agriculture news in marathi, election of solapur market committee, maharashtra | Agrowon

सोलापूर बाजारसमिती निवडणूकीसाठी शेतकऱ्यांकडून चुरशीने मतदान
टीम अॅग्रोवन
सोमवार, 2 जुलै 2018

सोलापूर : सोलापूर कृषी उत्पन्न बाजार समितीच्या संचालक मंडळाच्या निवडणुकीसाठी रविवारी (ता.१) काही किरकोळ प्रकार वगळता शांततेत मतदान झाले. या बाजारसमितीसाठी ४९.९३ टक्के पहिल्यांदाच थेट मतदान झाले. सहकार व पणनमंत्री सुभाष देशमुख यांच्या मतदारसंघातील ही बाजार समिती असल्याने या निवडणुकीकडे सर्वांचे लक्ष लागले आहेच. पण, बाजार समितीत शेतकऱ्यांना मतदानाचा अधिकार देणारी ही निवडणूक असल्यानेही ती वैशिष्ट्यपूर्ण ठरणार आहे.

सोलापूर : सोलापूर कृषी उत्पन्न बाजार समितीच्या संचालक मंडळाच्या निवडणुकीसाठी रविवारी (ता.१) काही किरकोळ प्रकार वगळता शांततेत मतदान झाले. या बाजारसमितीसाठी ४९.९३ टक्के पहिल्यांदाच थेट मतदान झाले. सहकार व पणनमंत्री सुभाष देशमुख यांच्या मतदारसंघातील ही बाजार समिती असल्याने या निवडणुकीकडे सर्वांचे लक्ष लागले आहेच. पण, बाजार समितीत शेतकऱ्यांना मतदानाचा अधिकार देणारी ही निवडणूक असल्यानेही ती वैशिष्ट्यपूर्ण ठरणार आहे.

बाजार समितीच्या १८ संचालकांसाठी ही निवडणूक होत आहे. दक्षिण सोलापूर व उत्तर सोलापूर तालुक्‍यातील १ लाख १८ हजार ८८८ शेतकरी या निवडणुकीसाठी मतदार आहेत. रविवारी सकाळी आठ वाजता मतदानाला सुरवात झाली. पण, सकाळी संथगतीने मतदान सुरू झाले. पहिल्या दोन तासांत अवघे १० टक्के मतदान झाले होते. पण, दहा वाजेनंतर काहीसा वेग आला. दोन्ही तालुक्‍यांतील १५ गणांत आणि व्यापारी मतदारसंघात दोन व हमाल मतदारसंघात एका जागेसाठी सगळीकडे चुरस दिसून आली.

सहकारमंत्री देशमुख यांनी सिद्धेश्वर महाराज यांचे दर्शन घेऊन भंडारकवठेत मतदान केले. पालकमंत्री विजयकुमार देशमुख यांनी बसवनगर तांड्यावर, महापौर शोभा बनशेट्टी यांनी बाणेगावात आणि काँग्रेस नेते, माजी आमदार दिलीप माने यांनी तिऱ्हे येथे मतदान केले.

मतदार यादीत नाव नाही, दुबार मतदार, अपाक मतदार यांसारख्या मुद्यावरून काही ठिकाणी शाब्दिक चकमकी घडल्या. कोंडी केंद्रावर मतदार यादीत नाव नसलेला व्यक्ती उभा होता, पण पोलिंग एजंट म्हणून कार्यरत होता. माझ्या भावाऐवजी मी उभारल्याचे त्या एजंटने सांगितले. पण, मतदान केंद्राध्यक्षानेही फक्त बघ्याची भूमिका घेतली. परंतु, शिवसेनेच्या काही पदाधिकाऱ्यांनी हरकत घेतल्यावर त्याला पोलिसांच्या मदतीने बाहेर पाठविण्यात आले.

एका पोलिंग बूथवरील पोलिंग एजंट दुसऱ्या बूथमध्ये कार्यरत होता. त्यावरूनही गोंधळ झाला. पण हे काही किरकोळ प्रकार वगळता, मतदान शांततेत पार पडले. दुपारी ३ वाजेपर्यंत ४० टक्‍क्‍यांपर्यंत मतदान झाले होते.       

बाजार समितीत सहकारमंत्री सुभाष देशमुख यांच्या पॅनेलच्या विरोधात काँग्रेस, राष्ट्रवादी काँग्रेस आणि शिवसेना असे तीन पक्षांतील नेत्यांचे एक पॅनल आहे आणि याच पॅनलमध्ये पालकमंत्री विजयकुमार देशमुखही आहेत. शिवाय काही अपक्षांचे बचाव पॅनल अशी तिरंगी लढत होत आहे. त्यामुळे मंत्री देशमुख यांच्या विरुद्ध सगळे विरोधक, अशी लढत होत आहे. या पार्श्वभूमीवर स्वतः देशमुखही आठवडाभरापासून प्रचारासाठी तळ ठोकून होते. साहजिकच, ही निवडणूक सहकारमंत्री देशमुख यांच्यासाठी प्रतिष्ठेची ठरली आहे.  

बाजार समितीच्या या निवडणुकीची मतमोजणी उद्या (मंगळवारी, ता.३) सकाळी आठ वाजल्यापासून सोरेगाव एसआरपी कॅंपमध्ये सुरू होणार आहे. मतपत्रिकेवर शिक्‍क्‍याद्वारे मतदान झाल्याने रात्री उशिरापर्यंत मतमोजणी चालेल, असा अंदाज आहे.

बार्शी बाजार समितीसाठी शांततेत मतदान
बार्शी कृषी उत्पन्न बाजार समितीच्या निवडणुकीसाठी शेतकरी १५ गण, व्यापारी दोन गण, तर हमाल एक गण अशा एकूण १८ गणांसाठी रविवारी (ता. १) ५७.९७ टक्के मतदान झाले. किरकोळ प्रकार वगळता सर्वत्र शांततेत मतदान प्रक्रिया सुरू होती. सकाळच्या सत्रात सुरवातीच्या दोन तासांत १३, तर दुपारी बारा वाजेपर्यंत सरासरी २५ टक्के मतदान झाले असल्याचे निवडणूक निर्णय अधिकारी शिवाजी जगताप यांनी सांगितले.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...