Agriculture news in marathi, Ex Union finance Minister P. Chindambaram | Agrowon

नोटाबंदीमुळे कृषी विकासदर घटला ः पी. चिदंबरम
मारुती कंदले
सोमवार, 11 सप्टेंबर 2017

मुंबई: नोटाबंदीमुळे जानेवारी २०१७ या एका महिन्यात १५ लाख नोकऱ्या गेल्या. १०४ लोकांचा मृत्यू झाला. लघू आणि मध्यम उद्योग बंद झाले. उत्पादन घटले, मागणी घटली, कृषी विकासदर घटला, निर्यात घटली, अशी टीका देशाचे माजी वित्तमंत्री पी. चिदंबरम यांनी केली.

मुंबई विभागीय काँग्रेस कमिटीच्या कार्यालयात झालेल्या पत्रकार परिषदेत ते शनिवारी (ता. ९) बोलत होते.  ते पुढे म्हणाले, की बनावट चलनी नोटा, दहशतवाद, काळा पैसा रोखणे यापैकी नोटाबंदीचा एकही उद्देश सफल झाला नाही.

मुंबई: नोटाबंदीमुळे जानेवारी २०१७ या एका महिन्यात १५ लाख नोकऱ्या गेल्या. १०४ लोकांचा मृत्यू झाला. लघू आणि मध्यम उद्योग बंद झाले. उत्पादन घटले, मागणी घटली, कृषी विकासदर घटला, निर्यात घटली, अशी टीका देशाचे माजी वित्तमंत्री पी. चिदंबरम यांनी केली.

मुंबई विभागीय काँग्रेस कमिटीच्या कार्यालयात झालेल्या पत्रकार परिषदेत ते शनिवारी (ता. ९) बोलत होते.  ते पुढे म्हणाले, की बनावट चलनी नोटा, दहशतवाद, काळा पैसा रोखणे यापैकी नोटाबंदीचा एकही उद्देश सफल झाला नाही.

नोटाबंदीनंतर २००० रुपयांच्या बनावट नोटा देशभरात अनेक ठिकाणी आढळून आल्या. नोटाबंदीनंतर २०१७ या वर्षात काश्मीरमध्ये दहशतवादी हल्ले आणि मृत्युमुखी पडलेल्या जवानांच्या संख्येत मोठी वाढ झाली. सरकार दरवर्षी दोन कोटी नव्या नोकऱ्या देणार होते. त्या नोकऱ्या कुठे आहेत? काळ्या पैशात मोठ्या प्रमाणात वाढ झाल्याने तामिळनाडूच्या आर. के. नगर मतदारसंघातील निवडणूक, निवडणूक आयोगाने रद्द केली. या निवडणुकीत वापरलेला पैसा काळ होता की पांढरा? भाजपने देशात अनेक सभा घेतल्या. त्या सभांचा खर्च चेकने केला का, असा सवालही त्यांनी केला.

मोदी सरकारने केलेली नोटाबंदी पूर्णपणे अपयशी ठरली आहे. नोटाबंदीमुळे विकासदर दोन टक्क्यांनी कमी होईल, असे डॉ. मनमोहनसिंग म्हणाले होते; ते खरे ठरले. सलग सहाव्या तिमाहीत विकासदरात घसरण झाली. येणाऱ्या तिमाहीत ही घसरण कायम राहील. आता भारत ही जगात सर्वांत वेगाने वाढणारी व्यवस्था राहिली नाही. नवीन नोटा छापण्यावर ८ हजार कोटींचा खर्च झाला, नोटांची वाहतूक, जुन्या नोटा जमा करणे, त्या जुन्या नोटांची विल्हेवाट लावणे यावर झालेला होणारा खर्च हा वेगळाच आहे. नोटाबंदीवर २१००० कोटी खर्च झाले. पंतप्रधान म्हणतात नोटाबंदी हा धाडसी निर्णय, परंतु चुकीचे निर्णय घ्यायला धाडस लागत नाही. चुकीची जबाबदारी स्वीकारायला धाडस लागते, असे पी. चिंदबरम यांनी म्हटले अाहे.

लघू उद्योगमंत्री कलराज मिश्रा, कौशल्य विकासमंत्री राजीव प्रताप रुडी यांना मंत्रिमंडळातून वगळले. रेल्वे आणि वाणिज्यमंत्री बदलले, यावरून सरकारने अप्रत्यक्षपणे अपयशी ठरल्याचे मान्य केले आहे, अशी खिल्ली त्यांनी उडवली.

सलग सहाव्या तिमाहीत विकासदरात घसरण झाली. येणाऱ्या तिमाहीत ही घसरण कायम राहील. आता भारत ही जगात सर्वांत वेगाने वाढणारी व्यवस्था राहिली नाही.
- पी. चिदंबरम, माजी केंद्रीय वित्तमंत्री

इतर ताज्या घडामोडी
प्रकल्पग्रस्त वयोवृद्ध शेतकऱ्याचा...मुंबई : धुळे जिल्ह्यातील धर्मा पाटील या...
हिरव्या मिरचीच्या दरात जळगावात सुधारणाजळगाव ः येथील कृषी उत्पन्न बाजार समितीमध्ये...
शेतकरी कन्या झाली उत्पादन शुल्क निरीक्षकयवतमाळ : इंजिनिअर होऊन प्रशासकीय सेवेत आपले...
चिकू बागेत आच्छादन, पाणी व्यवस्थापन...चिकूचे झाड जस जसे जुने होते त्याप्रमाणे त्याचा...
‘गिरणा’तून दुसरे आवर्तन सुरू पण... जळगाव  ः जिल्ह्यातील शेतीसाठी महत्त्वपूर्ण...
मातीच्या ऱ्हासासोबत घडले प्राचीन...महान मानल्या जाणाऱ्या अनेक प्राचीन संस्कृतींचा...
अर्थसंकल्पासाठी नागरिकांनी सूचना...मुंबई : शासनाच्या ध्येय-धोरणांचे प्रतिनिधीत्व...
माफसूला जागतिक स्तरावर लौकिक मिळवून...नागपूर : पदभरती, ॲक्रीडेशन यासारखी आव्हाने...
कर्जमाफीची रक्कम द्या; अन्याथ लेखी द्यापुणे : २००८ मधील कर्जमाफीची रक्कम नाबार्डने...
नुकसानभरपाईची मागणी तथ्यांवर आधारित...नागपूर : नॅशनल सीड असोसिएशनने बोंड अळीला...
बदल्यांअभावी राज्यात कृषी... नागपूर : राज्यात गेल्या दोन वर्षांपासून कृषी...
हवामान बदलाचा सांगलीतील द्राक्ष बागांना... सांगली  ः गेल्या दोन दिवसांपासून हवामानात...
साताऱ्यातील चौदाशेवर शेतकरी ठिबक...सातारा : जिल्ह्यातील २०१६-१७ मध्ये चौदाशेवर...
सोलापूर बाजारात कांद्याच्या दरात पुन्हा...सोलापूर : सोलापूर कृषी उत्पन्न बाजार समितीच्या...
रब्बी पेरणीत बुलडाण्याची आघाडी अकोला  ः अमरावती विभागात यंदाच्या रब्बी...
कोल्हापुरात हिरवी मिरची तेजीतकोल्हापूर : येथील बाजारसमितीत या सप्ताहात हिरवी...
सरकार कीटकनाशक कंपन्यांच्या दबावात यवतमाळ (प्रतिनिधी) : जिल्ह्यात कीटकनाशक फवारणीतून...
पुण्यात गवार, भेंडी, चवळीच्या दरात अल्प...पुणे : गुलटेकडी येथील बाजार समितीमध्ये रविवारी (...
मृदा आरोग्य पत्रिकावाटपात पुणे आघाडीवरपुणे : शेतकऱ्यांना जमिनीत असलेल्या अन्नद्रव्याचे...
बदलत्या वातावरणामुळे ब्रॉयलर्स मार्केट... मागणी आणि पुरवठ्यातील संतुलनामुळे अंडी आणि...