agriculture news in marathi, engrave in rivers, amaravati, maharashtra | Agrowon

अमरावती जिल्ह्यातील नदीनाल्यांमध्ये खोदणार चर
टीम अॅग्रोवन
सोमवार, 20 मे 2019

अमरावती : पावसाचे पाणी जमिनीत मुरून भूजलपातळीत वाढ व्हावी म्हणून गावच्या परिसरातून वाहणाऱ्या प्रत्येक नदी, नाल्यात आडवे चर खोदण्याचे निर्देश उद्योग राज्यमंत्री व पालकमंत्री प्रवीण पोटे यांनी दिले.

जिल्ह्यातील पाणीटंचाईचा आढावा घेण्यासाठी आयोजित बैठकीत त्यांनी हे निर्देश दिले. या वेळी जिल्हाधिकारी शैलेश नवाल, जिल्हा परिषदेचे मुख्य कार्यकारी अधिकारी मनीषा खत्री, महापालिका आयुक्‍त संजय निपाणे, महाराष्ट्र जीवन प्राधिकरणाचे अभियंता एस. एस. चारथळ, सिंचन विभागाचे अधीक्षक अभियंता रमेश ढवळे, निवासी उपजिल्हाधिकारी डॉ. नितीन व्यवहारे उपस्थित होते. 

अमरावती : पावसाचे पाणी जमिनीत मुरून भूजलपातळीत वाढ व्हावी म्हणून गावच्या परिसरातून वाहणाऱ्या प्रत्येक नदी, नाल्यात आडवे चर खोदण्याचे निर्देश उद्योग राज्यमंत्री व पालकमंत्री प्रवीण पोटे यांनी दिले.

जिल्ह्यातील पाणीटंचाईचा आढावा घेण्यासाठी आयोजित बैठकीत त्यांनी हे निर्देश दिले. या वेळी जिल्हाधिकारी शैलेश नवाल, जिल्हा परिषदेचे मुख्य कार्यकारी अधिकारी मनीषा खत्री, महापालिका आयुक्‍त संजय निपाणे, महाराष्ट्र जीवन प्राधिकरणाचे अभियंता एस. एस. चारथळ, सिंचन विभागाचे अधीक्षक अभियंता रमेश ढवळे, निवासी उपजिल्हाधिकारी डॉ. नितीन व्यवहारे उपस्थित होते. 

नदी, नाल्यांमध्ये आडवे बांध टाकण्याची ही संकल्पना जोरकसपणे राबविण्यात येईल, असा निर्धार या वेळी उपस्थित अधिकाऱ्यांनी व्यक्‍त केला. चंद्रभागा, पूर्णा या मोठ्या नद्यांसह जिल्ह्यातील विविध नदी व नाल्यांत अडीच फूट चर ठिकठिकाणी खणल्यामुळे पाणी मुरायला मदत होईल व पाऊस येताच भूजलपातळीत सुधारणा होईल. ही मोहीम जिल्हाभर राबविण्याचे आवाहन पालकमंत्री पोटे यांनी केले.

पाणीटंचाई निवारणार्थ यंत्रणेकडून थेट गावात पोचून तेथील गरज लक्षात घेऊन कामे झाली पाहिजेत. जिथे विहिरी अधिग्रहित करणे, टॅंकर सुरू करणे आदी उपाययोजनांची आवश्‍यकता असेल, तिथे ती तत्काळ व्हावी, त्यासाठी सर्वांनी परस्परांशी समन्वय ठेवावा. केवळ कागदोपत्री कार्यवाहीत खोळंबून राहू नये. विनाविलंब कृती होणे आवश्‍यक आहे. नागरिकांमध्ये जाऊन त्यांच्याशी चर्चा करून त्यांच्या अडचणी समजून घ्या व तत्काळ तोडगा काढा. प्रत्येक गावच्या सरपंच, ग्रामसेवकांशी रोज संपर्क ठेवा. केवळ तात्कालिक उपययोजना नकोत. पावसाळ्यात पाणी साठून राहण्यासाठी नदीत आडवे चर घ्यावे. रोजगार हमी योजनेतील कामांमध्ये जलसंधारणाची कामे जोरदारपणे करण्याचे निर्देश पालकमंत्र्यांनी दिले. या वेळी जिल्ह्यातील चौदा तालुक्‍यांतील पाणीटंचाईचा आढावा त्यांनी घेतला. 

अशी आहे स्थिती
मोर्शी तालुक्‍यात ४४ विहिरी अधिग्रहित करण्यात आल्या आहेत. वरुडमध्ये अधिग्रहित विहिरींची संख्या २८ आहे. चिखलदरा तालुक्‍यात २० गावांत टँकर सुरू आहेत. अमरावती तालुक्‍यात ४४ विहिरींचे अधिग्रहण करण्यात आले असून, ३ गावांमध्ये टॅंकर सुरू आहेत. तिवसा तालुक्‍यात २१ विहिरी अधिग्रहित केल्या असून, २ टॅंकर सुरू आहेत. धामणगावमध्ये ११ विहिरींचे अधिग्रहण करण्यात आले असून, एका टॅंकरव्दारे पाणीपुरवठा सुरू आहे. नांदगाव खंडेश्‍वरमध्ये ३३ विहिरी अधिग्रहित करण्यात आल्या आहेत. चांदूरबाजार तालुक्‍यातील घाटलाडकीत २ टॅंकर सुुरू आहेत.

इतर ताज्या घडामोडी
कीटकशास्‍त्र विभागातर्फे ट्रायकोकार्ड...परभणी ः येत्या हंगामात मराठवाड्यातील औरंगाबाद,...
फळबाग योजनेतील अटी कोकणासाठी शिथिल करू...रत्नागिरी ः भाऊसाहेब फुंडकर फळबाग लागवड...
कांदा उत्पादक शेतकऱ्यांना अनुदानाची...नाशिक : मागील वर्षी लाल कांद्याचे भाव पडल्याने...
कपाशीचा नांदेड ४४ बीटी वाण लोकार्पण हा...परभणी  : वसंतराव नाईक मराठवाडा कृषी...
पावसाला उशीर झाल्याने चिंतेचे ढग गडदनांदेड ः नांदेड, परभणी, हिंगोली जिल्ह्यांत यंदा...
कृषी विद्यापीठाच्या वाणांच्या...रत्नागिरी ः डॉ. बाळासाहेब सावंत कोकण कृषी...
परभणी, हिंगोलीतील दूध उत्पादकांच्या... परभणी  ः शासकीय दूध योजनेअंतर्गत परभणी...
विदर्भातील कृषी विकासाला बाधक ठरतोय...नागपूर   ः सत्ताकेंद्र विदर्भात असताना...
आवक कमी झाल्याने भाजीपाल्याच्या दरात वाढपुणे ः गुलटेकडी येथील कृषी उत्पन्न बाजार...
उदारीकरणाच्या नावाखाली उत्पादन...पुणे   : देशात १९९१ मध्ये...
विधिमंडळाचे आजपासून पावसाळी अधिवेशनमुंबई : राज्य विधिमंडळाच्या पावसाळी...
दुष्काळ, पीकविम्याचे आठ हजार कोटी...मुंबई ः लोकसभा निवडणूक निकालाच्या पार्श्वभूमीवर...
दुष्काळ, मंत्र्यांचे भ्रष्टाचार, आरक्षण...मुंबई : राज्यात भीषण दुष्काळ आहे, त्यामुळे...
मॉन्सूनची सिक्कीम, पश्चिम बंगालपर्यंत...पुणे : अरबी समुद्रात गुजरातच्या किनाऱ्यावर...
'टीम देवेंद्र'चा विस्तार; विखे पाटील,...मुंबई : आगामी विधानसभा निवडणूक ऐन तोंडावर आली...
ऊस बिलासाठी शेतकऱ्यांचा पाचपुतेंच्या...श्रीगोंदे : काष्टी येथील माजी मंत्री बबनराव...
खरेदीदारांच्या इच्छेवर पॅकेजिंगचा पडतो...एखादा खाद्यपदार्थ लोकांना आकर्षित ...
नगरमध्ये छावणीचालकांसाठी आणखी ६ कोटींचा...नगर : पशुधन जगविण्यासाठी छावणीचालकांचे अर्थचक्र...
सांगली जिल्ह्यात खरीप पेरा रखडलासांगली : जिल्ह्यात वळीव पावसाने दडी मारली,...
केंद्र आणि राज्याच्या मंत्र्यांना कांदे...नाशिक  : अगोदरच मागील कांदा विक्रीचे अनुदान...