटेक प्रकल्पाच्या माध्यमातून उपग्रहाद्वारे अचूक हवामान अंदाज, पीकसंरक्षणासाठी कीड सर्वेक्षण, शास्त्रीय पद्धतीने पीक उत्पादन काढले जाणार आहे. परभणी कृषी विद्यापीठाचे कडधान्य आणि गळितधान्य, तसेच ज्वारीमध्ये अत्यंत चांगले संशोधन आहे. शेतकऱ्यांना नवीन शेती तंत्रज्ञान हवे असते, परंतु बीटी कपाशीनंतर भरीव तंत्रज्ञान आले नाही. नांदेड ४४ बीटी कपाशीच्या वाणाचे बियाणे पुढील वर्षी मोठ्या प्रमाणात उपलब्ध होईल. कपाशीचे सरळ वाण बीटीमध्ये परावर्तित करण्यासाठी प्रयत्न सुरू आहेत. एकट्या दुकट्याने शेती करण्याचे दिवस आता राहिले नाहीत. त्यामुळे गटशेतीचा अंगीकार आवश्यक आहे. 

श्री. दांगट म्हणाले, की एकीकडे आपल्या देशाची जगातील सर्वांत वेगवान अर्थव्यवस्था म्हणून गणना होते, तर दुसरीकडे शेतकरी आत्महत्या, ग्रामीण असंतोष, बेरोजगारी, स्थलांतर हे प्रश्न महत्त्वाचे आहेत. जागतिकीकरणाचा सर्वाधिक फटका कृषीक्षेत्राला बसला आहे.

कुलगुरू डॉ. ढवण म्हणाले, की अन्य वाणांच्या तुलनेत अनेक बाबतींत सरस असलेल्या कपाशीच्या नांदेड ४४ वाणांच्या बियाणांची यंदा मर्यादित प्रमाणात उपलब्धता आहे. पुढील वर्षी तीन लाख पाकिटे उपलब्ध करून देण्यासाठी प्रयत्न केला जाईल. फळबागांच्या रोपनिर्मितीवर भर देण्यात येणार आहे. डॉ. इंगोले यांनी प्रास्ताविक केले. वीणा भालेराव यांनी सूत्रसंचालन केले. तत्पूर्वी खरीप पिकांच्या बियाणे विक्रीचा प्रारंभ श्री.डवले यांच्या हस्ते करण्यात आला.

इतर अॅग्रो विशेष
मॉन्सून एक्सप्रेस कोकणात दाखल;...पुणे : अरबी समुद्रात आलेल्या वायू चक्रीवादळामुळे...
नवसंकल्पना ठीक; पण... राज्य शासनाच्या पशुसंवर्धन विभागातर्फे राज्यात ‘...
उत्पन्न दुपटीसाठी आत्ताही अपुरे उपाय दर्जेदार बियाणांची उपलब्धता  शेतकऱ्यांना...
सौर कृषिपंप योजनेतील लाभार्थी हिस्सा...मुंबई : मुख्यमंत्री सौर कृषिपंप योजनेत...
कृषी विभागात बदल्यांची धूमपुणे  : राज्यात ऐन खरिपाच्या नियोजनात कृषी...
मका लागवड तंत्रज्ञानपेरणी     खरीप हंगाम ः १५...
पावसाचा प्रत्येक थेंब जिरवा ः...पुणे  ः पावसाच्या पाण्याचे विविध प्रयोगांनी...
मॉन्सून आज कोकणात?पुणे  : अरबी समुद्रात आलेल्या ‘वायू’...
ग्रामविकासाचा आदर्श झालेले वडगाव पांडे महाराष्ट्र ग्राम सामाजिक परिवर्तन अभियानाच्या...
राज्यात डाळिंबाचा मृग बहर अडचणीतसांगली ः राज्यात डाळिंबाचे क्षेत्र एक लाख ३० हजार...
कोकणात पाऊस जोर धरणारपुणे  : मॉन्सूनच्या आगमनास पोषक स्थिती...
सिंधुदुर्ग जिल्हयात मुसळधार पाऊस (video...सिंधुदुर्ग : जिल्ह्यातील काही भागात बुधवारी (ता....
मक्यावरील लष्करी अळीचे एकात्मिक नियंत्रणमहाराष्ट्रात फॉल आर्मी वर्म (स्पोडोप्टेरा...
राज्य अर्थसंकल्प : सर्वसमावेशक ‘निवडणूक...मुंबई : राज्यात मोसमी पाऊस लांबला असला तरी आगामी...
‘सबसरफेस ड्रीप’ तंत्राने  ऊस, टोमॅटोची...शेततळ्यातले जेमतेम पाणी आणि उपलब्ध पाण्याचा योग्य...
कोकणात तुरळक ठिकाणी जोरदार पावसाचा अंदाजपुणे   : राज्यातील मॉन्सूनचे आगमन...
जुनीच वाट की नवी दिशाप्रधानमंत्री किसान सन्मान निधी योजना ...
कोरड्या महाराष्ट्रावर घोषणांचा पाऊसराज्यात सत्तेत आल्यानंतर शेतीतील गुंतवणूक वाढविली...
लोकसहभागातून नागरी पर्जन्यजल संधारण शक्यप्रत्येक जलस्रोताचे पुनर्भरण करून त्याचं बळकटीकरण...
बोंडअळी निर्मूलन प्रकल्पात आठ राज्यांचा...नागपूर : देशात सर्वात आधी गुजरात त्यानंतर...