agriculture news in marathi, exhbition at mahatma phule agriculture university, rahuri, maharashtra | Agrowon

महात्मा फुले कृषी विद्यापीठात सोमवारपासून किसान आधार संमेलन
संदीप नवले
शनिवार, 23 सप्टेंबर 2017

राहुरी, जि. नगर  : महात्मा फुले कृषी विद्यापीठ आणि कृषी विभाग, महाराष्ट्र शासन यांच्या संयुक्त विद्यमाने राहुरी येथील महात्मा फुले कृषी विद्यापीठात सोमवार (ता. २५) ते शुक्रवार (ता.२९) सप्टेंबर या कालावधीत भव्य किसान आधार संमेलनाचे आयोजन केले आहे. हे संमेलन सकाळी ९ ते सायंकाळी ६ वाजेपर्यंत सुरू राहणार आहे.

राहुरी, जि. नगर  : महात्मा फुले कृषी विद्यापीठ आणि कृषी विभाग, महाराष्ट्र शासन यांच्या संयुक्त विद्यमाने राहुरी येथील महात्मा फुले कृषी विद्यापीठात सोमवार (ता. २५) ते शुक्रवार (ता.२९) सप्टेंबर या कालावधीत भव्य किसान आधार संमेलनाचे आयोजन केले आहे. हे संमेलन सकाळी ९ ते सायंकाळी ६ वाजेपर्यंत सुरू राहणार आहे.

या किसान आधार संमेलनात शेतकऱ्यांसाठी कृषी प्रदर्शन, विविध पिकांची प्रात्यक्षिके, पशू प्रदर्शन आणि विविध कृषी विषयांवर व्याख्याने व चर्चासत्रांचे आयोजन करण्यात आले आहे. या किसान आधार संमेलनातील पीक प्रात्यक्षिकांमध्ये तेलबिया, कडधान्य,
तृणधान्य, चारा आणि नगदी पिकांमधील विविध ३० पिकांचे १०१ वाण, १४ भाजीपाला पिकांचे २८ वाणांचे प्रात्यक्षिके बघता येणार आहे.

या व्यतिरिक्त गायी, म्हैस, शेळी, मेंढी, कोंबड्यांच्या विविध जाती, तसेच कृषी अवजारे शेतकऱ्यांना पाहण्यास मिळणार आहेत. प्रदर्शनस्थळी कृषी विद्यापीठांनी विकसित केलेले तंत्रज्ञान, कृषी विभागाच्या योजना, विविध खासगी कंपन्यांनी विकसित केलेले तंत्रज्ञान शेतकऱ्यांना एकाच दालनाखाली पाहण्यास मिळणार आहे. याचबरोबर सिंचन प्रणाली, निचरापद्धती, माती परीक्षण प्रात्यक्षिके, एकात्मिक शेती पद्धतीचे मॉडेल, गांडूळखत उत्पादन प्रकल्प, मधुमक्षिकापालन, जिवाणू खते, जैविक कीड नियंत्रण, एकात्मिक कीड व्यवस्थापन इत्यादी कृषी तंत्रज्ञान पाहण्याची व जाणून घेण्याची संधी यानिमित्त उपलब्ध करून देण्यात येणार आहे.

या प्रसंगी प्रत्येक दिवशी विविध विषयांवर कृषी शास्त्रज्ञांचे आणि प्रगतिशील शेतकऱ्यांची व्याख्याने आणि चर्चासत्रांचे आयोजन केले आहे. किसान आधार संमेलनास राज्यातील आणि जिल्ह्यातील शेतकरी बांधवांनी भेट देऊन तंत्रज्ञान आत्मसात करावे, तसेच शास्त्रज्ञ व प्रगतिशील शेतकऱ्यांशी सुसंवाद साधावा, असे आवाहन महात्मा फुले कृषी विद्यापीठाचे कुलगुरू डॉ. के. पी. विश्वनाथा यांनी केले.

हे किसान आधार संमेलन शेतकरी, उद्योजक, विद्यार्थी या सर्वांसाठी अत्यंत उपयुक्त ठरणार आहे. या किसान आधार संमेलनात सर्वांना विनामूल्य प्रवेश देण्यात येणार आहे.

इतर ताज्या घडामोडी
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
यसनी तोडून पुढे या : रमेश घोलपसोलापूर  : "परिस्थितीने बांधलेल्या यसनी तोडत...
पुणे विभागासाठी साडेपाच कोटींवर वृक्ष...पुणे  ः पर्यावरणाचे संतुलन अबाधित...
सोयाबीन उत्पादकांना पीकविम्याची रक्कम...मुंबई  : शासनाच्या विशेषतः कृषी विभागाच्या...
आमदार निधीतून दुष्काळग्रस्त भागासाठी...मुंबई  ः दुष्काळग्रस्त भागातील जनतेला आमदार...