agriculture news in marathi, ex state minister Vasantrao Dhotre passes away | Agrowon

माजी सहकार राज्यमंत्री वसंतराव धोत्रे यांचे निधन
सकाळ वृत्तसेवा
शनिवार, 11 ऑगस्ट 2018

अकोला : मुख्यमंत्री शंकरराव चव्हाण यांच्या मंत्रिमंडळातील सहकार राज्यमंत्री तथा अकोला जिल्ह्यातील ज्येष्ठ सहकार नेते वसंतराव रामराव धोत्रे यांचे शुक्रवारी (ता.१०) निधन झाले. ते ८१ वर्षांचे होते. त्यांच्यावर अनेक दिवसांपासून येथील खासगी रुग्णालयात उपचार सुरू होते.

अकोला : मुख्यमंत्री शंकरराव चव्हाण यांच्या मंत्रिमंडळातील सहकार राज्यमंत्री तथा अकोला जिल्ह्यातील ज्येष्ठ सहकार नेते वसंतराव रामराव धोत्रे यांचे शुक्रवारी (ता.१०) निधन झाले. ते ८१ वर्षांचे होते. त्यांच्यावर अनेक दिवसांपासून येथील खासगी रुग्णालयात उपचार सुरू होते.

काँग्रेसचे ज्येष्ठे व सहकार क्षेत्रात वेगळा ठसा उमटविणारे वसंतराव धोत्रे यांचा जन्म अकोला जिल्ह्यातील पळसो बढे येते १४ फेब्रुवारी १९३७ रोजी झाला होता. सहकार व राजकीय क्षेत्रातील अनेक महत्त्वाची पदे त्यांनी भूषविले आहे. गेले काही दिवसांपासून ते आजारी होते. त्यांच्यावर येथील आेझोन रुग्णालयात उपचार सुरू असताना शुक्रवारी सायंकाळी ५.३० वाजता त्यांची प्राणज्योत मालवली. त्यांची अंत्ययात्रा शनिवारी दुपारी २ वाजता त्यांच्या तापडियानगर येथील घरून काढण्यात येईल. त्यांच्या पार्थिवावर उमरी स्मशानभूमीत अंत्यसंस्कार करण्यात येईल. त्यांच्या मागे अकोला कृषी उत्पन्न बाजार समितीचे सभापती शिरिष धोत्रे हा मुगला आणि दोन मुली व बराच मोठा आप्त परिवार आहे.

देशातील पहिल्या कृषी उत्पन्न बाजार समितीचे सभापती, जिल्हा मध्यवर्ती सहकारी बँकेचे संचालक, जिल्हा परिषद सदस्य, आमदार आणि राज्यमंत्री अशी त्यांची राजकीय कारकिर्द आहे. अमरावती येथे मुख्यालय असलेल्या श्री शिवाजी शिक्षण संस्थेचे ते दहा वर्ष अध्यक्ष होते. बोरगाव मंजू (आताचा अकोला पूर्व) विधानसभा मतदारसंघातून ते १९८४ मध्ये आमदार झाले होते. १९८६ ते १९८८ या काळात शंकरराव चव्हाण यांच्या मंत्रिमंडळात ते सहकार राज्यमंत्री होते.
.....................
अल्प परिचय
जन्म ः १४ फेब्रुवारी १९३७
गाव ः पळसो (बढे) अकोला
शिक्षण ः नागपूर विद्यापीठातून बी.कॉम. ची पदवी
सामाजिक व राजकीय कारकिर्द
१९६० साली सामाजिक कार्यात भाग घेण्यास सुरुवात केली.
१९६५ ते १९८६ असे २१ वर्षे त्यांनी अकोला सहकारी जिनींग प्रेसींग फॅक्टरी लिमिटेडचे अध्यक्ष म्हणून जबाबदारी पार पाडली.
१९६७ ते १९८५ अशी १९ वर्षे ते अकोला जिल्हा परिषदेचे सदस्य होते.
१९६५ ते १९८६ या २१ वर्षाच्या कालावधित त्यांनी अकोला जिल्हा कुक्कुट विकास सहकारी संस्था लिमिटेचे संस्थापक अध्यक्ष म्हणून कार्यभार सांभाळला.
१९७१ ते १९८६ या पंधरा वर्षात त्यांनी अकोला कृषी उत्पन्न बाजार समितीचे सभापती.
१९८५ ते १९९० विधानसभा सदस्य (आमदार बोरगाव मंजू विधानसभा मतदारसंघ)
१९८७ ते १९९४ या कालावधित कृषी उत्पन्न बाजार समिती अकोलाचे ज्येष्ठ मार्गदर्शक.
१९८५ ते १९९८ अशी १३ वर्षे महाराष्ट्र राज्य सहकारी कापूस उत्पादक पणन महासंघ मर्यादित मुंबईचे संचालक.
१९८६ ते १९८८ महाराष्ट्र राज्याचे (सहकार व वने) राज्यमंत्री
१९८९ ते १९९३ महाराष्ट्र राज्य सहकारी कापूस उत्पादक पणन महासंघ मर्यादित मुंबईचे अध्यक्ष.
१९८९ ते १९९७ पर्यंत अकोला जिल्हा सहकारी साखर कारखाना लिमिटेडच्या उपाध्यक्ष.
१९९१ ते २००१ अशी दहा वर्षे दि निळकंठ सहकारी सूत गिरणी लिमिटेड अकोलाचे ते अध्यक्ष व महाराष्ट्र राज्य सहकारी विणकर संस्था महासंघ मर्यादित मुंबईचे संचालक होते.
१९९३ ते २००० या कालावधित ते वसंतदादा शुगर इन्स्टिट्यूट पुणेचे संचालक होते. १९९४ ते २००२ या आठ वर्षात त्यांनी अकोला कृषी उत्पन्न बाजार समितीचे सभापती.
१९९७ ते २००२ ते महाराष्ट्र राज्य कृषी पणन मंडळ पुणेचे संचालक होते.
१९९१ ते १९९३ या तिन वर्षात त्यांनी इंडीयन फार्मर्स फर्टीलायझर को-आॅप.लिमिटेड न्यू दिल्लीचे संचालक
१९९७ पासून दहा वर्षे श्री शिवाजी शिक्षण संस्था, अमरावती या संस्थेचे अध्यक्ष.

इतर ताज्या घडामोडी
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...
नगरमधील ४३३८ शेतकऱ्यांची शेतीमाल...नगर  ः आधारभूत किमतीने मूग, उडीद, सोयाबीनची...
जळगाव जिल्ह्यात ज्वारीच्या पेरणीला...जळगाव : जिल्ह्यात रब्बीतील ज्वारी पेरणीकडे...
ढगाळ वातावरणामध्ये द्राक्ष पिकात...सांगली, मिरज व सोलापूर येथील काही भागांमध्ये हलके...
हुमणी अळीचे एकात्मिक व्यवस्थापनगेल्या काही वर्षांपासून राज्याच्या विविध...
पुणे जिल्ह्यात रब्बीसाठी १९ हजार...पुणे : पुणे जिल्ह्यात रब्बी हंगामाची तयारी सुरू...
सोलापूर जिल्हा बॅंकेकडून ७० हजार...सोलापूर  : सोलापूर जिल्हा बॅंकेच्या सव्वा...
सोयाबीन खरेदी केंद्रे सुरू होईनातसातारा : जिल्ह्यात खरिप पिकांची काढणी अंतिम...
भाजीपाला सल्लासध्याच्या काळात बाजारपेठेची मागणी लक्षात घेऊन...
कृषी सल्ला : ऊस, कापूस, तूर, गहू, हरभरा...ज्या ठिकाणी पाण्याचा ताण बसत आहे, त्या ठिकाणी...
हाताचा नाकाशी होणाऱ्या संपर्कातूनही...न्यूमोनियाकारक जिवाणू हा नाकाला हात लावणे,...
खानदेशात खरिपातील ज्वारीची आवक सुरुजळगाव : खानदेशात अनेक भागांत ज्वारीची मळणी जवळपास...
परभणी जिल्ह्यात मुगाची उत्पादकता एकरी १...परभणी : यंदा परभणी जिल्ह्यात मुगाची सरासरी...
पुणे जिल्ह्यात चाराटंचाईपुणे   ः पुणे जिल्ह्यातील पूर्व पट्ट्यात...
नगर - मराठवाड्यात पाण्यावरून संघर्षाची...नगर ः पुरेसा पाऊस झाला नसल्याने यंदा...
‘महसूल’च्या जागेवर चाऱ्याच्या...यवतमाळ  ः पांढरकवडा व राळेगाव तालुक्‍यांतील...
सातारा जिल्ह्यात ७७३ एकरांवर तुती लागवडसातारा  ः जिल्ह्यात रेशीम शेती करण्याकडे...