सोलापुरातील ‘एनटीपीसी’मधून ४५० मेगावॉट वीजनिर्मिती

वीजनिर्मिती
वीजनिर्मिती

सोलापूर ः दक्षिण सोलापुरातील राष्ट्रीय औष्णिक ऊर्जा प्रकल्पातून (एनटीपीसी) गेल्या सहा महिन्यांत सुमारे ४५० मेगावॉट वीजनिर्मिती झाली असून, त्याची विक्रीही सुरू झाली आहे.

प्रकल्पाच्या कामाला आता गती येत आहे. आतापर्यंत या प्रकल्पात ६६० मेगावॉटच्या दोन युनिटची उभारणी झाली आहे. त्यापैकी एका युनिटमधून ४५० मेगावॉट वीजनिर्मिती झाली आहे. आता दुसऱ्या प्रकल्पातूनही लवकरच वीजनिर्मिती सुरू होईल. महाराष्ट्रासह मध्य प्रदेश, छत्तीसगड, गोवा या राज्यांना यातून वीजपुरवठा होणार आहे. 

खासदार शरद बनसोडे यांनी या प्रकल्पाला नुकतीच भेट देऊन पाहणी केली. त्या वेळी एनटीपीसीचे मुख्य व्यवस्थापक नवकुमार सिन्हा यांनी ही माहिती दिली. आहेरवाडी येथे उभारलेल्या या प्रकल्पासाठी ९९९५ कोटी रुपयांची तरतूद करण्यात आली होती. त्यापैकी ८२९२ कोटी रुपये खर्च झाले आहेत.
 
या प्रकल्पामुळे वातावरणातील तापमान वाढणार नसून, पुरेशी वृक्षलागवड केली आहे. त्याशिवाय या प्रकल्पाच्या प्रदूषणाच्या अनुषंगाने योग्य ती तांत्रिक काळजी घेतली आहे. त्यामुळे उलट तापमान दोन अंशाने घटेल, असा दावाही श्री. सिन्हा यांनी केला.
 
एनटीपीसीसाठी आतापर्यंत १९९ रेल्वे रॅक कोळशाची आवक झाली आहे. ७ लाख ७१ हजार २८ टन कोळसा आला. त्यापैकी ३६ हजार ७२५ टन कोळसा शिल्लक आहे. रोज चार रेल्वेने हजार टन कोळशाची गरज आहे, असेही ते म्हणाले.  

तत्कालीन केंद्रीय ऊर्जामंत्री सुशीलकुमार शिंदे यांनी प्रयत्न करून एनटीपीसी प्रकल्प मंजूर केला. त्याचे काम सुरू झाले; पण भाजप सरकारच्या काळात निधीची तरतूद करून एनटीपीसीचे काम अंतिम टप्प्यात आले.

आता या प्रकल्पाची पूर्ण उभारणी आता झाली आहे. शिवाय वीजनिर्मितीही सुरू झाली आहे. लवकरच या प्रकल्पाचे लोकार्पण करण्यासाठी पंतप्रधान नरेंद्र मोदी यांना निमंत्रित करण्यात येणार असल्याचे खासदार अॅड. शरद बनसोडे यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com