agriculture news in marathi, The excitement of Gramadavaveda Siddheshwar Procession in Solapur | Agrowon

सोलापुरात ग्रामदैवत सिद्धेश्‍वर यात्रेचा उत्साह
टीम अॅग्रोवन
शनिवार, 13 जानेवारी 2018

सोलापूर ः बोला एकदा भक्तलिंग हर्र बोला...सिद्धेश्‍वर महाराज की जय.... चा जयजयकार करत सोलापूरचे ग्रामदैवत सिद्धेश्‍वरांनी स्थापलेल्या ६८ लिंगांना तैलाभिषेकाचा विधी शुक्रवारी (ता.१२) मोठ्या उत्साहात पार पडला. तत्पूर्वी सकाळी पालखीसह नंदीध्वज मिरवणूक निघाली. पांढऱ्या शुभ्र बाराबंदी वेशातील भाविकांचा सहभाग आणि शहरातील मुख्य मार्गावरून निघालेले मानाचे सातही नंदीध्वज यामुळे मिरवणुकीने सगळ्यांचेच लक्ष वेधले. भक्तीच्या अभूतपूर्व या उत्साहात अवघे सोलापूर भारून गेले.

सोलापूर ः बोला एकदा भक्तलिंग हर्र बोला...सिद्धेश्‍वर महाराज की जय.... चा जयजयकार करत सोलापूरचे ग्रामदैवत सिद्धेश्‍वरांनी स्थापलेल्या ६८ लिंगांना तैलाभिषेकाचा विधी शुक्रवारी (ता.१२) मोठ्या उत्साहात पार पडला. तत्पूर्वी सकाळी पालखीसह नंदीध्वज मिरवणूक निघाली. पांढऱ्या शुभ्र बाराबंदी वेशातील भाविकांचा सहभाग आणि शहरातील मुख्य मार्गावरून निघालेले मानाचे सातही नंदीध्वज यामुळे मिरवणुकीने सगळ्यांचेच लक्ष वेधले. भक्तीच्या अभूतपूर्व या उत्साहात अवघे सोलापूर भारून गेले.

तैलाभिषेकासाठी गुरुवारी मध्यरात्रीच मानाच्या पहिल्या व दुसऱ्या नंदीध्वजाला साज चढविण्यात आला होता. उत्तर कसब्यातील श्री मल्लिकार्जुन मंदिराजवळील हिरेहब्बू मठात सकाळी मानाच्या पहिल्या व दुसऱ्या नंदीध्वजांचे मानकरी शिवानंद हिरेहब्बू, राजशेखर हिरेहब्बू, राजशेखर देशमुख, सुदेश देशमुख यांच्यासह पालकमंत्री विजयकुमार देशमुख, महापौर शोभा बनशेट्टी, माजी केंद्रीय गृहमंत्री सुशीलकुमार शिंदे, उज्वलाताई शिंदे, आमदार प्रणिती शिंदे, स्मृती शिंदे, सिद्धेश्वर देवस्थान कमिटीचे चेअरमन धर्मराज काडादी यांच्या हस्ते विधिवत पूजा करण्यात आली.

त्यानंतर "बोला एकदा भक्तलिंग हर्र बोला...सिद्धेश्‍वर महाराज की जय....'' असा जयघोष करीत फुलांनी सजवलेले नंदीध्वज तैलाभिषेकासाठी मार्गस्थ झाले. या मिरवणुकीतील पहिला नंदीध्वज सिद्धेश्‍वरांचा असतो. या नंदीध्वजाला खोबरे, लिंबाचा हार अर्पण केला जातो. त्यानंतर अन्य सहा नंदीध्वज एकत्रित मार्गक्रमण करतात. सनई-चौघडा, बॅण्ड पथक, हलगी, तुतारी अशा वाद्यांच्या गजरात ही मिरवणूक शहरातील मुख्य मार्गावरून निघाली.

पालखी आणि मिरवणुकीतील नंदीध्वजाच्या दर्शनासाठी रस्त्याच्या दुतर्फा भाविकांची मोठी गर्दी झाली होती. उंचच्या उंच नंदीध्वज घेऊन निघालेले भक्तगण आणि बाराबंदीच्या पांढऱ्या शुभ्र वेशातील भाविकांच्या सहभागाने मिरवणूक एका वेगळ्याच वातावरणाने भारून गेली. सिद्धेश्‍वरांनी स्थापन केलेल्या शहरातील ६८ लिंगांना या मिरवणुकीतून तैलाभिषेक घालण्याची धार्मिक परंपरा आहे.  

आज अक्षता सोहळा
सिद्धेश्‍वर यात्रेतील मुख्य असणारा अक्षता सोहळा शनिवारी (ता.१३) सिद्धेश्‍वर मंदिर परिसरातील संमती कट्ट्यावर होणार आहे. दुपारी दोनच्या सुमारास हा सोहळा होईल. या सोहळ्यासाठी परराज्यातून भाविक येतात.

इतर बातम्या
संत एकनाथ महाराज समाधी दर्शनासाठी...पैठण, जि. औरंगाबाद : पैठण येथील शांतीब्रह्म श्री...
खानदेशात टॅंकरचा आकडा शंभरी पारजळगाव  : खानदेशात पाणीटंचाई तीव्र होत आहे....
जंगलातून होणाऱ्या नत्र प्रदूषणाचे...अमेरिकन वनसेवेतील शास्त्रज्ञांनी जंगलातून...
वनस्पती अवशेषापासून स्वस्त, शाश्वत हवाई...पिकांचे अवशेष आणि झाडांची लाकडे यांच्यापासून...
नागपुरात लघुसिंचनचे बारा तलाव कोरडेहिंगणा, नागपूर : जिल्हा परिषद लघुसिंचन विभागाच्या...
खानदेशात बाजरी मळणीवरजळगाव : खानदेशात बाजरी पीक मळणीवर आले आहे. आगामी...
गिरणाच्या पाण्यासाठी आज रास्ता रोकोजळगाव : दुष्काळी परिस्थितीमुळे गिरणा पट्ट्यातील...
थकीत चुकाऱ्यांसाठी स्वाभिमानी आक्रमकबुलडाणा : जिल्ह्यात शेतकऱ्यांनी तूर, मूग, उडदाची...
सोलापूरसाठी उजनीतून पाणी सोडलेसोलापूर : उजनी धरणातून भीमा नदीपात्रात सोलापूर...
सोलापूर जिल्ह्यात टँकरचा आकडा सव्वाशेवरसोलापूर  : जिल्ह्यात उन्हाच्या वाढत्या...
लासुर्णेमध्ये जिल्हा बॅंकेसमाेर...वालचंदनगर, जि. पुणे ः लासुर्णे (ता. इंदापूर)...
अकोला, बुलडाण्यात अर्ज दाखल करण्यासाठी...अकोला : लोकसभा निवडणूकीसाठी उमेदवारी अर्ज दाखल...
सांगली जिल्ह्यात ऊस गाळप हंगाम अंतिम...सांगली ः साखर कारखान्यांच्या गळीत हंगामातील...
देहूगाव-लोहगाव गटातून शिवसेनेच्या शैला...पुणे : सदस्याचे जातपडताळणी प्रमाणपत्र फेटाळल्याने...
परभणी जिल्ह्यात मनरेगाअंतर्गत १४६...परभणी ः महात्मा गांधी राष्ट्रीय ग्रामीण रोजगार...
जळगाव, धुळे, नंदुरबारमध्ये रंगणार...जळगाव ः खानदेशात रावेर वगळता नंदुरबार, धुळे व...
शेतकऱ्यांना संपूर्ण कर्जमुक्ती : '...मुंबई ः शेतीच्या शाश्वत सुधारणेला गती देण्यासाठी...
शेतकरी कंपन्यांमार्फत रेशीम धागा...परभणी ः ‘‘शेतकरी उत्‍पादक कंपन्‍या स्‍थापन करून...
गरिबांना वार्षिक ७२ हजारांच्या हमीचे...नवी दिल्ली : लोकसभा निवडणुकीसाठी कॉंग्रेसने...
नांदेड जिल्ह्यात तूर उत्पादकता...नांदेड  ः नांदेड जिल्ह्यात २०१८-१९ मधील खरीप...