agriculture news in marathi, election analysis, nagar, maharashtra | Agrowon

नगर, शिर्डीत ‘काँटे की टक्कर’ मतात उतरलीच नाही
सुर्यकांत नेटके
शनिवार, 25 मे 2019

नगर ः भारतीय जनता पक्ष आणि शिवसेनेच्या कामावर ग्रामीण भागात शेतकरी, कष्टकरी, कामगार, व्यापारी, व्यावसायिक नाराज आहेत, असे चित्र रंगवले गेले. त्यातूनच नगर आणि शिर्डी लोकसभा मतदारसंघांत एकतर्फी नव्हे, तर काँटे की टक्कर दिसून आली. मात्र प्रत्यक्षात असे काहीच नव्हते, हे दोन्ही मतदारसंघांतील उमेदवारांना मिळालेल्या मताधिक्यातून स्पष्ट झाले. विशेष म्हणजे दोन्ही पराभूत उमेदवारांना आपापल्या विधानसभा मतदारसंघातही मताधिक्यही राखता आले नाही. 

नगर ः भारतीय जनता पक्ष आणि शिवसेनेच्या कामावर ग्रामीण भागात शेतकरी, कष्टकरी, कामगार, व्यापारी, व्यावसायिक नाराज आहेत, असे चित्र रंगवले गेले. त्यातूनच नगर आणि शिर्डी लोकसभा मतदारसंघांत एकतर्फी नव्हे, तर काँटे की टक्कर दिसून आली. मात्र प्रत्यक्षात असे काहीच नव्हते, हे दोन्ही मतदारसंघांतील उमेदवारांना मिळालेल्या मताधिक्यातून स्पष्ट झाले. विशेष म्हणजे दोन्ही पराभूत उमेदवारांना आपापल्या विधानसभा मतदारसंघातही मताधिक्यही राखता आले नाही. 

नगर दक्षिण लोकसभा मतदारसंघ कॉँग्रेसला न सोडल्यामुळे ऐनवेळी पक्ष बदलून भाजपकडून लढलेल्या डॉ. सुजय विखे पाटील यांच्या विरोधात नगर शहराचे आमदार संग्राम जगताप राष्ट्रवादीकडून लढले. सुरवातीला काँटे की टक्कर वाटली. प्रत्यक्षात मात्र ती मतात उतरलीच नाही. विखे पावणेतीन लाख मतांनी निवडून आले. जिल्ह्यात उत्तर व दक्षिण, असा राजकीय वादही फोल ठरला. विशेष म्हणजे दक्षिणेतील एकाही राष्ट्रवादीच्या नेत्यांला आपल्या मतदारसंघात भाजपला रोखता आले नाही. स्वतः संग्राम जगताप यांच्या नगर मतदारसंघातूनही ५० हजार, राष्ट्रवादीचे प्रदेशाध्यक्ष जयंत पाटील यांचे भाचे, राष्ट्रवादीचे नेते प्राजक्त तनपुरे यांचा प्रभाव असलेल्या राहुरीत ७० हजार, राष्ट्रवादीचे माजी जिल्हाध्यक्ष चंद्रशेखर घुले यांचा प्रभाव असलेल्या शेवगाव- पाथर्डीत ६० हजार, राष्ट्रवादीचे विद्यमान आमदार राहुल जगताप यांच्या श्रीगोंद्यात तीस हजारांचे मताधिक्य विखे पाटील यांना आहे. विखे परिवाराच्या व्यक्तिरिक्त डॉ. सुजय यांनी गेल्या तीन वर्षांपासून मतदारसंघात केलेला जनसंपर्कही कामी आला. 

शिर्डीत मतदारसंघात खासदार सदाशिव लोखंडे पाच वर्षे फिरकलेच नाहीत, असा सूर आवळत विरोधकांनी शिवसेना व भाजपवर जनतेची नाराजी असल्याचे दाखवण्याचा प्रयत्ने केला. प्रत्यक्षात राहुल गांधी यांची सभा, माजी महसूलमंत्री व कॉँग्रेसचे प्रभावी नेते बाळासाहेब थोरात यांचा प्रभावही लोखंडे यांचे मताधिक्य रोखू शकला नाही. अकोले विधानसभेचा अपवाद वगळला तर थोरात यांच्या संगमनेर, स्वतः कांबळे यांच्या श्रीरामपूर मतदारसंघातूनही लोखंडे यांना मताधिक्य आहे. यामुळे दोन्ही मतदारसंघांतील काँटे की टक्कर प्रत्यक्ष मतांमध्ये उतरलीच नाही. दोन्ही मतदारसंघांत भाजप-शिवसेनेच्या उमेदवारांना मिळालेले मताधिक्य पाहता ‘कोणी कोणाचे काम केले’ याचे आता पक्षीय पातळीवर काउंट डाउन सुरू झाल्याचे बोलले जात आहे. 

विधान सभेपर्यंत प्रभाव टिकवण्याचे नियोजन 
नगर आणि शिर्डी लोकसभा मतदारसंघांत भाजप-शिवसेनचे उमेदवार मोठ्या मतांनी निवडून आल्याने मताधिक्य जाहीर होताच अनेकांना आता विधानसभेलाही धोका वाटू लागला आहे. विधानसभेला कोण कोणासाठी अडचणीचे ठरेल यांची गणिते बांधली जाऊ लागली आहेत. भाजप-शिवसेनेचा मात्र लोकसभेतील प्रभाव विधानसभा निवडणुकीसाठीही टिकवून ठेवण्याचा प्रयत्न सुरू आहे. 

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...