agriculture news in marathi, encroachment in agrani river, sangli, maharashtra | Agrowon

अग्रणी नदी पुन्हा अतिक्रमणाच्या विळख्यात
टीम अॅग्रोवन
मंगळवार, 22 मे 2018

सांगली : तासगाव, कवठेमहांकाळ तालुक्‍यांतील अग्रणी नदीचे पात्र अतिक्रमणाच्या विळख्यात सापडले आहे. अनेक गावांच्या हद्दीतील जवळपास निम्मे नदीपात्रच गायब झाले आहे. ग्रामपंचायत व तालुका प्रशासनाचे मात्र या प्रकाराकडे दुर्लक्ष आहे. अतिक्रमण करणाऱ्यांना कोणत्याही कारवाईचा धाक राहिलेला नाही. परिस्थिती अशीच राहिली तर एक दिवस तासगाव आणि कवठेमहांकाळ तालुक्‍यांतील अग्रणी नदीपात्र शोधण्याची वेळ प्रशासनावर येणार आहे.

सांगली : तासगाव, कवठेमहांकाळ तालुक्‍यांतील अग्रणी नदीचे पात्र अतिक्रमणाच्या विळख्यात सापडले आहे. अनेक गावांच्या हद्दीतील जवळपास निम्मे नदीपात्रच गायब झाले आहे. ग्रामपंचायत व तालुका प्रशासनाचे मात्र या प्रकाराकडे दुर्लक्ष आहे. अतिक्रमण करणाऱ्यांना कोणत्याही कारवाईचा धाक राहिलेला नाही. परिस्थिती अशीच राहिली तर एक दिवस तासगाव आणि कवठेमहांकाळ तालुक्‍यांतील अग्रणी नदीपात्र शोधण्याची वेळ प्रशासनावर येणार आहे.

खानापूर तालुक्‍यातील तामखडीजवळ अडसरवाडी येथे अग्रणी नदीचा उगम झाला आहे. डोंगरात उगम पावलेली ही नदी खानापूर, तासगाव आणि कवठेमहांकाळ या तीन तालुक्‍यांतून ५५ किलोमीटर प्रवास करीत कर्नाटकातील अथणी तालुक्‍यात कृष्णा नदीला मिळते.

गेल्या चार वर्षांपूर्वी अग्रणी नदी पात्र खोलीकरण आणि अतिक्रमण लोकसहभाग आणि शासनानाच्या मदतीने काढले आहे. यामुळे नदीच्या उगमापासून २० किलोमीटर अंतरापर्यंत खोलीकरण आणि रुंदीकरणातून भव्य पात्र निर्माण झाले आहे. खानापूर तालुक्‍यातील २० किलोमीटर पात्रात अतिक्रमण होऊ नये यासाठी ग्रामस्थांनी उपाययोजना केल्या आहेत.

मात्र, तासगाव व कवठेमहांकाळ तालुक्‍याच्या हद्दीतील पात्र अतिक्रमणाच्या विळख्यात सापडले आहे. तासगाव तालुक्‍यातील वायफळे, यमगरवाडी, सावळज, अंजनी, वज्रचौंडे, गव्हाण आणि कवठेमहांकाळ तालुक्‍यातील मळणगाव, बोरगाव, शिरढोण, मोरगाव, हिंगणगाव, देशिंग, विठुरायाचीवाडी, अग्रण धुळगाव, रांजणी, लोणारवाडी या गावांच्या हद्दीतील नदीपात्रात मोठ्या प्रमाणावर अतिक्रमण झाले आहे.

पाण्याचा उपसा करण्यासाठी पात्रालगत विहीरखोदाई करण्याचे काम अनेक दिवसांपासून सुरू आहे. विशेषतः तासगाव तालुक्‍यातील गव्हाण आणि कवठेमहांकाळ तालुक्‍यातील मळणगाव येथील शेतकऱ्यांनी अग्रणी पात्रालगत मोठ्या प्रमाणावर विहिरी खोदल्या आहेत. स्थानिक शेतकऱ्यांबरोबर तासगाव तालुक्‍यातील अंजनी, वडगाव, लोकरेवाडी, नागेवाडी, सावळज, परिसरातील ग्रामस्थांनी अतिक्रमण करण्यास सुरुवात केली आहे.

अग्रणी नदीच्या उगमापासून ते २० किलोमीटर परिसरात एकाही शेतकऱ्यांनी अतिक्रमण केलेले नाही. मग तासगाव आणि कवठेमहांकाळ तालुक्‍यांतील ग्रामस्थ आणि तालुका प्रशासन अतिक्रमण दूर करण्यासाठी का पुढे येत नाहीत असा प्रश्‍न उपस्थित होऊ लागला आहे.

इतर ताज्या घडामोडी
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
यवतमाळ जिल्हा दुष्काळग्रस्त जाहीर करा ः...वणी, जि. यवतमाळ   ः केंद्र व राज्यातील सरकार...
ग्रामपंचायत कर्मचाऱ्यांच्या वेतनासाठी...नाशिक (प्रतिनिधी) : कुटुंबाच्या आर्थिक अडचणीच्या...
पीकनिहाय सिंचनाचे काटेकोर नियोजनपिकांच्या अधिक उत्पादकतेसाठी जमिनीची निवड, मुबलक...
नारळासाठी खत, पाणी व्यवस्थापननारळ हे बागायती पीक असल्यामुळे पुरेसे पाणी...
खानदेशात केळीच्या दरात सुधारणाजळगाव : केळीची आवक सध्या कमी असून, थंडी वधारताच...
नाशिक जिल्ह्यातील दुष्काळी तालुक्यात...नाशिक : नाशिक जिल्ह्यातील पंधरापैकी आठ तालुके...
‘निम्न दुधना’तून पाणी देण्याचे...परभणी : निम्म दुधना प्रकल्पातून पिण्यासाठी पाणी...
सर्वसाधारण सभेचा सत्ताधाऱ्यांना धसकाजळगाव : जिल्हा परिषदेची सर्वसाधारण सभा येत्या २८...
शेतकऱ्यांनी चारा पिकांवर भर द्यावा ः...पुणे  : नव्या वर्षाच्या सुरवातीलाच कृषी...
‘वनामकृवि’ तयार करणार दुष्काळी...परभणी  ः मराठवाड्यात उद्भलेल्या दुष्काळी...
कापूस लागवड न करणाऱ्यांना मिळाली मदत;...जळगाव  ः जिल्ह्यात मागील हंगामात बोंड...
पुणे विभागात रब्बीची १८ टक्क्यांवर पेरणीपुणे  ः परतीचा पाऊस न झाल्याने जमिनीत पुरेशी...