agriculture news in marathi, electricity supply problem in jat taluka, sangli, maharashtra | Agrowon

जतमधील शेतीपंपांना अवघा चार तासच वीजपुरवठा
टीम अॅग्रोवन
मंगळवार, 16 जानेवारी 2018

महावितरणने नियमाप्रमाणे कृषिपंपाना आठ तास वीजपुरवठा केला पाहिजे. मात्र, गेल्या पंधरा ते वीस दिवसांपासून आम्हाला केवळ चार तासच वीजपुरवठा होतोय. महावितरणने आठ तास वीजपुरवठा करावा. तरच शेतातील पिकांना वेळेत पाणी देता येईल.
- राजेंद्र शिंदे, उमदी, ता. जत.

सांगली  ः जत तालुक्‍यात परतीचा पाऊस समाधानकारक झाला. यामुळे विहिरी व कूपनिलकांसह लघू व मध्यम तलावांमध्ये मुबलक पाणीसाठा उपलब्ध आहे. मात्र, शेतीपंपासाठी लागणाऱ्या विजेचा अवघा चार तासच पुरवठा होत असल्याने शेतकऱ्यांमधून तीव्र नाराजी व्यक्त होत आहे. महावितरण कंपनीने शेतीसाठी आठ तास वीजपुरवठा केला नाही, तर तीव्र आंदोलन केले जाईल, असा इशारा शेतकऱ्यांनी दिला आहे.

जत तालुक्‍यात गेल्या दोन वर्षांपासून अपेक्षित पाऊस नव्हता. त्यामुळे पाणीटंचाईला सामोरे जावे लागत होते. परिणामी रब्बी हंगामातील पिके वाया गेली होती. मात्र, यंदा तालुक्‍यात परतीचा पाऊस समाधानकारक झाला. या पावसामुळे भूजलपातळीत वाढ झाली आहे.

जत तालुक्‍यात २७ लघू व मध्यम प्रकल्पांत २१५३.९४ दशलक्ष घनफूट म्हणजे ७० टक्के पाणीसाठा आहे. पाणी असल्याने रब्बी हंगामासह द्राक्ष, डाळिंब पिकांना पुरेसे पाणी उपलब्ध आहे. शेतीला पाणी मुबलक आहे, पण महावितरण कंपनीच्या अनागोंदी कारभारामुळे कृषिपंपाना केवळ चार तासच वीजपुरवठा होतो आहे.

यामुळे पाणी असून शेतीला वेळेत पाणी देता येत नाही. याचा फटका रब्बी हंगामातील पिकांसह द्राक्ष, डाळिंब पिकांना बसू लागला आहे. कृषी पंपाच्या विजेचे बिल घेण्यासाठी महावितरण कंपनी शेतकऱ्यांना धारेवर धरत आहे. आम्हाला पुरेशी विजच मिळत नाही, मग आम्ही बिल का भरायचे असा प्रश्‍न शेतकरी उपस्थित करत आहेत. अगोदर आम्हाला १२ तास वीज द्या मग आम्ही वीजबिल भरायचे की नाही याचा विचार करू, अशी चर्चा शेतकऱ्यांमध्ये सुरू आहे.
 

इतर ताज्या घडामोडी
फुलोरा अवस्थेतील द्राक्ष बागेचे...द्राक्ष लागवड विभागात पाऊस झाल्याने बागेच्या...
साताऱ्यात शेवगा प्रतिक्विंटल ५००० ते...सातारा ः येथील कृषी उत्पन्न बाजार समितीत मंगळवारी...
`दुष्काळाबाबत उपाययोजनांसाठी स्वतंत्र...पुणे  ः दुष्काळ आणि योजनांच्या माध्यमातून...
वऱ्हाडात काही ठिकाणी अवकाळी पाऊसअकोला : वऱ्हाडात मंगळवारी (ता.२०) सकाळ पर्यंतच्या...
साताऱ्यातील प्रमुख धरणांत ७१ टक्क्यांवर...सातारा  ः जिल्ह्यातील सर्वत्र प्रमुख...
अमरावती जिल्ह्यात रब्बीचे ५० टक्‍के...अमरावती : जिल्ह्यात सरासरीच्या तुलनेत कमी पाऊस...
मालावी देशातील हापूस पुण्यात दाखलपुणे ः दक्षिण अफ्रिका खंडातील मालावी देशातील...
सोलापुरात सलग दुसऱ्या दिवशी पाऊससोलापूर : सोलापूर जिल्ह्यात ठिकठिकाणी सोमवारी...
नव्या सहकारी संस्थांना भागभांडवल :...नाशिक : सहकार खात्याने नावीन्यपूर्ण सहकारी संस्था...
पुणे जिल्ह्यातील चार तालुक्यांत काही...पुणे ः पुणे जिल्ह्यात दोन दिवसांपासून ढगाळ हवामान...
हिरज येथे रेशीम कोषाची बाजारपेठसोलापूर : राज्यातील रेशीम कोष उत्पादक शेतकरी व...
संगमनेरच्या पश्‍चिम भागाला पाऊस,...संगमनेर, जि. नगर ः तालुक्‍याच्या पश्‍चिम भागात...
कोल्हापुरात ऐन हंगामातच गुऱ्हाळघरे शांतकोल्हापूर  : यंदा गूळ दरात काहीशी वाढ...
दुष्काळ, आरक्षणाच्या मुद्द्यांवर विधान...मुंबई : दुष्काळग्रस्त शेतकऱ्यांना तातडीने मदत...
परिषदेत पहिल्याच दिवशी राज्य सरकारची...मुंबई : विधान परिषदेचे पहिले विरोधी पक्षनेते...
जुन्नर तालुक्यात द्राक्ष बागांवर...नारायणगाव, जि. पुणे : जुन्नर तालुक्‍यातील द्राक्ष...
कर्जमुक्तीसह विविध मागण्यांसाठी...परभणी  : मानवत तालुक्यासह जिल्ह्यातील...
नाशिक जिल्ह्यात ३५०० द्राक्षप्लॉटची...नाशिक  : युरोपियन राष्ट्रांसह रशिया आणि अन्य...
शेतकऱ्यांनो, आत्महत्या करू नका ः आदित्य...बुलडाणा   ः तुम्ही संकटात असताना...
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...